بنات وش الشي اللمميز الموجود بالكويت {المكياج المميز}

[خلود القصيميه]

سلام ياكويتيات
كيف حالكم
عساكم مبسوطات

بنات جا رتنا مطيريه من الكويت
ياحبيلها قسم تجنن
ودوووووم امدحها وامدح اهل الكويت
احس بهم صفة الفزعه
ماهم اهل مصالح
بنات لاتحسبون هذي مقدمات لا والله
بس هي فيها نفس الصفه
الي عندكم
وقالت لي اي شي تبينه من الكويت قوليلي وانا اجيبلك بعد عيد الاضحي
فآنا محتاره مدري شطلب من الكويت
بنات وش الاغراض الي عندكم ولاهي موجوده عندنا يالسعوديه

انا حددت من اغراضي
مكياج كريولاين
وقطرة لمياء طارق
وبنات وش اوصيها بعد فيه لآنها ماتنزل للكويت الا مره بالسنه
ساعدني بمكياج مبروك وش الي اشري منه والدرجات الحلوه واذا صور ماعليكن امر عشان ماتعبها بدواره
وش الشي الي راح يميزني اذا شريته منكم
ههههههههههههههههههه اهم شي التميز حنا يالسعوديات اهم شي عندنا التميز

 

[Petite]

رد: بنات وش الشي اللمميز الموجود بالكويت

والله ماعندي فكره
بس رداً على عنوانج

أهل الكويت اهما الشي المميز بالكويت

وحياج الله كلنا خواتج

 

[brettey]

رد : بنات وش الشي اللمميز الموجود بالكويت

بس انا خابره عندكم كريولا بالسعوديه
عموما عندج مكياج شارمل وصيها تييب لج منه

 

[q8_84]

رد: بنات وش الشي اللمميز الموجود بالكويت

شنوا قطرة لمياء طارق؟؟

مادري احس كل شي بالكويت موجود بالسعودية

 

[كاروهات#]

رد : بنات وش الشي اللمميز الموجود بالكويت

شنو قطرة لمياء طارق ؟

 

[خلود القصيميه]

رد: بنات وش الشي اللمميز الموجود بالكويت

قطرة لمياء طارق الي تصفي العين
انا اخذه الاسم والصوره من منتداكم
اكيييييييييييييييييييييييييييييييييييييييييييييييد انتم اهل التميز والفزعه

 

[miss_math]

رد : بنات وش الشي اللمميز الموجود بالكويت

الشيء المميز بالكويت أنا هههههههه

اممم ما أدري بصراحه أنتي حددي شنو تبين دراريع - عبي - مكياج ؟

 

[كتكوته و اموره]

رد: بنات وش الشي اللمميز الموجود بالكويت

حبيبتي انتي حديي شنو تبين هدوم ولا مكياج و لا شنو و بنفس الوقت اخذي فرة بقسم الميك اب و فرة ثانية بقسم الملابس و الاكسسوارات و صدقيني راح تروح منج هالحيرة

 

[MoonDiamond]

رد: بنات وش الشي اللمميز الموجود بالكويت

كل شي موجود عندنا عندكم فديتج وفديت ديرتج..
ومكياج شارمل حلو حيييييييل خصوصا ريشة الحواجب ومحدد الحواجب المائي البني طبعا

 

[أستغفِرُ الله]

رد : بنات وش الشي اللمميز الموجود بالكويت

سرداب الشايع
إذا تبين مكياج بس ترى مو سوالف ماركات لأ يعني من طقة مكياج المنصور و الهنود
بس لا يفووووووتك
حيا الله حبايبنا

 

[mischocolat]

رد: بنات وش الشي اللمميز الموجود بالكويت

والله أنا أقول اللي موجود بالكويت ومب عندكم وما تقدر اتيب لج اياه هو .....بنات الكويت ماشالله عليهن
والله ياحلو المطران أهلنا وحبايبنا
مثل ما قالولج الخوات ..مكياج شارمل

 

[وحشني شوف الكويت]

رد : بنات وش الشي اللمميز الموجود بالكويت

وعليكم السلام

كل اهل الكويت يجننووووووون اسملله عليهم

ماودها جارتكم تاخذني معاها ؟ =(

< اهم شي كل ماشفت احد بيروح الكويت أقوله نفس الجومله

UP ​

 

[ام ساره 4]

رد: بنات وش الشي اللمميز الموجود بالكويت

كل شي حلو بالكويت بس لازم تحددين شنو تبين بالضبط

 

[خلود القصيميه]

رد: بنات وش الشي اللمميز الموجود بالكويت

آبي المكيااااااااااااااااااااج والاكسسورات خاصه

 

[خلود القصيميه]

رد: بنات وش الشي اللمميز الموجود بالكويت

آبي المكيااااااااااااااااااااج والاكسسورات خاصه

 

[كتكوته ورديه]

رد: بنات وش الشي اللمميز الموجود بالكويت

عنهلا بنت القصيم عندنا العبي يهبلون وعندنا مكياج المنصور حلو ومكياج شارمل وعندج دراعات العربيد روعه كل سعوديات يخيطون لا جو الكويت فيه دراعاته روعه انصحج فيه بس عطيها اقياسج

 

[خلود القصيميه]

كتكوته وردية ثانكيو
ماقصرتي كفيتي وفيتي ومشكورات يابنات يعطيكم الف عافيه بس هل من مزيد تدرون ارد عليكم
وفوق راسي دكتوره سودانيه فجرت راسي بالشرح

 

[حوراء الكويت]

يا هلا فيج بين اهلج و خواتج و يا هلا بخواتنا من اهل الخليج جميعا

شوفي حبيبتي و صيها تروح لج سرداب الشايع تاخذ لج الشدو المائي اللي يكون تقليد ماركة بن ناي اللي موجودة بشارمل و تاخذ لج الشدو المخملي و بعد لمعة الويه و اللي تصلح بعد تحطينها تحت الحاجب و تاخذ لج حمر ماركة مكياج في اللي تكون علبة فيها الحمره و القلوس و نفسهم ماركة كرازا او كراجا بصراحة ماني ذاكرة بالضبط و تيبب لج تاتو الحواجب ماركة مكياج و عجينة الحواجب ماركة مكياج و اذا تبين طقم فرش هم تحصلين عندهم و الستاند اللي ينحط فيه المكياج و تقدرين تاخذين علبة لبودرة الخدود فيها اكثر من لون هم من نفس السرداب و تييب لج اقلام قولدن ليدي او سلفر ليدي حق العيون من مختلف الالوان و تاخذ لج مجموعة محددات للشفاه تنباع مجموعة مع بعض بنفس السرداب او عند محل المنصور بنفس السرداب و بالسرداب فيه محلات تبيع جناط تقليد الماركة بس مو تقليد درجة اولى و عندهم بعد محلات لبيع الاكسسوارات واغلبها على ما اعتقد اكسسوارات هندية بس حلوه و ممكن اتييب لج عباة راس تكون مصكرة تحصلها بسوق المباركية حوالين سرداب الشايع و هم في محل اسمه في اي بي عندهم بجايم و نفانيف بيت حلوه ورخيصة و اعتقد بعد عندهم ملابس داخلية و كل هالاشياء تحصلينها ما بين سرداب الشايع او سوق المباركية يعني بنت جيرانكم ماراح تحوس بوايد اماكن كلهم بمكان واحد تقريبا و هاذا كل اللي اذكره اللحين و اذا تذكرت برجع اكتب لج و موفقه انشاالله

 

[arrooma]

مشالله عليج حوراء .. كفيتي ووفيتي ..

 

[معلمة شيسمونه]

حبيبتي شوفي شنو اللي مو موجود عندكم واطلبيه

في شغلات عندكم مو موجوده عندنا يعني نسال ونعرفها

انتي نفس الشي اسالي عن اللي عندنا وما عندكم منه