بنات ماليزيا .. أي الفندقين أحسن

[عاشقة السفر]

السلام عليكم بنات ..

بنات .. برايكم منو الأحسن بين هالفندقين .. الويستن ولا الميلينيوم إلي في شارع العرب من ناحية :

1- الموقع
2- النظافة وفخامة الغرف


ومشكورين على مروركم

 

[mona77]

طبعا الميلينيوم بدون تفكير والله حده راقي ويديد وكشخه وااااااااااي يهبل وقريب وايد من شارع العرب بينه بس تقاطع
وجبال الماريوت ويم المجمع اليديد الكبير مال الماركات نسيت اسمه

 

[banota]

اثنينهم رووووووووعه انا جربتهم اثنينهم ونفس الموقع بشارع العرب
لكن بقولج شغلة
الويستن الحمام عزج الله ما فيه هوز
لكن ميلينيوم عزج الله فية مثل شغلة تشابه الهوز
عاد انتي اختاري

 

[hot caramel]

السموحه حياتي ماااقدر افيدج بشي بخصوص ماليزيا

تقبلي مروري

وبالتوفيج ان شالله

 

[عاشقة السفر]

ولا يهمج وكافي مرورج

 

[توووتة برية]

هلا والله اختي


اكيد بدون تفكير الملينيوم وايد حلو وعلى فكره تراه موجود في دبي وقطر بعد

شكرا

 

[lolo6688]

الويستن مو مجربته
بس الميلانيوم حلوو ومكانه حلوو والغرفه راقيه ونظيفه

 

[ArEEj]

انا ما سكنت فيهم
بس كموقع الميلينيوم روووعه بالووووووووووسط يمينج ويسارج شارع العرب

 

[ام جراحي]

انا رحت لهم اثنينهم العام واثنينهم نظاف والحمدلله ومافيهم شي واثنينهم يم بعض بنفس الشارع مو ابعاد عن بعض اول شي سكنا بملينيوم بعدين رحنا بينيج لما ردينا سكنا في وستن بس الصراحه وستن اكشخ من ملينيوم حتى وايد عجب ريلي وبالنسبه للحمامات تكرمون مافيهم شي ناقص والله اثنينهم فيهم هوز

 

[غزالي وبس@@]

انا نشاء الله رايحه تاريخ 30 حجزت الميلينيوم وايد ناس امدحته لي

 

[q8nina]

انا رايحه بتاريخ 29-6

بكوالالمبور فندق نوفيتيل سيتي سنتر حيل حيل امدحولي اياه

 

[um ramosa]

هلا اختي عاشقه السفر

الصراحه انا جربت شهر 11 اللي فات فندق وستن وكان حده عجيب و راقي فوق ما تتصورين و مقابل المول اليديد اللي كله ماركات في شارع العرب و كنه ماخذين الغرفه بالدور 23 و كانت تطل على التوين تاور(البرجين) منظر حده مو طبيعي

و سفره سعيده حبوبه و عليج بالعافيه ​

 

[maryam_q8]

منو بيروح هالسنة ماليزيا

 

[عاشقة السفر]

أنا رايحة ماليزيا .. هالسنة بس متى ؟؟ عقب مايردون البنات من ماليزيا وتخف زحمتها وتنزل أسعارها يعني أنا بالعيد بكون في ماليزيا

 

[عاشقة السفر]

هلا اختي عاشقه السفر

الصراحه انا جربت شهر 11 اللي فات فندق وستن وكان حده عجيب و راقي فوق ما تتصورين و مقابل المول اليديد اللي كله ماركات في شارع العرب و كنه ماخذين الغرفه بالدور 23 و كانت تطل على التوين تاور(البرجين) منظر حده مو طبيعي

و سفره سعيده حبوبه و عليج بالعافيه ​

أم رموسا مشكورة على الرد وإنشاءالله شكلي بحجز فيه

 

[كويتيه كيوووت*]

السلام عليكم اختي انا تو راجعه من ماليزيا سكنت في الماريوت وستن علي يمينه وميلنيوم علي يساره وقباله بالظبط مجمع بافليون وبالنفس الفندق مجمع ستار هيل صراحه الفندق فخم حيل انصحج فيه ..