بنات ما عندي فلوس شسوي محتاجة حدي عطوني شي عشان ابدي فية

[أم راشد المطيري]

السلام عليكم

خواتي انا مو موظفة وزوجي معاشة على قدة


ما ابي احسسة اني ثقيلة علية ابي يكون لي دخلي الخاص بس شلون وانا ما معاي ولا شي


ابي حل عطوني شي ادش في مشروع ويكون مبلغ صغير اقدر ادبر من امي او اختي

 

[ام فجور 2008]

ليش ماتشتغلين
صدقيني انا من خبرتي عندي اهم شي في حياة المرة في هذا الزمن شغلها وراتبها
براتبج تلبسين وتكشخين وتعطين هدايا وماتصيرين بحاجة ا حد
واذا تبين وظيفه خفيفة ومعاشها قليل روحي لجنه خيرية مرات يحتاجون حق موظفات

 

[فاميليا]

عطينا فكرة شنو تحبين وشنو علاقاتج وتروحين جمعات ؟ متوفرة سيارة ؟ عندج صديقات ؟ ريلج يرحب انج تشتغلين من منازلهم ؟ دراستج ؟ ترى وايد اشياء تؤثر على اختياراتج وموفقة

 

[بنت الاحلام]

هلا حبوبه


شوفي تقدرني تصرفين لج معارف وصديقات انا مستعده اعطيج بضاعه وانتي صرفتي ولج ربح

شرايج والي ما يمشي ردي لي

 

[malekatsabaa]

ليش ما تصيرين مندوبه حق شركة افون للمكياج
وتقدرين تبيعين على معارفج او تمرين على يمعات حريم
اهم موجودين في شركة الجميع الي بالنقره الجنوبي


والله يوفقج

 

[أغلى الأثمان]

سويلج طبخة وبيعيها

 

[أم راشد المطيري]

عطينا فكرة شنو تحبين وشنو علاقاتج وتروحين جمعات ؟ متوفرة سيارة ؟ عندج صديقات ؟ ريلج يرحب انج تشتغلين من منازلهم ؟ دراستج ؟ ترى وايد اشياء تؤثر على اختياراتج وموفقة

عاد ما عندي شي معين انا مو موهوبة

اي اروح مجمعات بس مو واجد اروح بس مع ريلي لا والله السيارة مو متوفرة

صديقاتي قليلين

لا ريلي ما يحبني اشتغل في بيوت

انا مخلصة دراسة وانطر الديوان

 

[أم راشد المطيري]

هلا حبوبه


شوفي تقدرني تصرفين لج معارف وصديقات انا مستعده اعطيج بضاعه وانتي صرفتي ولج ربح

شرايج والي ما يمشي ردي لي

اختي ممكن التفاصيل على الخاص

 

[أم راشد المطيري]

ليش ما تصيرين مندوبه حق شركة افون للمكياج
وتقدرين تبيعين على معارفج او تمرين على يمعات حريم
اهم موجودين في شركة الجميع الي بالنقره الجنوبي


والله يوفقج

اختي شلون اصير مندوبة يعني اشتري منهم مكياج وابيعهم بالبيت وانا افتر على البيوت والمعارض

 

[ريانـــــــــــه]

وانا اقدر اوفر لج بضاعه بالجمله واذا بعتيها بتشوفين خير من الله

 

[فاميليا]

جمعات = يمعات مو مجمعات
من منازلهم يعني من بيتكم ان بنات يشترون منج عن طريق بيتكم مو قصدي تشتغلين ببيوت الناس
استغلي عرض خواتج بنت الاحلام وريانة _03ba: ترى ممكن فعلا تربحين والرزق من الله وان شاء الله تتوظفين قريبا

 

[malekatsabaa]

اختي شلون اصير مندوبة يعني اشتري منهم مكياج وابيعهم بالبيت وانا افتر على البيوت والمعارض

تروحين لهم وتقولين لهم تبين تصيرين مندوبه ويعطونج الكتالوج وفيه بعد سامبلز بسعر رمزي

تروحين حق صديقاتج ويطلبون من المجله وهي فيها مكياج وكريمات وشامبوهات وعطور

وتقدرين تاخذين الفلوس مقدم اوعربون منهم

بعدين تروحين الشركه وتشترين بسعر مخصوم منه نسبتج ..

والباجي عاد عليج لازم تتعلمين تصيرين شاطره وحرجه ولا لاتدشين بسوالف البيع والتجاره

والله يوفقج

 

[زهور_2008]

والله خليج بالبيت عزي نفسج بمشروع طبخ شوفي أنتي شاطرة بشنو وبدعي فيه وأكثري من الاستغفار وصدقيني مشروعج بينجح

 

[أم راشد المطيري]

اب

اب

اب

 

[الجعده]

روحى انتى وريلج حفر الباطن بالسعوديه يوم واحد واكو هناك محلات يبيعون اجهزه دفايات غريبه ومواعين غريبه اشترى شويه وبيعهم بالمنتدى وان شالله تربحين وادعيلى

 

[سكارف.فوشي]

والله فيكم الخير بنات الكويت يعطيكم العافيه ماقصرتوا

وموفقه يا راعية الموضوع ان شاء الله

 

[الله يخليني]

نصيحة لج ولك بنات حواء الريال ما ينعطى ويه وحتى لو معاشه على قده خليه يتحمل مسئوليتكم ...

وما يضر هذا إنج تاجرين بس موتعلمينه راح يقط كل شي على ظهرج ...

الله يوفقج إن شاء الله تعالى ..

 

[lazaward]

اي والله ياوخيتي حالي من حالج على معاش واحد
وقاعده اعصر مخي عشان اطلعلي طريقه اشتغل فيها واشغل نفسي

 

[كجب]

للرررررررررررررررفع

 

[اغادير الكويت]

مرحبا حبيبتي
انا كنت مثلج بس بديت بشي بسيط مكياج ملافع وشوية معارف وعقبها توسعت دائرة المعارف من فلانه وفلانه لحد ما صار عندي زباين ولله الحمد - أنصحج تبدين مع وحده من هالتاجرات تنفعج وتنفع نفسها وصدقيني تاجراتنا ما راح يقصرووووون وانا اشهد لهم بهالشي
واي تاجره حابه تصرف شي انا بالخدمه حبيباتي