بنات ممكن تساعدوني بخصوص مادة الإسلاميه

[مريم الموسوي.]

السلام عليكم حبيباتي
بنات تدرون الحين احنه بعطله ولازم نستغلها بشي مفيد فبديت الحين احضر حق بعظ المواد من ظمنها الدين فواجهني سؤال وحبيتكم تساعدوني ،( بكتاب الدين مو القرآن) لو تلاحظون انه في وااايد آيات وكل آيه يكتبلج تحتها على شنو تدل وبقيت اعرف هل احفظ الايه نفسها ولا بس احفظ على شنو تدل لاني اخاف اييبون بالامتحان سؤال يطلب الآيه وياريت بنات اي وحده واجهت سؤال جذي بالامتحان الدين وطلب منها آيه تفيدني لانه تدرون حتى النص درجه الحين تأثر على المعدل والي تسااعدني راح اكون وااايد شاكره لها.

 

[koky alnassar]

بعد الاختبارات الي راحو توقعي حتى مساله رياضيه بالاسلاميه يحطون


عموما انتي درسي المعنى ممكن يطلع بالاختبار و اذا ما طلع فائده لج انتي و اذا فاضيه عادي حفظي الايات القرانيه لنفسج

و اتمنى اني افدتج بشي

 

[مريم الموسوي.]

اي حبيبتي انا جذي راح اسوي راح اعرف شنو تدل عليه الآيه والله كريم بس حبيت اعرف اذا في بنات واجهو سؤال مسبقآ بامتحان اسلاميه وطلب منهم كتابة الآيه ومشكووره حبيبتي على المساعده

 

[سيلو 1998]

لا مااتوقع يجي جذي يمكن احاديث تجي
بالتووفيق ~

 

[بـربـوشـآ]

لمن كنت بعآشر مآدري 11 جآبوآ لنآ موقف وهاتي انتي الدليل ..

حتى اذكر كان عن اللي زنت وجآت 4 مرآت للرسول تقوله انه زنت وبالرابعه قال بعد ما تلد ولمن ولدت قال بعد ما يكبر ولدها يعني يوكل نفسه وبعدهآ رجموهآ .. ترى جذي كتبتها بالأمتحآن حتى الابله ضحكة قالت قآعده تسولفين لرفيجتج قلت كتبت علي فهمي جان تقولي ندري على فهمج بسس شوي التزمي باللغه الفصحى وماتت ضحك علي ومن يومها واهيا تستانس علي ..

 

[مريم الموسوي.]

ههههههه صح حتى في موقف ثاني عن ماعز بن مالك ،بس حبيبتي وله مره يابو كتبي آيه

 

[انوفه]

up

up

up

 

[مريم الموسوي.]

بنات الي تعرف شي ياريت تسااااعدني ويعطيييكم الف عااافيه

 

[koky alnassar]

تطمني حبي ما تطلع لج كتبي الايه بس اختبارات الوزاره ما ادري لانه اختبارات الوزاره محيره الكل مو بس انتي بس حبيبتي 80% ما يطلع

 

[طموووحي طب]

مريوم ليش تعبين نفسجججج من الحيننن لاحقة على التعععب
انا نفسج اخر سنننة وقااعدة احاتي بس لازم نستانس بالعطلة بعد التعببببب​

 

[طموووحي طب]

up
up
up

 

[مريم الموسوي.]

مشكوووره يابعد عمري على هالمساعده الحلوه طمنتيني وانشالله آنا احتياط راح احفظ الآيات المهمه والله كريم حبيبتي ومشكووره وايد.

 

[مريم الموسوي.]

اي والله حبيبتي الكل اقولي ارتاحي بس تدرين المحاتاة شي مو طبيعي عندي ما اعرف شلون اقعد ثانيه وحده بدون ما افكر واحاتي الدراسه حبيبتي والله مشكوره على المرور والمشاركه الطيبه ونستيني. والله يوفقج يااارب وتييبين نسبه حلوه وتصيرين خوووش دكتووره ياارب.

 

[طموووحي طب]

مريم الموسوي.
اجمعييييين انشالله

 

[لمعة سراب]

وعليكم السلام

مـآدري حبي ماحبيت آدخل بدون رد =)!

آقروآ آلتوقييييييعْ،،

وسلاام