بنات وربي ضااااااااااايعه

[روحي وجروحي]

السلام عليكم ورحمة الله وبركاته
مبارك علييكم الشهر حبيباتي
مابي ادخل بمقدمااات كثييره بدش بالموضووع على طووووووول انا عندي بنتين الكبيره 6سنين ونص والثانيه سنتين ونص الله يخليهم لي يارب
باختصاااااار بنتي الكبيره عقدتني لوعت جبدي والله وانا اكتب خانقتني العبره منها
الله يخليها بس علييها عناد ماشفته ولاعرفته باي جاهل مر علي بحيااتي اربع وعشرين سااعه مبطله الحلج وتبجي بسبب وبدوون سبب نطلع تبجي تاكل تبجي تلبس تبجي اووووووف وربي زهقت وشنو اللي يضاايقني ترووحله دايركت مثلا اهي اسم الله عليها تلفت الانظار يعني تبارك الرحمن حلوه وانا اخاف عليها من العين واذا طلعنا مثلا اقولها لاتتكلميين مع فلانه سلمي عليها وروحي لعبي تقعدله تقرق معاها وانا اشب ضو يابنتي الله بهديييج روحي عند البنات ماكو عمك اصمخ الا اذا خذتلها طقه معتبره في البيت ذيج الساع تفهم جم يوووم وترد وربي زهقتني
شوفو انا اعترف ان انا اول ماجبتها مااكنت اعرفلها موووووليييه يعني اي شي تسوويه اعطيها صررخه او طقه بعض الاحييان بس وربي الحييين لآ امسسسك نفسي حييييييييييييييل عنها واتعوذ من ابليس امبي والله تللووووع جبدي من تصرفاتها الله يخليها وربي يابنات اقصر على نفسي واجيبلها كل شي خاطرها فيه بس مااكو فاييده بتقولون جااهل وطوفي طوفت طوفت خلالالاص مليييت ماني عارفه اتصررف معاها كلللش واذا شافت اي حرمه تلززززق عندها واااي صدعت كرهتني بالطلعه وطابتلي بكلمه هاليومين انتي تحبين فلانه >>اختها
وانا لآ يالله
قولولي شسوي

 

[روحي وجروحي]

وينكم شدعووه
نسييت اقولكم بعد دامي بطيييت الجربه ابووها الله يخليه يقوولي انتي تكرهينها ليش تسووين جذي مايبيني اهاوشها كلللش وربي اكتب ودموعي بعيني الحيين والله وبالله انها قطعه من عندي والله اني احبها اكثر من روحي بس خلالاص ماعاد فيني صبر ابي اعرف شلووون اتعامل معاها واللي ماعندها رد تكفووون بس تدعي ان الله يهديها ويخليهم لي يااااااااااارب
نااااطرتكم

 

[um khaled]

بالنسبه لحركات العناد انا الحين اشتري اشياء يحبونها و اخشها بالكبت
واسويها مكافأه واخليهم يدرون ان عندي شغلات يحبونها
وما يمر جم اسبوع الا شاريه لهم العاب ومع اول غلطه آخذهم ويدام عينهم بالزباله
عشان ما يعيدون سالفتهم
واذا فشلوني يدام الناس يروحون دارهم ولا في طلعه
ولما يكلموني ما ارد عليهم و اقولهم لما ما تسمعوني انا ما اسمعكم
والى الآن كل شي قاعده اجرب وماتوصلت للحل

 

[um khaled]

و بعدين لازم ريلج يوقف معاج
لما تشوف انكم متفقين على ان تصرفها غلط
راح تطخ

 

[نؤر دنيآي]

رد : بنات وربي ضااااااااااايعه

شووفي حبيبتي

هذا بتظل ياهل

ما راح ينفع معاها هواش ولا صراخ

لو انها كبيره قلت تفهم اوكي لو تضارخين راح تفهم عليج

بس هذي ياهل لازم تبينين لها انج تحبينها

مو مثل الكبار اللى بمجرد الكلام وحتى بالعقل يدرون انه امهم تحبهم

اول شئ مشكلة بنتج انها عبالها انج ما تحبينها

وخاصه انها الكبيره وعندها اللى اصغر منها يعنى شئ طبيعي انها تغار

وسالفه البجي وبكل شئ تبدآ شغاله دموع

ترى هذي السالفه اهي تسويها علشان تلفت انتباهج

تخلي البيت يهتم فيها

يمكن شافت مرا اختها ام سنتين تبجي وكلكم تيمعتوا عندها

تشوفون شفيها

فأهي بتسوى مثلها

>> عادي يهال توقعي اي شئ منه

عقلهم ع قعدهم لووووول

الحل اول شئ مدام انها توها شغير حاولي تتقربين منها

ترى هالسن ممتاز تخلين بنتج قريبه منج وتكونين مثل صديقتها

يعنى في ناس وايد عندهم بنات مراهقات ما يقدرون يتصرفون معاهم

فحمدي ربج انه بنتج توها صغيرها ومثل العيينه بأيدج تشكلينها مثل ما تبين

يعنى مثلا بكل نهايه اسبوع طلعي انتى وياها اي مكان اهي تحبه

او تكون طلعه عائليه لو حتى تتمشون بالسياره مع ريلج

ولا تخلينها تقعد ورا خليها عندج جدام ووريها البحر

وحاولي تكلمينها بهدووء وبحنيه

وقوولي لها شووفي هذا

تدرين هذا شنو

خليها تسألج شنو هذا ماما

وكلميها وقولي لها اشياء قديمه من هالطقه يعنى

وحاولي تعودينها قبل ما تنام تشووفج وتبوسج وتقولج تصبحين ع خير

بتقولين شلون

اول شئ ابدي انتى قبل لا تنام بوسيها وقولي تصبحين ع خير حبيبه ماما

وحاولي تقولينها انا احبج انتى حبيبتي من هالكلام الحلووو تستانس

دخلي معاها المطبخ

قولي لها شرايج نسوي كيكه مفاجاه حق بابا

انا وياج نسويلها واقول حق بابا انتى اللى سويتيها وانا بس ساعدتج شوويه

وجذي

وسالفه الحريم واهي تحب تقعد عندهم

اذا خايفه عليها لبسيها لبس يغطي ايدها وما يكون ضيج

ولا تطلعين حلااها عند الحريم

تعرفين حبيبتي الناس ما تعين خير

والله يقرب بنتج لج

بس ها انتهي اي غلطه منج ممكن تخلي البنت ترد مثل قبل يعنى حاولي

انج تمسكين عمرج وما تصاارخين جدامها او تهاوشينها او تطقينها حاولي تقربين منها

واذا سوت شئ ما عجبج قولي خلااص انا زعلانه منج وما راح اطلع معاكم اليوم

واذا شفتي انه ما همها عاقبيها انتى وريلج بس طريقه هاديه تخليها تحس بغلطها وتتأسف منكم

واتمنى اني ساعدتج

 

[روحي وجروحي]

بعد عمري ماقصرتوا الله يعيين ان شالله

 

[Coffee-Girl]

اختي انا مره شفت بتلفزيون برنامج يتكلمون عن عناد الاطفال

وقالوا اسبابه ان الطفل الي ينطق وعمره 3 سنوات يصير عنادي وعدواني لما يصير خمس سنوات

فأنا ما ابي اضايقج يمكن من كثر ماطقيتيها وهي صغيره صارة جذيه والله اعلم

فألي عليج الحين انج اتعاملينها بحنيه وخليها على راحتها لاتضايقينها

ولا تمنعينها لما تلزق بالحريم تجاهليها صدقيني اذا خليتها وماهاوشتيها وما نشبتيلها بحركاتها

اهيه بروحها بتمل وطخ وراح اتلاحظين انها تبدأ تروح تلعب مع اليهال وحاولي كل يوم قبل النوم تقوليلها قصه عن البنت المؤدبه الي تسمع كلام امها والي كل ايحبها من ادبها

 

[روحي وجروحي]

اه والله هالآه طالعه من قلبي ان شالله بس امسك نفسي داااااااايمااا عنها واطنشها بس ياربي مااقدر والله صرت عصبيه بزووووووود
الله يعيني بس

 

[a7la MUM]

الله يحفظها يارب
صدقيني يمكن من الطق
حاولي كثر ماتقدرين تصيرين رفيجتهااااا

 

[غلاي عزوزي]

مادري ليش البجر جذي انا بجري مطلع عيون ام الي يابتني

 

[همسات ليالي]

رد : بنات وربي ضااااااااااايعه

الله يعينج

بس يمكن فيها غيرة من اختها لان في فرق كبير بينهم في السن
طولي بالج

وانتي دربي نفسج قبل لا تجبرينها تتغير

انتي تغيري

 

[.،:"$الـعـوبــــة$":،.]

استغفرالله الله يعينك ياربي ،،
يمكن أنا آخر وحدة تقدر تنصحك ، لأني نفسك عصبية ، أول حل عندي الصياح وبعدها الطق !!
ومشكلتي إن زوجي هو اللي مخربهم علي !!
لو مايقوي راسهم كان وربي طلعوا عيالي من أحسن مايكون ،،
يمكن مشكلتك أساسها إنك أنتي وزوجك ماتتفقون وقدامها تختلفون ،، وبعدين هو قال انتي تكرهينها ؟ وهي تقول انتي ماتحبيني !!
لا يكون قال هالكلام قدامها ! ترى الجاهل ماينسى !!
والله يعينك ويعينا يارب ،​

 

[روعة الكلام]

رد : بنات وربي ضااااااااااايعه

اي والله مادري ليش البجر جذي دلع وتتعب امها أنا بنت اختي جذي دلع وبجي على اشياء تافهه الله يعينج بعد شتسوين

 

[ام اغلى الناس]

الله يخليهم لج
فيه جداول بجوجل للعقاب و الثواب
يعني ان سوت شي زين تحطين بالجدول نجمه واذا مو زين ما تحطين لها و تعاقبينها بانها تقعد بالزاويه بروحها خمس دقايق
و شوفي برنامج ذا ناني
و ان بجت لا تعطينها اللي تبيه الا لما تسكت

 

[روحي وجروحي]

فديتكم ماقصرتوا خواتي
ام اغلى الناس ضحكتيني والله على سالفة العقاب والثوااب من صجج احكرها بزاويه اذا سوت شي غلط والله لو اموتتت ماقعدت ولا سمعت الكلالالام الله يخليها ويهديها اهي واختها يااارب
وربي احس كبرت على عمري عشررييييييييييييين سنه