بنات منو تعرف عن جراحة تجميل الذقن Chin Augmentation ؟ تعالوا شوفوا الصور

[Elizabeth]

نفس اللي سوتها اصالة واحلام؟

 

[^^ROSE^^]

اشوف موضوعي صار سوالف لو سمحتوا لاتسولفون بدوني عشان اشارككم
خو المنتدى كل 5 دقايق يعلق ذبحنا
المهم
الدكتور مايصيرلي جان زين جان قزرتها عليه وسويت العملية ببلاش
بس امي تعرف امه عدل ورايحة عرس اخته مادري ملجتها
وهم امي راحتله مره بالصباح حق اذونها

بس عاد مو على بو نعرف الاوادم نقعد ندقدق عليهم خلوا ولدكم يخصملنا ياكره هالاسلوب انا ماحب جذي ادش بفلوسي احسن بعد الريال مافتح عيادته سبيل مايصير
ماله داعي كلش اكلم احد يتوسطلي عنده ولا شي
خو عمليه بسويها بفلوسي اذا اقدر عالمبلغ بسويها وان ماقدرت باي باي
وحتى ان رحت له ماراح يعرفني خو مو حافظ ربع امه وبناتهم وطوايفهم!

وي خليتوني اقول قصة حياتي
عموما سوالف الخاص خلوها بالخاص بس حبيت اوضح هالشغله


وفتح الملف مقدور عليه ان شاء الله بس الخوف من العملية الله اعلم بجم
هي بأمريكا مابين 1500 الى 2000 دولار
بس عاد الكويت كل شي دبل
بشوف يمكن اسعاره مناسبة دام هو اسعار الخشوم عنده ارخص من الباقي<<<<<حلو خشوم خخخخخخخ

وان شاء الله لاحت له اقولكم شصار

 

[^^ROSE^^]

اليزابث والله مادري عن احلام واصاله
جنه حنوجهم مافيها شي؟؟<<<حنوج جمع حنج خخخخخ

 

[yasmeeen]

معقوله اصاله مكبره دقنها مو مبين

 

[^^ROSE^^]

لا ما اعتقد لا اصاله ولا احلام مسوينها

 

[حبيبة جمال]

ممكن تفاصيل العملية


حبيبة جمااااااااااااال :tek:

 

[ام أحمدووه]

روحي لبنان سويها هناك متخصصين بهالعملية مثل هيفاء ونانسي مسوينها

 

[ii DareeN ii]

اتوقع كل اطبا الجراحه والتجميل يسونها بس ترا في حل مو جراحي ابر الميزو يطقونها تخفف المنطقه سالو عنها

 

[aryooma]

walaa ana 3aks 7altch 7nchy 6al3 shwayaa jdam o shft wa7da msawyathaa nafs 7altch kanat bass mashalaa al7een 9arat tyanen kanat awal mo 7lwa wal7een wayed ta'3ayarat 9arat a7laa o msawyathaa ebsoryaa o ma kalfathaa wayeed o mashalaa sh'3laa wayed n'6eef o ma'6mooon mashalaa sh'3laa ehabl o ethaa tabeen raqmaa rasleny 3al 5aa9

 

[lojeeen]

عماد النجاده شغله ميه ميه انا توني مويه عنده عمليه الفك وتعتبر من اخطر العمليات وحتى الخاص بالكويت مايسويها وسويتها بالبابطين ... الدكتور شغله ممتاز ومضمون واهو اصلا تخصصه جراحه الراس والفكين ..

 

[^^ROSE^^]

حبيبة جمال
العملية ببساطة يسون شق صغير داخل الحلج صوب الشفة السفلية ويدخلون المادة اللي بيزرعونها سواء بلاستيك او اي شي ثاني ساعات ياخذون عظمة صغيرة من الجسم ويحطونها ويصير شكل الوجه حلو


ام احمدوه و أريومه
مشكورين حبايبي عالنصيحة بس ماحب اسافر اسوي عملية
ماشاء الله الكويت فيها دكاترة ممتازين غير الدكاترة الزائرين ليش اتعنى واروح لبنان اللي كلها حرب وضرب ولا سوريا اللي معاملتهم للخليجيين مايحتاي اقولج عنها!
خلوني بديرتي معززة مكرة ابرك لي


دارين
اي ابر الله يهداج ههههههههه بعد ابره للحنج!
لا حبوبة هالعملية يدخلون شغله يثبتونها بالحنج وبس ومشكورة عالرد حبوبة


لوجين انا مثلج المفروض اسوي عملية الفك ومن ضمنها بيتعدل شكل حنجي بس دكتوري مال التقويم قالي احتمال ماتحتاجين عملية فك لانه قاعد يتعدل مع الوقت
عشان جذي بسوي عملية الحنج بروحها
تهقين لارحتله عادي يسويها ولا يقولي مو ضروري ويسحبني عيادته!
وعمليتج شلونها؟ انا وايد قارية ومطلعه معلومات عن عملية الفك لازم يتسكر حلجج بوايرات عشان مايتحرك وماتاكلين كله سوائل وسوالف وايد
ويقولون تتخدر الشفايف انتي شصار معاج؟
ياليت تشرحيلي بالتفصيل وشلون كانت حالتج؟

 

[أم منصور]

شكل العملية مو سهلة ممكن تفاصيل اكثر ومن اي مكان ياخذون العظمة الي تناسب شكل الوجه واذا بلاستيك ما تنفصل عن باقي العظم الأصلي مع السنين

ثاني شي رحتي وسالتي شنو قالج علميني

 

[^^ROSE^^]

هلا ام امنصور انا مافرغت اروح
وعملية الفك غير العملية اللي اسأل عنها
الفك اصعب و أدق ولحالات خاصة مو اي احد لاتحاتين

 

[^^ROSE^^]

ها بنات بشروا
لقيتوا الدكتور جمال الحربي ولا للحين البحث جاري؟ هههههه