بنات وربي محتاجه مساعدتكن ببكي {خلطات للجسم والوجه}

[وشاء الهوى]

السلام بنات اخباركن بنات ابي منكن مساعده انا زواجي باالعيد ومعاي بنفس الليله 2 عرايس يعني انا ابي اغطي عليهن وربي محتاسه ابي شي يبيض انا مو سمرا حيل لا الحمدلله بس ابي اتغير شوي ابي اذا شافونن بعد الزواج الكل يسألن شمسويه وربي متوهقه ياربي احس صاكه بي ولا تقلن لي خلطات يبعنه بنات باالمنتدى لاني صعبه انا باالسعوديه وصعبه ومااظمن الي يباع ابي شي انا اخلطه تكفــــــن محتاجه لكن وربي بدعي للي تساعدني بظهر الغيب ابي خلطات للجسم والوجه والرجلين واليدين والركب وكل شي ويله سي يو

 

[شووقة]

رد: بنات وربي محتاجه مساعدتكن ببكي

بما انج عروس سوي لج برنامج للعروس بالصالونات يعني حمام مغربي وبخار وهالسوالف
والصالونات عاد اهما يضبطونج بخلطات التبييض وانشالله تطلعين احلى عروس والله يوفقج

 

[وشاء الهوى]

رد: بنات وربي محتاجه مساعدتكن ببكي

وياك جدي بس ابي شي الحين استعمله بمااني للحين مااخذت مهري والف شكرر

 

[شمس 20]

رد: بنات وربي محتاجه مساعدتكن ببكي

نصيحه من زهور والله رااح تدعيلي


اخلطي بنسب متساويه زيت اللوز مع زيت الجلسرين وادهني جسمج يوميا منها

وتعالي قوليل شنو شفتي

 

[Nokia N95]

رد: بنات وربي محتاجه مساعدتكن ببكي

الله يوقفقج يارب ...
شوفي .... اغلب العضوات حاطين بالمنتدى طريقة خلطاتهم ....

واغلبهم يوصلون للسعودية ...

 

[وشاء الهوى]

رد: بنات وربي محتاجه مساعدتكن ببكي

اهلين اختي وربي بدعيلك كل ماشفت النتيجه بس زيت الجلسرين هو نفسه الجلسرين السايل تقصدين والف شكر وجزاك الله الجنه

 

[وشاء الهوى]

رد: بنات وربي محتاجه مساعدتكن ببكي

اختي نوكيا ياعلك للعافيه جدي وماقصرتي ياالغلا

 

[جـــوووبـــا]

رد: بنات وربي محتاجه مساعدتكن ببكي

شوفي عطار البحرين بالرياض عنده شغلات تهبل وبالتوفيق ياقلبي

 

[غلآ شمر]

رد: بنات وربي محتاجه مساعدتكن ببكي

والله ما عندي خبره بهالسوالف بس بغيت ارفع لج الموضوع
تقبلي مروري فديتج

 

[وردة سلفر]

رد: بنات وربي محتاجه مساعدتكن ببكي

هلا حبيبتي سوي حماماات مغربية وااايد تفتح روحي الصالون سوي كل اسبوع مره اذا مستعيله على النتيجه او اخذي خيمة بخار وسوي بالبيت .
هذا بالنسبة للجسم .. واستعملي الخلطة الصابونية مالت التاجرة مزيونه وشقرة عجييبة بالتفتيح بس استمري عليها تسبحي فيها بالقليل يوم وترك .
وكتبي بقوقل (الخلطة الصابونية مزيونه وشقرا ) وسويها انتي بالبيت .
ومرتين بالاسبوع سوي هالماسك وحطيه على كل جسمج بالحمام عزج الله قبل لاتشطفين الشطفه الاخيره (ترمس مطحون + روب + مطحون الخزامى والبابونج انتي طحنيهم بالبيت ) والله عجيييب عن تجربة .. خليه 10 دقايق وغسليه ولا تحطين صابون وراه .

بالنسبة للوجه شوفي حبيبتي .. سويلج مغلي البابونج والخزامى .. روحي العطار وقوليله ابي عشبة البابونج وعشبة الخزامى .. اخذي مقدار ملعقتين من كل عشبة واغليهم بكوبين ماء وبعد مايغلي سكريه وخليه ينقع نص ساعه وعقب شيليه وشخليه واخذي بس الماي حطيه بعلبة زجاج بالثلاجة .. كل يوم كل يوم 3 مرات مسحي ويهج وظهرج وصدرج بقطنه فيها من هالمنقوع .. والله ان جسمج بيتفتح واايد واايد .

واتمنى تصيرين احلى عروس .

اذا تبين خلطة كريمات تفتح للجسم كله :

2 كريم اولاي للتفتيح
1 كريم فير اند لفلي بالاعشاب (الجمعية)
1 كريم فيتامين سي (بالعطار)
1 كريم الكركم (بالعطار)
1 كريم جرجنز فير اند سوفت (بالجمعية)
ملعقتين سودو كريم (بالصيدلية)
ملعقة من بودرة جونسون للأطفال

خلطيها واستعمليها كل يوم على كل الجسم

وبالتوفيق

 

[∂ηαβ]

رد: بنات وربي محتاجه مساعدتكن ببكي

حبيبتي القسم فيه كثير خلطات طبي وتخيري واغلبهم ذاكرينهن عن تجربه

الله يوفقك ويجملك بعينه

 

[آكسينا]

رد: بنات وربي محتاجه مساعدتكن ببكي

مـــــبروك مقدما شوفي حبيبتي هذا الموضوع للأخت مجنونة متعب جزاها الله خير وطبقيه + مقشر شهر العسل لبنت عذاري وراح تكون
النتيجه بأذن الله أكثر من رائعه

بسم الله الرحمن الرحيم

حبيت اخبركم بتجربه شخصيه للبشره والجسم وهي ان لون الجسم يتفتح بكثير خلال شهر واحد بس...
وراح اسوي لكم جدول مع بعض التوضيحات واللي راح تستمر على الجدول انا بنفسي راح اراهنها على تفتيح الجسم والبشره واتحدا اي وحده تقول مااستفدت منها.....
اولا......... به خلطه اسمها خلطة الجلسرين ... انا بعد ماطلعت الاربعين رحت للكليه وقابلت وحده من صديقاتي وكانت لابسه اصفر وبصراحه لونها مع الاصفر خيال ... البنت كانت سمراء شلون تفتح جسمها بشهرين مدري الوكاد سالتها ....
قالت... انا لي فتره استخدم خلطة الجلسرين ومستمره عليها صح بلا تاخير او تقديم...
ثانيا....... والله العظيم يابنات مابه احسن من الطبيعي لان غير الطبيعي مايطمن... ويبقى الخوف بقلبك من نهاية هالخلطات اللي ماهي طبيعيه...
ثالثا...... انا وحده من صديقاتي ماديتها جدا ضعيفه وتقدم لها واحد مو احسن من ماديتها بس انه يقربلها طبعا ولد عمها .. وابوها حاس بضعف ماديته وما حط عليه مهر غير 30 الف؟؟؟؟ ((وش بتسوي 30 الف في هالزمن)) لكن الشكوى لله ابوها مابغى يعقد الامور وخلى بنته تشوف طريقها... المهم قالت لي انا ماعندي فلوس ادفع للمشغل قيمة برنامج والا قيمة حلاوه والا نقش والا مكياج وقت الزواج...
وقالت لي ابي الفزعه بكريمات وخلطات اسويها بالبيت ارخص واحسن...
المهم اني سويت لها هالبرنامج ... واستمرت عليه مثل ماقلت لها... ثلاث شهور ويوم جا وقت الشيل ماتصدقون يابنات شلون طلع شكلها...
خيااااااااااااااااااااال... المهم انه بعد زواجها بشهرين جابت لي هديه... قالت انها لحد الان مستمره على البرنامج اذا نام زوجها او راح الدوام او طلع سهره...
وكان يقول لها لون بشرتك احلى من وقت العرس ... لان بعد العرس البنت حسبت حساب ان الزوج يلاحظ كل شي وحتى لو ماقال ..لانه ممكن مايبي يحرجك او يجرحك بشي... ويحب زوجته لونها حلو مو شرط بيضاء بس يكون صافي جسمها وناعم وحلو ...
المهم مالكم بالطويله... شكلي بفتح مجال للقصص....؟؟؟؟؟ خخخخخخخخخخ
انا راح اكتب لكم برنامج والشاطره تطبقه وتستفيد منه... وترتاح من وجع الراس والبرنامج جدا طبيعي....


على فكره............
يابنات انا بنفسي مجربه هالبرنامج ماراح اقول لكم منقول او غيري جربه... انا بنفسي اجربه واعلم به غيري ... وماابي الا الدعاء والفايده لكم....

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
بالنسبه لخلطات الجسم..........
الاولى ...... خلطة صابونة الغار... ومقاديرها معروفه....
ـــــ تبشر صابونة الغار ثم يصب عليها علبة ماء ورد وتترك لمدة اربع ساعات ثم تضاف عليها باقي المقادير التاليه...
ـــــ علبتين جليسوليد الاحمر
ـــــ عبة فكس صغيره
ـــــ ثلاث ملاعق كركم جسم
ـــــ فنجان قهوه زيت الزيتون
ـــــ فنجان قهوه زيت اللوز المر
ـــــ فنجان قهوه الجلسرين السائل
ـــــ فنجان قهوه زيت الخروع
ثم تخلط المقادير مع بعض وتوضع بعلبه للاستخدام ...
لتنبيه...........(لا توضع على الوجه).... وتوضع الخلطه على الجسم لمدة ماتقل عن ساعتين ثم يفرك الجسم بعد ذلك باليفه وباليمون والملح...
مع الابتعاد عن الشانبو....

الثانيه.... خلطة الجلسرين... ومقاديرها كالتالي...
ـــ فنجان زيت الجلسرين السائل
ـــ فنجان زيت اللوز المر
ـــ نص ليمون
ثم تخلط المقادير مع بعض وتوضع على الجسم والوجه لمده ماتقل عن ساعتين.. ثم يفرك الجسم اليفه والليمون فقط..
الابتعاد عن الشانبو....


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
اما بالنسبه لتقشير الجسم والوجه....
ـــ التقشير الاول.... ((التقشير بصنفرة المشمش))
بصنفرة المشمش بالاسبوع مره وحده فقط...
يفرك الجسم باليد بحركات دائريه لمدة خمس... ثم تترك على الجسم لمدة من خمس الى عشر دقايق...

ـــ التقشير الثاني....((التقشير بالزبادي))
يخلط كل من.........
ــ ملعقتين زبادي
ــ ملعقتين زيت الزيتون
ــ ثلاث ملاعق زيت اللوز المر
ــ نص ليمونه
ثم توضع على الجسم لمده ماتقل عن ساعه ثم تفرك باليفه ثم يشطف الجسم بعد ذلك بالماء.....
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
اما بالنسبه لكريمات الجسم والوجه.........

ــــ الكريم الاول.........((كريم الجلسرين))
يخلط كل من......
ــ علبة جليسوليد وسط
ــ فنجان زيت اللوز المر للجسم
ــ فنجان زيت الجلسرين للجسم
ــ حبة ليمونه
ثم توضع في علبه للاستخدام اليومي......
لتنبيه.... يوضع الكريم على الوجه والجسم كامل وكذلك على المنطقه الحساسه... (مابيضر اذا استخدمتيها كل يوم)
لكن عشان البرنامج يوم ورا يوم... يعني تحطين من هالكريم كل ماجيتي تنامين... ويبقى على الجسم اقل شي 6 ساعات...


الكريم الثاني.........((كريم النشاء))
يخلط كل من.......
ــ علبة جليسوليد وسط
ــ 5 حبات ليمون اصفر تعصر
ــ نص علبة النشا
ثم توضع في علبه للاستخدام اليومي

للتنبيه... يوضع الكريم على الوجه والجسم كامل وكذلك على المنطقه الحساسه... (مابيضر اذا استخدمتيها كل يوم)
لكن عشان البرنامج يوم ورا يوم...يعني تحطين من هالكريم كل ماجيتي تنامين... ويبقى على الجسم اقل شي 6 ساعات...




ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
اما بالنسبه للبشره والرقبه........
ــ تغسل البشره يوميا باسكينول....وتستخدم للركب...
ــ تاخذين قطنه وتغطينها بالحليب وتمسيحن بها وجهك ورقبتك وتخلينها عليها اقل شي ساعتين.. والاستخدام يوم ورا يوم... بس للوجه والرقبه...
ــ تاخذين قطنه وتغطينها بماء الورد وتمسيحن بها وجهك ورقبتك واباطك والمنطقه الحساسه وركبك وتخلينها عليها اقل شي ساعتين..
والاستخدام يوم ورا يوم... وتستخدم للركب...




ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
اما بالنسبه للركب.....
تضيفين خلطه خاصه للركب يوميا من ضمن البرنامج....
وهي ــــ نص ملعقه فازلين مع شوية كركم وادهني بها ركبك ثم لفي عليها بالنايلو وخليها اقل شي ساعتين ثم افركيها باليفه ثم اغسليها باليمون...




ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
حمام البخار.....وماادراك..ماحمام البخار؟؟؟؟؟؟؟؟؟
الافضل انك ماتستغنين عنه ابد... ليه؟؟؟؟؟
لان كلمة حلو قليله بحقه....!!!!
اولا.... يشيل لك الاوساخ اللي بجسمك...
ثانيا... يساعد على تنشط الدوره الدمويه....
ثالثا... يساعد على تفتيح المناطق السمراء بجسمك....
رابعا... يفتح لون بشرتك وينعمها وتحسين بانتعاش رهيب بعده...
واستخدام حمام البخار يفضل من مرتين الى ثلاث مرات اسبوعيا...
وشوفي النظافه كيف بعدين.........؟؟؟؟؟ بتكون رهييييييييييييييييييبه.........!!!!!!
ولحمام البخار انواع واشكال.... وافضلها اللي يجي كبير على مقاسك يعني تدخلين به كله ... وتقعدين داخله من ربع الى ثلث ساعه...




ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ


اما بالنسبه للتنبيهات........
1ـــــــ الجسم مو لازم تغسلينه بالشامبو بعد الخلطات ...!!!! لان الشامبو يخرب لك مابقى من الخلطات وبكذا ماتستفيدين شي... وبعدين جسمك يبقى نظيف بعد الفرك باليفه وبعدها تسبحي بالماء... يعني الافضل الابتعاد عن الشامبو اذا ماعندك مناسبه...

2ــــــ بعد ماتتروشين الافضل انك تمسحين جسمك كله بالمنشفه من وجهك الى رجولك وتمسحين بشده شوي !! (مو بقوه)

3ـــــ اذا كنت بالبيت وماعندك طلعات الافضل انك تلبسين اكمام طويله وشربات رجلين لانها تحافظ لك على اللون وتفتح زياده... ولا تقولون حر!!!! من بغى الدح ماقال.... اح.... !!!!!!!!

4ـــ الافضل لبس شربات على الركب والافضل انها تكون دائما على الركب ... لانها تحافظ على الركب وتفتح لونها وتنعمها....

5ـــ وبرضوا الافضل الابتعاد عن لبس الكلوتات اللي على شكل سبعه وطبعا هذا الدارج عند البنات واللي اكثرهم يفضلونه.... والبسي سروال قطني لونه اسود او ابيض... (يمكن راح يضايقك لانك مو متعوده عليه) بس صديقيني راح يختفي السواد وخليك لابسته ومتعوده عليه دايم وخوذي اكثر من لبسه عشان لمن تغيرين... وروحي وقصي السروال وخليه لحد الركب وخليه ضيق من جهة الركب يعني خليه مثل البرمودا... وبكذا ماراح تحتاجين شرابات للركب لان السروال القطني يكفي... وخلي السروال عليك اذا طلعتي للسوق او نمتي او رحتي للمدرسه او الكليه ... واذا عندك زواج البسي الكلوت وبعدها ارجعي للسروال..... لان السروال يوحد لك اللون من جهة المنطقه الحساسه والافخاذ والركب....




ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
على فكره...........
ـــــ يابنات انتم راح تشوفونها كثيره ويبيلها شغله بس الشاطره اللي تعرف تضبط البرنامج وتمشي عليه صح... ماراح تقول انه تعب...وصدقوني لو تشوفون الجدول وتتعودون عليه ماراح يتعبك او يضايقك...
ــــ على العموم انا شرحت كل شي هنا وراح انزل الجدول الاسبوعي تحت وهذا مجهود شخصي ... ويشهد على الله اني انا اللي تعبت عليه وابي الخير والمنفعه لكم...
وانا راح اضمن تفتيح الجسم والوجه للي تستمر عليه مثل مااقول.... واي سؤال انا جاهزه للحلوين...
وابي منكم الصالح من الدعاء....
الموضوع من اجتهادي ........ وانا سامحه لكم بنقل موضوعي والاستفاده منه.......... مع كتابة اسمي عند نقل الموضوع....
((((والموضوع مو منقول
هذا برنامج البياض الطبيعي (الشهر الاول).... وتستمرين عليه لمدة شهر واحد بنفس الترتيب ثم بعده تبدين تقللين من البرنامج وراح انزل جدول الشهر الثاني....
وبالنسبه للوقت حطي الوقت اللي يرحك ... لاني انا حددت الاوقات من عندي بس عشان تفهمون البرنامج صح....!!! بس اهم شي يكون كل شي بالترتيب...
وصدوقوني شهر ... وشوفوا كيف؟؟؟؟؟
اولا .... النظافه
ثانيا .... الصفاوه
ثالثا .... النعومه
رابعا.... البياض
واتمنى اللي عندها اي استفسار او سؤالواللي راح تجرب هالبرنامج تراسلني على الخاص وتخبرني بالنتيجه.....
والله يوفقك الجميع....
طبعا حطيت لكم يوم الجمعه راحه... يعني اجازه من عندي..!!!! يعني بالعربي احمدوا ربكم....؟؟؟ هههههه

من فوائد البرنامج... اذا استمريتي عليه صح....؟؟
1ـــ يعطيك البياض والنعومه والصفاوه والنظافه....
2ـــ يخليك تحتفظين بالبياض فتره طويله لانها مواد طبيعيه...
3ـــ يغنيك عن الخلطات الكيماويه واللي بها كرتزون واللي ممكن تضر على المدى البعيد...
4ـــ ماتضطرين تدورين على البياض على النت والخلطات اللي ماتنفع...
5ـــ مايحتاج تخسرين فلوسك على المشاغل وعمليات التجميل والدكاتره عشان يبيضون وينعمون لك بشرتك...
6ــ مواد هالبرنامج معروفه من مقاديرها ... كلها طبيعيه ومع الاستمرار يعطيك افضل النتائج المطلوبه....

وبالتوفيق للجميع بالبياض والنعومه والصفاوه......الخ!!!!







السبت ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ

الساعه 2ظهرا قطنه بحليب تمسح به الوجه والرقبه

الساعه4عصرا

حمام بخار للوجه والجسم


بعد كل مغرب برنامج الركب فازلين مع كركم


الساعه8مساء خلطة صابونة الغار


عند النوم كريم الجلسرين




الاحد ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ

الساعه2ظهرا قطنه بماءالورد يمسح به الوجه والرقبه


الساعه4عصرا عمل صنفره للجسم بالمشمش


بعد كل مغرب برنامج الركب فازلين مع كركم

الساعه8مساء خلطة الجلسرين


عند النوم كريم النشاء






الاثنين ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ

الساعه 2ظهرا قطنه بحليب تمسح به الوجه والرقبه

بعد كل مغرب برنامج الركب فازلين مع كركم

الساعه8مساء خلطة صابونة الغار


عند النوم كريم الجلسرين






الثلاثاء ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ

الساعه2ظهرا قطنه بماءالورد يمسح به الوجه والرقبه


الساعه4عصرا حمام بخار للوجه والجسم

بعد كل مغرب برنامج الركب فازلين مع كركم


الساعه8مساء خلطة الجلسرين


عند النوم كريم النشاء






الاربعاء ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ

الساعه 2ظهرا قطنه بحليب تمسح به الوجه والرقبه


الساعه 4عصرا صنفرة الزبادي


بعد كل مغرب برنامج الركب فازلين مع كركم


الساعه8مساء خلطة صابونة الغار


عند النوم كريم الجلسرين






الخميس ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ

الساعه2ظهرا قطنه بماءالورد يمسح به الوجه والرقبه


بعد كل مغرب برنامج الركب فازلين مع كركم


الساعه8مساء خلطة الجلسرين


عند النوم كريم النشاء




الجمعه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
لا....

يوجد...
شي...
راحه...
خاااااصه...

 

[ام غمازهـ]

رد: بنات وربي محتاجه مساعدتكن ببكي

اب......

 

[غزلان]

رد: بنات وربي محتاجه مساعدتكن ببكي

اب اب

 

[بنت عطا]

رد: بنات وربي محتاجه مساعدتكن ببكي

أكسينا كفيتي ووفيتي يعطيج الف عافيه يااااااااااااااااااااااااااااااااااااااااااااااااااااااااااارب

ماشاء الله عليج بس خلطاتج يبيلها صبر وخلق

 

[وسومه الحلوة]

رد: بنات وربي محتاجه مساعدتكن ببكي

يعطيج العافيه على هالخلطات
بس ابي وحده تغنيني يعني لو استخدم خلطة النشا مثلا بس تجيب مفعول ولا لازم كلهم عشان يبين المفعول

وزيت الوز المر هذا مويقولون موزين ولا موزين للوجه بس ويستخدم بداله للوجه زيت الوز الحلو

 

[عز النفس يغنيني]

رد: بنات وربي محتاجه مساعدتكن ببكي

حبيبتي إذا هذه نيتج أبي أصك عليهم وأبي أطلع احلى منهم ما راح ربج يوفقج ..

خلج طبيعيه بدون تكلف ..

وموفقه إن شاء الله

 

[super.cute]

رد: بنات وربي محتاجه مساعدتكن ببكي

حبيبتي اول شي الله يتمم عليج ويهنيج--

انا انصحج بالحمام المغربي وبسسسس

وبلبيت اخذي علبه لوشن عصار كبير ايكون فاضي وحطي فيه كريم فير اند لفلي بالاعشاب و كريم لونا وكريم ماجيك(عجييب)
وكل يوم قبل لاتنامين دهني جسمج ونامي والصبح فركي بصابون ماجيك او صابون الكركم والمر وبعد الشاور رشي على جسمج ماي ورد(حطيه بمرش) ...

ادعيلي ... موفقه انشالله

 

[ع ــندك / خ ــبر]

رد: بنات وربي محتاجه مساعدتكن ببكي

حبيبتي إذا هذه نيتج أبي أصك عليهم وأبي أطلع احلى منهم ما راح ربج يوفقج ..

خلج طبيعيه بدون تكلف ..

وموفقه إن شاء الله

__________________

 

[وشاء الهوى]

رد: بنات وربي محتاجه مساعدتكن ببكي

يــــــــــاحيـــــــاتــــــي انتن كفيتن ووفينت ياالغلا تسلم يمين كل وحده كتبت لي والله يسهل لكن اموركن دنيا واخرة
والي تقول ان قصدي اصك عليهن وربي بحسن نيه كل بنت نفسه تطلع حلوة والا العرايس الي معاي حبوبات وربي بس لازم نفسك تطلعي حلوة والاهم ابي اتغير بعد الزواج