بنات ليش المره تقعد في بيتها اذا زعلت؟

[atc666]

بنات انا مو فاهمه هالنقطه ليش اذا المره زعلت وريلها طردها الكل يقولها لا تطلعين اهوا اللي يطلع شنو فيها اذا راحت وزعلت ببيت اهلها ؟؟ شنو المشكله فيها طيب اذا في ريال على اي نقاش يزعل ويطرد زوجته شلون تقعد غصبن عنه في البيت مجابلته؟؟؟

 

[شادن33]

ويعه ليش يطردها!!!
حبيبتي لان البيت حق المره وعيالها وهو بالعنه يروح وين مايروح
عمري خلج قوووويه

 

[سارة ة]

هههههههههه شادن

 

[$$king moon$$]

شادن انا وراج وراج
شوفي حبي البيت حق المره والريال كيفه
مو اهي الي تطلع اهو وحتن بالقانون عندنا
الحق مع المره

 

[شادن33]

شادن انا وراج وراج
شوفي حبي البيت حق المره والريال كيفه
مو اهي الي تطلع اهو وحتن بالقانون عندنا
الحق مع المره

هههه خلاص عمري انا بروح العمره الاسبوع الياي وبسلمج الرايه:eh_s(4):

 

[ام كوثر2007]

لانه بيتج وبيت عيالج ..

هذا اولا ..


بعدين ياما سمعنا انه وايد حريم ازعلوا وراحو بيوت اهاليهم والروحه روحه .. يعني حصل طلاق من بعدها ..


لانه اغلب الرياييل عقولهم تكون صغيره .. يعني لا شافج شلتي شلايلج ورحتي حق اهلج ياخذها مسأله عناد ويتم الطلاق


ولو تذكرون يدتي ويدتج وامي وامج .. هذا سلكهم طول اعمارهم ما عمرنا شفنا اهلنا يزعلون ويطلعون ويخلون البيت


دايم كنت اسمع امي الله يذكرها بالخير . تقوله هذا بيتي وبيت عيالي .. انا اللى اقعد فيه وانته اللى تطلع .


وهذا دليل للريال انه المرا متمسكه في بيتها حتي في اصعب الامور ..

 

[كشوخية]

لأن إذا على زعله الوحده هدت بيتها راح يتعود وبتكون غطته مجال حق سؤالف ثانيه وليش الشوالف توصل لي الأهل دام بالنهايه أهي بترجع بيتها تروح تقعد عندهم وتعور. قلوبهم وإلا تسمع لها جم كلمه إذا كانوا الأهل قشرين وفي مثل يقول من طلع من داره يقل مقداره اقعد على جبده وإذا زعلانه مو شرط احتك فيه بس عشان لأيتعود على طلعتي كل ما زعلت ممكن أول مره أيي يراضيني بس بعدها خلاص يتعود وأخيس في بيت أهلي عقب أرجع من كيفي وأهو يحط في باله مردها لي لا يبا اقعد ولا كل هالسالفه

 

[اميره1980]

طبعا ما تطلع لان بيتها و بيت عيالها
اصلا ماكو ريال يطرد مرته اغلب الحريم هم اللي يزعلون و يشيلون قشهم

 

[أحلى الجياكر]

لأنه مردهم بيطخون ..الريال و الحرمة ..هذا ابليس اعوذ بالله منه دش بينهم ..شوى و بإذن الله الوضع راح يهدى ..ف مو حلوة شايله شلايلها و رايحة بيت ابوها و تعفسهم هناك بجى و حرات و الوضع يمكن ينحل لو كانت فى بيتها .. و تعالى نطرى الريال عشان يردها .
و حلات الناس و خاصة الاهل ما يدرون عن هالهوشات و المشاكل ..يعنى لى قالوا البيوت أسرار ..تراهم صاجين ..كل بيت فيه مشاكل ..و مع الوقت تنحل ..كل ساعة بقول زعلنى و لا طردنى ولا هاوشنى !!! ما نخلص جذيه !!

 

[أم ميميتو]

انا اقول المرا مو لازم تطلع من بيتها اذا صار بينهم خلاف اما اذا اهو طردها الموضوع يختلف لا والله ليش تقعد و بنهايه يعتمد حسب حجم المشكله الي بينهم واذا اهو كان معصب تنطره يهدى اذا بعده مصرّ انها تترك البيت ساعتها تطلع تكون عطته فرص لما يهدى و بنهايه يعتمد حسب الشخص في وايد حريم يطلعون من بيوتهم على سوالف تافهه

 

[FeShinGoOo]

لان ساعات الموضوع يكون حده سخيف بس المره تتدلع وتطلع
والريال اهني يركب راسه ويعاند ومايروحلها
فالسالفه تكبر والزعل يزيد يمكن لو قاعده فبيتها راح يتفاهمون بس تعانده وتبي ايلها ياخذها من بيت اهلها ترى ماتسوى على كل شي
واهني شراح يصير المره راح تتخلل فبيت اهلها ويمكن ترد بروحها او اهلها يظغطون عليها وراح ترد يعني فشله طالعه وراده بروحج بدون محد يراضيج اهني المره راح تنكسر اكثر
من جذي الوحده لازم تقعد فبيتها وحتى لو قالها طلعي ماتطلع لان مثل ماهو بيته اهو بيتها دام انها على ذمته ماله حق يطردها

 

[om al ghaleen]

عنوان الموضوع غير عن المشكله
اذا انطردت اهنيه يمكن من حقها تزعل
بس اذا صارت مشكله وبالاخص اذا المرا عندها عيال
وتزعل تترك البيت اهنيه الغلط

الحين انتي لازعلتي من امج وابوج تتركين البيت وتطلعين ؟!
لا طبعا لانهم اهلج ومالج غنى عنهم
جذيه المتزوجه اللي عندها عيال
تقدر تتصرف بذكائها او انها تحط حد للمشكله نفسها
المرا انسانه ودوده عطوفه تضحي بكل شي فيها علشان تعيش مستقره


\\

 

[atc666]

انزين شلون علي انا اقل نقاش بيني وبينه يطنقر ويطردني يقولي روحي بيت اهلج شسوي معاه ؟؟ انا ماكان عندي بيبي بس اللحين عندي بنوته ولمن خلصت الأربعين هم رحتله وهم طردني يعني صارت هوشه شسوي معاه اللحين افكر بالطلاق بس طرش لي مسج يعتذر وماطردني بس جذي طقني

 

[classicyah]

حبيبتي ليش اتنكدين على عمرج ؟

لآ اتطوليـن لسآنج و اسمعي كلآمه . .

الريـآل مآ يمد ايده الآ اذآ استفزته الحرمه و ركبت على رآسه

غيري اسلوبج بالنقآش حبيبتيْ . .

رآجعي نفسج و اكسبي زوجج ،

و الله يسخره لج يـآ رب :eh_s(17):

 

[رتو الكيوت]

لانها شقتج هو يدبر عمره

لاتطلعين الا اذا ماتبين تردين ض1

 

[ام كوثر2007]

انزين شلون علي انا اقل نقاش بيني وبينه يطنقر ويطردني يقولي روحي بيت اهلج شسوي معاه ؟؟ انا ماكان عندي بيبي بس اللحين عندي بنوته ولمن خلصت الأربعين هم رحتله وهم طردني يعني صارت هوشه شسوي معاه اللحين افكر بالطلاق بس طرش لي مسج يعتذر وماطردني بس جذي طقني

والله شوفي .. حبيبتي الريال ما يمد ايده منيه والدرب ..


صدقيني ماكو ريال براسه عقل يمد ايده ويستقوي علي مرا الا اذا كانت هالمرا ملسونه وما تعرف اشلون تحترم الريال ..

ترا الريال له قدره واحترامه . مو عشان ريلج يعني تطيح الميانه ويصير ماكو احترام .


دايم الوحده العاجل تحسب ريلها مثل ابوها بالضبط . اشلون يعني مثل بوها؟

يعني اشلون تحترمين ابوج وما تعصين له امر . نفس الشي الريل ...


وصدقيني لو الريال شاف مرته محترمه نفسها ومحترمه .. ذيج الساع مستحيل يفكر انه يمد ايده عليها.


وبعدين انتي الله يهديج توج باديه حياتج . لا تقولين اشياء وتتصرفين تصرفات تخلينه يتجرأ عليج ..


عشان ما تكبر بنتج وهي تشوف ابوها يمد ايده علي امها . وبجذى طلعتوا جيل متعود علي العنف ..


عسى الله يسخره لج .​

 

[atc666]

ريلي وايد مقصر معاي بكل شي بالمصرف بعلاقته معاي مايقعد معاي كله مع اهله وماايوجب أهلي واذا تكلمت قام يسب ويغلط تخيلوا لدرجة انه ماجاسني 7 شهور ؟؟ وانا مقدرته ومقدره اهله حتى بنت عم ابو امه اوجبها وانا جميله ومؤدبه ومثقفه وبنت عايله قمت اقوله انت ماتقعد معاي كلش قام يقولي انتي تبين تقطعيني من اهلي مو معقوله وحده رادة من النفاس ريلها كاشت فيها 3 ايام وقاعد عند امه ؟؟وانا كاشخه وقعدت اسبوعين رايحه راده الصالون واجهز عمري جني عروس شرايكم بالاخير يخليني بالشقه بروحي 3 ايام ويقعد عند امه ولما كلمته قام يقول انتي تبين تقطعيني من اهلي وقام يسب ورديت عليه وقام وطقني وقطني بيت اهلي شسوي طلبت الطلاق قام طرش مسج يعتذر ...وبس مليت لاعت جبدي مو متزوجه انا وفوق كل هذا كل شي يتدخل فيه حاشر روحه بكل لبسي هذا لا تلبسين هذا قمت اكل والبس واشرب على كيفه حتى صديقاتي حرمني منهم .ودي اطلق لأني كرهته حييل مو شويه والله كرهته بس بنتي شسوي فيها ؟؟؟

 

[atc666]

وصار اي نقاش بيني وبينه يطردني من البيت مليت حاسه اني مشتته كل شي قام قالي اخذي اغراضج ويلا بيت اهلج اهوا فاهم الحياه الزوجيه غلط شسوي عيزت وانا افهمه ماكو فايده

 

[BMT116]

ويعه ليش يطردها!!!
حبيبتي لان البيت حق المره وعيالها وهو بالعنه يروح وين مايروح
عمري خلج قوووويه

البيت للرجال والمره

لا تظلمين الرجال


تخيلي زوجج يقول " البيت حق الرجال وعياله وهي باللعنه تروح وين ما تروح "
ترضين ولا لا؟؟

 

[كربون امها]

في بعض ريال
مايحترم المراه اللي ازعلت وماراحت اهلها يحس ان
ماعندها عزوة ويتمادى بس لازم تكون ذكية موكل مشكلة
ماخذه خلاجينة ورايحة لاهلها لازم تصبر من اجل عين تكرم
اميه عين عياله طبعا