بنات help Me.. بخصوص الدجاج !!

[Mjnont '3lay]

السلام كويتيات شلونكم عساكم كلكم بخير
بنات عندي مشكله :eh_s(16):
الدجاج وما ادراك ما الدجاج
المره اللي فاتت سويت لي وصفة اختي حلوة ومملوحة الكويت
اللي هي صينية الدجاج بالفرن
وبصراااحه طلعت عذاااااااب عجيبه بس مشكلتها شغلتين
الاولى طلع الدجاج فيه ريحة زفره :lkmnkl: مع اني فركت الدجاج بالطحين والملح لييين قلت بس ونقعته بالماي يمكن ربع ساعه جذي بس هالزفره من وين جت مدري !!!

والشغله الثانيه ماااااعرف اقص الدجاج اكثر من قطعه سويت اخماس واسداس بالدجاجه مسكينه حسيتها تعاني وتبجي مني
قمت اقصها بطريقه عووجه والسجينه تبجي من كثر ماهي متعلقه بين عظام الدجاج
لاني متعوده اقص الدجاج بالنص وبس حق مجابيس الدجاج او يكون شغلي كله دجاج صدور بدون عظم اللي جاهز بالجمعيه يعني اول مره بحياتي اقص الدجاج اكثر من قطعه
والمشكله حسيت اني وانا اقص ما ظل الا العظام حتى يوم كلينا الدجاج حسيت انه الدجاج شوي والعظام شكثره يمكن من كثر ما نتفتها بالسجين
الله يعافيكم بنات علموني طريقه سهله حق قص الدجاج اكثر من قطعه
وشنو سالفة الزفره اللي تعرف تقولي يمكن طريقتي غلط وانا مادري :eh_s(10):

ناطرتكم :eh_s(7):

 

[أحلى همبه كويتية]

اي نوع دجاج تستخدمين ؟
ترا ساديا انظف شي

انا اطلعه من الليل بره بدون لا انقعه يفك للصبح من الثلج
والصبح انقعه بماي وملح خشن خشن ركزي عليها
وشوية خل
افركه عدل واغسله

عقبها اغسله مرة ثانية وافركه بملح وخل وطحين واشطفه مرة ثانية
واعصر عليه ليمونه واخليه بماعون يتشرب
وابتدي الطبخة حسب الوصفة ايا كانت
ما يصير فيه ريحة



التقطيع
قصي الدياي من ظهره نصين
بعدين قصي الفخذ بروح
والجناح بروح
راح يبقي لج الصدر

هذه اسهل طريقة

وبالعافيه

 

[جارة القمر]

مشكوووووووووره الهمبه حبيبتي

 

[noynoy]

اول شي يبيلج سجين حاده و مبوزه
بعدين شوفي هالرابط يعلمج شلون تقصين الدياي
يبيلها ممارسه مره على مره تتعلمين و تاخذ ايدج
http://www.youtube.com/watch?v=pIxxFxLa9Cw&feature=related

 

[Mjnont '3lay]

مشكووورين خواتي حبيبات قلبي عسى الله يعطيكم العافيه
ان شاءالله بجرب طريقتج همبوووش مره ثانيه
والدجاج اللي استخدمه نايف
مادري ليش ريحته زفره مع اني غسلته عدل ونقعته ربع ساعه


نوينوي مشكووره يالغاليه ان شاءالله بشوف الرابط وبتعلم

 

[كويتية و لكن]

في طريقة اسهل اشترية مقطع وخاص و وفري وقت وجهد بارك الله فيك

 

[Mjnont '3lay]

حبيبتي كويتيه من وين بالضبط وشلون شكله وبكم سعره بالضبط لاهنتي

 

[losee]

المبرد مو احسن من المجمد ؟؟؟ مع العلم انه مدته 3 ايام بس

 

[losee]

الفيديو اللي حطته نوي نوي يوضح بطريقه حلوه بس الرك على التتبيله

 

[لمن اكون]

حبيبتي انا افركه بهيل مطحون و خل واغسل حتى اذا بوخر زفرت السمج عجيب الهيل انا دايماا استخدمه حتى حق حمسات التونه وجذي

وانا من راي كويتيه ولكن
مقطع وخالص انا اشتري صدور ااالدجاج منزوعه الجلد و عظم من ساديا << رجيمم
من مركز سلطان