بنات منو تعلمني وتكسب مني ثواب

[عنفوره]

السلام عليكم ورحمة الله وبركاته
شلوووووووونكم بنات ؟؟
ان شاااء الله تمااام
انا عضوه يديده هني واتمنى اكون اخت خفيفه عليكم
واتمنى هم تسااااعدوني اذا تقدرووون

ابي اعرف شلون اتسوق من الأمازون ؟؟؟
شنو يبيلي اسوي ؟؟؟ وشنو احتاج ؟؟؟
سمعت انه لازم افتح لي حساب بالبنك و اخذ نيو كارد بس حق النت ؟؟؟؟
وهالحساب لازم يكون موظف صاحبه ولا عااادي طالب ؟؟؟
وهم اذا احد يكسب فيني اجر ويعلمني الستبس وحده وحده اكون شااااكرتله


شكررررررررررررررررررررررررررن

 

[الروســـآآآ]

والله ما اعرف والا جان فدتج....
بس حبيت ادش موضوعج عشان ابين لج انج موثقيله علينا بس مابيدي مساعدتج

 

[Nokia N95]

وعليكم السلام ورحمة الله وبركاته

بخصوص موقع امازون ... او اي موقع بالنت (تقريبا) الفكرة وحدة
1- لازم يكون عندج حساب بالبنك ... ويفضل يكون حساب خاص بالانترنت بحيث انج تحطين الفلوس بحسابج اذا بغيتي تشترين شي
مثلا تبين تشترين شي بالنت بقيمة 20 دينار .... تحطين بهالحساب 20 دينار بس .. لانج ما تضمنين ممكن اي احد يعرف رقم البطاقة و يشتري اشياء وايد من النت على حسابج وانتي ما تدرين .. فاحسن شي تسوين هالبطاقة

2- ثاني شي لازم يكون عندج صندوق بريد بامريكا ... روحي شركة ارامكس ... ويفتحون لج صندوق بريد واحد بامريكا والثاني ببريطانيا اعتقد قيمته 10 دنانير بس ... بحيث انج اذا طلبتي من النت تحطين عنوان صندوق بريدج اللي بامريكا ( يعطونج ياه ارامكس ) وخلال تقريبا اسبوعين يكون اللي شريتيه واصل بيتج وياخذون عمولتهم حسب وزن الشي اللي انتي شاريته
اول نص كيلو بـ 3 دنانير
وكل نص كيلو زيادة تدفعين دينارين ونص

3- تسوين لج حساب في امازون وهالشي سهل
اول شي تروحين موقع امازون ومن فوق تلقين جملة
Hello. Sign in to get personalized recommendations. New customer? Start here.

ضغطي على كلمة Start here

بعدين حطي ايميلج بالخيار الاول
والخيار الثاني اختاري No, I am a new customer

بعدين ضغطي كلمة Sigh in

وكملي باقي البيانات المطلوبة ....


وفي طريقة اسهل ... انج تروحين مركز سلطان وتطلبين منهم اللي تبينه ... وهم يوصلونه لج

 

[ضامر السرجوف]

ما عندي اي فككره موووفقه