بنتى ام شهرين ونص والبلغم 00 شنو العلاج

[وديــان 14]

بنتى عمرها شهرين ونص وتعبانه من البلغم صوت صدرها كنه مصنع

ومرات الصوت احسه قريب عند حنجرتها ويالله بالشين ترضع وديتها المستوصف وعطانى دوا للكحه وقطرة خشم وتحميله بالليل للبلغم ولا فادها

ناس تقول فوحيلها حلبه وعطيها اياه بالرضعه واللي يقول التين واللي يقول البابونج وناس تقول اليانسون

وانا مابي بنتى حقل تجارب ابي شى مضمون

فيه ناس قالوا تدهنين صدرها بزيت زيتون وتحطين عليها الجريده 000وان مجربينها ومضمونه

وانا تعبت من الدكاتره كل واحد يعطى وصفه

ما ادري شتنصحونى فيه

 

[طنطن]

مشاركة: بنتى ام شهرين ونص والبلغم 00 شنو العلاج

إختي وديان الله يشافي بنوتج إن شاء الله بس انا عن طريقتي احط قفشة صغيرة في مطارة الماي الحار ولما أسوي الحليبة أحط منها يصير لونها مصفر والحلبة زينة للبلغم وبعد تمتن الياهل وما تشوف شر الحلوة

 

[وديــان 14]

مشاركة: بنتى ام شهرين ونص والبلغم 00 شنو العلاج

تسلمين طنطن ومشكوره على سرعة الرد الحلبه شكثر مدحوها بس انا متخوفه شوي منها لان وحده قالت انها تجمع البلغم بالصدر

بس باسمع بنصيحتك واعطيها الحلبه وعسى ربي يشافيها

 

[يسرا]

مشاركة: بنتى ام شهرين ونص والبلغم 00 شنو العلاج

والله يا حبيبتي انا كنت اعاني هالشي مع ابني الصغير وبصراحه كنت اعطيه باليوم 3 رضعات من الزهورات وهي خلطه اعشاب من العطار فيها ميراميه وينسون وشومر وحلبه والحبه السوده والبابونج والورد المجفف
كنت اغلي الماء واحط ملعقه صغيره واغطيها لمده ربع ساعه وبعدين احطها بالرضعه ويشربها والله انها رهيبه للصدر والبلغم وكمان بتنقي الدم من اي شي وبتقوي الدم
والف سلامه على بنتك
وربنا يشفيها

 

[حبيبته آنا]

مشاركة: بنتى ام شهرين ونص والبلغم 00 شنو العلاج

الحلبه وايد مفيده حق حالته بس ريحتها قويه

 

[وديــان 14]

مشاركة: بنتى ام شهرين ونص والبلغم 00 شنو العلاج

يعطيك العافيه اختى يسرا باين عليها وصفه زينه كلها اعشاب مفيده


حبيتبته آنا === اي والله صاجه الحلبه ريحتها قويه وانا ماصدقت انسى النفاس وايام الحلبه بس عاد شنسوى كل شي يهون ونتحمله عشان سلامة عيالنا الله يبعد عنهم الامراض ويحميهم

 

[يسرا]

مشاركة: بنتى ام شهرين ونص والبلغم 00 شنو العلاج

حبيبتي وديان 14 نحنا خوات وولادنا شفناهم بطلوع عيونا بدعي بصلاتي شفاء بنتك وياريت تخبرينا بالنتيجه ويارب تشوفيها بخير

 

[وديــان 14]

مشاركة: بنتى ام شهرين ونص والبلغم 00 شنو العلاج

الله يجزاك خير يسرا
الحمد لله الكحه خفت منها بس لحد الحين فيه صوت البلغم وهذا انا مستمره على الحلبه

 

[يسرا]

مشاركة: بنتى ام شهرين ونص والبلغم 00 شنو العلاج

ها حبيبتي وديان شو صار ببنتك اتمنى انو هي هلا بخير والكحه والبلغم راحو ان شاء الله
ياريت اطمنينا عليها

 

[وديــان 14]

مشاركة: بنتى ام شهرين ونص والبلغم 00 شنو العلاج

الحمد لله الحين صارت زينه
ومشكووره على اهتمامك

 

[يسرا]

مشاركة: بنتى ام شهرين ونص والبلغم 00 شنو العلاج

العفو حبيبتي وديري بالك عليها