بنات والله حدي محتااااره ..

[كويتيه خطيره]

السلام عليكم ..

شلونكم بنااات ..
انا بكلية التربيه ..
الله يسلمكم انا حدي محتااااره .. وابي مسااعدتكم وبالاخص بنات الانجلش ,, :eh_s(22):

انا وحده احب الانجليزي .. واستخرت .. وابي اتوكل ع الله واتخصص
بس :bbbiu: البنااات ذبحوووووووووني .. لا تتخصصين .. راح تنقعين بالجامعه ..
لان ماده تبطل ماده .. ومن هالحجي ..

بنات عفيه ابيكم تفيدوني .. عن التخصص .. صج اتنقع :eh_s(11):
والا شسااالفه :eh_s(10):

الله يووفقكم يااا رب .. :yaaaaaarb:
​

 

[أيومه ..!!]

حياتي اذا تبين هالتخصص ومرتاحتله ماعليج من كلام البنات

تتعبين الحين بس بعدين ترتاحين لانه شي تحبينه

وعاادي في بنات قعدو 4 او 5 او 6 سسسنين

اذا كنتي شاااااااااااااااااطره بالانقلش توكلي عالله

وصلي استخاره مره و2 و3

 

[shayom al-q]

والله ما دري شقولج انتي والي ترتاحين له شي اكيد مع ان الي سمعته عن قسم الانجليزي ان دكاترته مو زينين بس اذا شايفه انج حابه هالتخصص ومستعده تتحملين ليش لا ومالج شغل بكلام البنات انتي الي راح تدرسين بالاول والاخير وموفقه انشالله

 

[الحورية الصغيرة]

انا كنت أبي أتخصص إنجليزي و كنت محتارة بين جامعة الكويت و جامعة الخليج بس جامعة الخليج قسم الإنجليزي عندهم في مشاكل و دخلت الكويت شوفي

التخصص حلوه دراسته الدكاترة الأغلبية زينين تخصص راح يفيدج بحياتج العملية بس وين المشكلة

المشكلة اولى شي كلية الأداب تكرهج بنفسج

المشكلة الثانية بعدين لما تتوظفين المعاش بحدود 700 و اذا كثر 750 و يمكن اذا توظفتي أستاذه بالتطبيقي او الجامعه يوصل 1000 و شوي

اذا تبين معاش + مستقبل دشي العلوم الإدارية أو الحقوق اذا أدبي و اذا علمي دشي هندسة

عشان جذي سحبت أوارقي من الأداب و قدمت على الإدارية أفضل بوايد بس لما الحين أحن لهذا التخصص

 

[ذهبه]

شوفي حبوبه
تخصص الانقلش بالتربيه اسهل بوايد من الاداب
فـ اذا انتي حابه الانقلش راح تمشين بالتخصص
ومثل اي تخصص في الدكاتره الزينين فيه وفي الشينين ..=)
بس بالاول والاخير استخيري وموفقه

 

[كويتيه خطيره]

.. شكرا ع المرووور والنصيحه ..

بس انا مشكلتي اني حابه التخصص:eh_s(22): ,.,, بس كنت بعرف اذا هالتخصص ينقعني بالجامعه مثل ما يقووولون .. :bbbiu:

تكفون اللي عندها خبره بهالموضوع ترد علي وتفيدني .. :eh_s(11):

الله يوووفقكم , لا تقصرووون :yaaaaaarb::eh_s(2):

 

[قطامية]

حبيبتي ترا أغلب التخصصات جذي مادة تفتح مادة
انا تخصص اعلام ومساندي علم نفس وفي مواد لازم اخذها عشان تفتح مواد ثانية
مثلا علم النفس في مواد وايد ماقدر اخذها لازم اخذ شخصية بعدين اخذهم
يعني باختصار اذا تبين التخصص روحي له ومالج شغل باحد
شدعوه كل من دش الجامعه خلص بـ 4 سنين ترا الاغلبيه طولوا
انا هذي ثاني سنة لي وتوني اخذ مواد للاعلام وعلم النفس بسبب هالشغله