بنات منو نفس حالتي

[اسيرة الحياة]

السلام عليكم. بنات منو نفسي حالتي<<<<. انا تركت للمدرسه فتره الحين أحاول ارد بس موقادره الحين أهلي لو يتجمعون اروح علي طول غرفتي ودايم ابجي من. غير سبب ودايم حزينه ودايم منعزله واذابغيت اطلع اقعد افكر بطلع طول الوقت واحس الطلعه صعبه واذا خربت الطلعه ارتاح ياربي مليت من حياتي حتي صديقات ماعندي انا.24 ساعه بالبيت امي أميه لاتقرا ولاتكتب من حريم اول يعني وانا طلعت عليها منعزله تعبت من دنيتي وخواتي ما يعطوني وجهه واحس خلاص ابي أموت احس اني مو مثل البنات ماابي أتزوج وماني متخيله نفسي أتزوج مابي ينقال عني عانس بس مستحيل أتزوج واحس اني مو. بدنيا ما اعرف شي حتي وحده تجي يمنا تقول انتي من العصر الحجري تعبت وما أبين وانا داخلي انحرج وزعل تصدقون انا معروفه بالبيت اني ماعرف شي حتي اخوي يقول ماعرف الدنيا تعبت اقسم بالله اني مسجله بس عشان اكتب مشكلتي اه الله يعين ابي منكم بس دعا سامحوني طولت عليكم إيه صح نسيت اقولكم تصدقون حتي دكتور تراجع عنده يقولي ابتسمي ويها وش قدام الناس فشلني حيل ياربي احس لو اموت أريح استغفر الله اسفه طولت عليكم

 

[ام الدرر]

حبوبة
يمكن المشكلة اللي سببت تركج المدرسة ماثرة فيج للحين
وسببت لج نوع من الرهاب الاجتماعي ادري صعبة عليج تشوفين اخصائي
حياتي الجئي لرب العالمين
اقري قران وارقي نفسج وحافظي عالاذكار
شوفي مواضيع بالنت عن الطاقة الايجابية
عن الثقة بالنفس
حاولي تعالجين نفسج بنفسج وتطلعين روحج من اللي انتي فيه
عسى ربي يفرج همج ويفك ضيقتج
ويسخر لج الطيبين من خلقه​

 

[Tom ♥ Jerry]

.


حياتي انتي كملي دراستج .. و تخرجي و دخلي جامعه كليه مععهد اي شي
المهم يكون لج شهادة حتى لو دبلوم :$
و بعدين اشتغلي بتحققين ذاتج كل هالتفكير لانج تحسين مالج هدف
كلمي ابوج اخوانج عمامج يقدمون اوراقج من السنه اليايه تدرسين
لا تحطين ايدج على خدج و تقولين ياليت ما طلعت و ياليت!!
الندم ما يفيد تحركي

 

[فتاة الإبتسامة]

عيييييييييييييييشي حياااااااااااتج
كم مره بتعيشين
وليه حارمه نفسج من رجعي مدرستج وكلمي دراستج وانشالله تتخرجين وتدخلين الجامعه ووتتوظفين
تركي عنج التفكير في الامور السيئة كله فكري بأشياء حلوووووووة واشياء تبسطج
الله يووفقج ويسهل اموورج

 

[غداً القاك]

تركك للمدرسه خلاك كذا ماعندك ثقه بنفسك ولاتحبين تختلطين بأحد
قلبي اول خطوه كملي دراستك لاتقولين صعبه والله مايصعب شي عليك الا الشيطان
وكل شي ببداية صعب والله لو بنطاوع انفسنا ماكملنا دراستنا ولادخلنا جامعه ولا سوينا شي قعدنا ببيوت اهلنا وسكرنا الباب علينا
جاهدي نفسك واقنعي نفسك ان بداخلك شي لازم يطلع وتوه ماطلع
انا متاكده انك بنت طيبه وكويسه بس مشكلتك ماعرفتي لنفسك ماعرفتي تطلعين اللي بداخلك
قلبي اهم خطوه اهم خطوه جاهدي نفسك وكملي دراستك والله بتشوفين الدنيا بعالم ثاني وتقربي من الله عز وجل وربي بيشرح صدرك وييسر لك امورك

 

[عالمي انا غير]

ليش تركتي المدرسة العكس الدراسة حلوة والصداقة حلوة انتي شكلج ماتحبين الجمعه بس هي اساس النجاح حاولي لا تقولين لا

 

[photoshopia]

شوفي حبيبتي .. اول ششي الدنيا ماتسسوؤى انج تكدرين خاطرج كلنا اخرنا قبر وموت ( الله يطول باعماركم )
اوكي سويتي جذي بعمرج وبعدين يعني شنو استفدتي ..
تبين نصيحتي ؟
كملي دراستج وتعرفي على رفيجات .. وتقربي لربج
مكدره خاطرج على دنيا لها نهايه !! استانسي وعيشي حياتج الحياة حلوه
صدقيني انتي الحين عندج اهل وتقدرين تسوين الي تبينه .. غيرج وربي يتمنى عيشتج
شوفي الي اكبرمنج هم .. وربي لتقولين الحمدلله ولا تقولين عشان امي اميه بطلع مثلها
لا حبيبتي ..
جدتي اميه وكاهي امي وكل خوالي مشتغلين ومتزوجين
كملي دراستج واستانسي .. ^_^
صدقيني انا بالمدرسه حيل حيل حيل صارت لي مشاكل من بنات يضايقوني
وماهموني
قلت لهم خليكم على طبعكم ذا .. ترا الامور بخير والوضع فله
استانسي ^_^

 

[dalo0oa121]

ليش كل هالتشاؤم و النظرة السوداوية بالحياة خليج متفاءلة

 

[اسيرة الحياة]

والله ريحتوني يعطيكم العافيه حسيت براحه مشكورين ويارب تكنون بسعاده ويفرج كربت كل وحده ردت علي

 

[بيلسسان]

الله يفرجها

 

[Horror Lady]

حاولي ترجعين للمدرسة
و ماكو شي مستحيل باذن الله
و حالتج هذي اكيد لها اسباب
حاولي تعالجين الاسباب بكل الطرق الزينة اللي تلقينها
و احرصي علئ الصلاة و قراءة القرآن و اكثري من الاستغفار
اطوي صفحة الماضي و ابدي بفتح صفحة جديدة بيضاء
لا تخلين شي يوقف في طريجج
و الله يوفقج يا رب

 

[ديانا سبنسر]

الله يفرجها عليييج

 

[عادت ذكرياتي]

خليج على صلة دائمة بربج صلي واقري قرآن وحافظي على الأذكار ... ومن السنة الياية خليهم يسجلونج بالمدرسة وارجعي ادرسي هذي اول خطوة ..


ثاني شي ::: ممكن تدخلين دورات أو نادي وتنمين مواهبج ...


مووووفقة