بنات هل هذا من علامات الولادة ولا طبيعي ؟

[ملح @ شمر @]

بنات
انا من الشهر السابع
احس بالام شدييييييده بالحوض مااقدر اتسدح وانام ومرات بالبطن بس مو كثيرر تجيني فترة وتروح خلاص والحين اختفت
انا الحين بالثامن
واحس الم تحت تحت البطن بعظم العانه <<< سوري
مررررة يألم
احس مضغوووووط بقووووة
هل هو من اعراض الولاده يعني الطلق ؟
انا كنت عند الدكتور الاربعا وقالي كل شي تمام
بس قعدت اوسوس اقول يمكن مايبين بالسونار اذا الطفل نازل او بيطلع او الرحم مفتوح مدري
ياليت تفيدوني من تجاربكم
​

 

[ملح @ شمر @]

انا الام الحوض من زمان معاي بس خفت الحين
لكن الالم هذا له فترة واحس كل ماله يشتد
​

 

[*مرايم كيوت*]

انا نفسح بالثامن وحاسه نفس الي تحسينه احس البيبي بيطلع
وكل شوي أحاسب بولد بس أتوقع من ظغط البيبي واذا الدكتور طمنج
لاتخافين ان شالله خير والله يقومج بالسلامه ويسهل عليج وعلى كل حامل يارب

 

[ملح @ شمر @]

مشكورة مرايم
بس انا خايفة لاني بعيده عن اهلي اخاف تجيني الولادة وماعندي احد
ياليت تفيدونا بنات
​

 

[ملح @ شمر @]

وابي اعرف اللي يجيها الطلق وتحس بالالم من السابع او السادس
تولد باول التاسع ؟
ولا تكمله كله ؟

​

 

[beauty rose]

عادي يا قلبي هذا الثقل و ما يسوي تحسين انج متصلبة و مضغوطة

الله يسهل عليج ان شاء الله و ما تولدين الا بالتاسع يارب

ريحي نفسج و شبعي نوم ههههههههه

 

[كل دنيتي امي@]

الله يسهل عليج وماتولدين الا بالتاسع

ويرزقك بالطفل السليم المعافا حسن الخُلق والخليِقه

 

[روح الأحزان]

لاتخافين حبيبتي هالآلام طبيعية بسبب ضغط البيبي وان شاء الله تقومين بالسلامة وتولدين بالتاسع لاتحاتين سهالات ان شاء الله

 

[زبيـده]

لا يا قلبي الآمج تيي لاغلب الحريم

بعضهم ايقولون انه ضعف في اربطه هذي المنطقه من الضغط والثقل

وبعضهم ايقولون نقص كالسيوم

لا تخافين لانه الألم ممكن يووووصل بانج تصرخين بكل حركه تتحركينها وتحسين حالج بتنكسرين

سهالات ياختي

 

[حبيبي مالكني]

انا بهالسوالف خوافه استشيري دكتورة احسن

 

[الأميرة جوري]

الله يسهل عليج

 

[KOKO_284I]

كلها اعراض طبيعيه بس قعدوا ورفعوا ريلكم عشان يخف الضغط شوي

 

[بيت التوت]

عادي العوار هذا م علامات الولاده

انا بالسابع ومعا مغص جنه مغص اسهلا تكرمون ويضغط البيبي وايد تحت
زين فت موضوعج كنت افكر اكتب موضوع
الله يون علينا يارب

 

[نوفلتي]

اذا انتي بدى بالشهر السابع انا من الشهر الخامس والام في الحوض وفي عظمة العانة من تحت احس انه بينكسر عظامي قالت لي الدكتورة نقص في الكالسيوم ووصفت لي حبوب ..

 

[غرام القمة]

اب اب اب اب

 

[أبكاني ذنبي]

عادي حبيبتي

انا مثلج بالثامن ومن السابع كنت احس بهالاعرااض

وكلمت دكتورتي وخواتي كلهم يقولون طبيعي من ضغط البيبي

مرات من الخرعه اقول لامي الحين بيطلع امبيييييه شيلوه الحمدلله والشكر هههههههه

بس ماعليج سهالات ان شاء الله

 

[*ضيفة*]

لا حبي هلالام طبيعية من الثقل والله يقومك بالسلامة

 

[xxx]

هذي يسمونها تجاديم بالكويتي

يعني جسمج يستعد للولاده

الله يقومج بالسلامه ويسهل عليج وعلى جميع الحوامل

 

[انسام الكويت]

توني ادري انه نقص الكالسيوم يسوي جذي ماعندي فكره بس

ترا هاذا راس البيبي تحت يتهيأ للولاده ويضغط عالمثانه ويعورج سهالات ان شاء الله معروف الشهور الاخيره

متعبه وتخوف من كثر ماتحس الوحده بعوار وغيره.*

 

[Unico Style]

حبيبتي عادي هذا يمكن راس الياهل نزل بالحوض