بنتى حنانه

[eman12]

السلام عليكم اشلونكم امهات
الموضوع باين من عنوانه
بنتي الله يحفظها الحين عمرها سنه
وتحن بشكل موطبيعي
تملل اللي جدامها وتمللني بالطلعه تحن وان دخلنا البيت تحن ولي شافت العباة والدشداشه تحن طلعوني وان طلعنا تحن تبي ترجع البيت
امورها كلها بالحنه
يوم كانت بعمر الاشهر كانو يقولون بس تكمل السنه يغدي شرها
انا مالومها اسنان والتطعيمات والطفل يتغير عليه المكان
بس ابي حل اللي كان عندها طفل بهالطبع اشلون تتصرف معاه
خاصه انها عنيده وراسها يابس واذا ماسوينا له الشئ اللي تبي تحذف عمرها عشتو تعرف تتزعل
جربت احقرها مافي فايده تزيد تصرخ صريخ مزعجه
وسلامتكم ​

 

[dnyay_mll]

رد : بنتى حنانه

الله يخليها لج ان شاءالله

وتشوفينها عروس

انا اللي يحن عندي احقره صراحه ماحب الدلع الماصخ واكره الحنه

خليها تبجي مردها تسكت

بس لازم تكون جدامج

 

[*E.B.D.A.3*]

راح يتلاشى هالطبع اذا شتتيه بدون حقران ..
مثلا ، تليفونج فيه فيديو لها واهيه تلعب ..
لمن تبدي تحن ، قاطعي حنتها وقولي شوفي شوفي وخليها تشوف الفيديو وتنسى ...
او بدلي الفيديو بأي شي اهيه تحبـه ..

عن نفسي، انا اسوي هالشي مع اعيال اختي و حدها نجحت معاي الطريقه
مثلا لمن يحن على الككاو، اخش الككاو وراي واقوله شوف القمر يطلع نفس الي في البباي
اشيله ونطلع بره ويستانس وينسى ..
خصوصا اذا كانت حزت عشا ومابيه ياكل ككاو ..

انتي لا تعطينها الي تبي وبنفس الوقت لا تقولين " لا " ، بس شتتي حنتها ، سواء عن طريق التلفزيون ، حطيلها على بباي معين
او قناة معينة ، لو انشالله حاطين دعاية ، انتي شدي انتباها قولي شوفييييييييي شيسووون وغيري ملامح ويهج عشان تحس صج
لان الياهل يعاااند .. فلا تعطينها " لا " صريحة ، لكن سكتيها بطريقه غير الـ "لا " ..

هم عوديها عالقصص .. ، يعني لمن تكون هاديه وتلعب ، قوليلها قصه معينه على حسب لغتها اهيه لول
بالدببه .. بالالعاب ..

لان هالشي هم فادني ... لمن يبجي ولد اختي ، اسكته اقوله ماشفت شنو صار في السمكة؟؟
تشوفين الدمعه بعينه بس يسكت يبي يسمع!! لوول
وصار الحين مدمن قصص .. عسى ماتضايق والا يبي ينام والا تعومس .. ايي اقوله قصه ويستانس ..

اشوفه انسب حل والله! ومن يوم كان بعمر بنتج وانا اقوله قصص والحين عمره 3 اسنين ..
عوديها على هالشي لان بيريحج وايد

 

[**(فـيـلا دانـتـيـل)**]

انا اوافقج الراي
بس يبيلج بال طويييييييل !!
ويبيلج تتحملين شويه
وإذا ماقدرتي تشتتين فكر الياهل
لاتنفذين اللي يبيه بالحنه ..

اهي مستانسه ومستمره بالحنه
لأنكم تنفذولها اللي تبيه !!

 

[نجمه فوشيه]

رد : بنتى حنانه

وااااي ذكرتيني في بنتي عمرها 3 سنين تبجي وتحن بشكل مو طبيعي لدرجه يفضى راسي من حنتها

والله مثل بنتج اذا بنطله تحن بسرعه تبيني البس عباتي ونقابي جم مره اطلع ونقابي مقلوب بسبتها لووول

ومره شافت بنت حماي تتسبح وجاتني ركض ابي اسبح قلت لا انتي تعبانه وصج وقتها كانت مريضه

تدرين شاسويت قعدتها بحضني وحطيت عاليوتوب وطلعت لها اناشيد طيور الجنه وكرتون توم وجيري

والحمدلله نست سالفه السبوح

بس والله ترفع الضغط الله يعينا يالامهات والله يهدي بنياتنا

 

[رضاهم جنه]

طنشيها خليها تبجي لما تتعب مره مرتين بعدين تطخ >>> بس الله يعينج على هالمرتين ههههههههه

 

[cheesy.sweet]

رد : بنتى حنانه

الله يهديها انشالله لج

 

[فرنساا]

حقريها

ولاتعطينها ويه الا لما تسكت

 

[eman12]

dnyay_mll-- -*E.B.D.A.3-**(فـيـلا دانـتـيـل)** -نجمه فوشيه

رضاهم جنه - cheesy.sweet-فرنساا


مشكورين حبايبي على النصيحه وطلعوا كل البنات نفس بنتي حنانين الله يخليهم لكم يارب ويحفظهم من الشر

 

[eman12]

رد: رد : بنتى حنانه

وااااي ذكرتيني في بنتي عمرها 3 سنين تبجي وتحن بشكل مو طبيعي لدرجه يفضى راسي من حنتها

والله مثل بنتج اذا بنطله تحن بسرعه تبيني البس عباتي ونقابي جم مره اطلع ونقابي مقلوب بسبتها لووول

ومره شافت بنت حماي تتسبح وجاتني ركض ابي اسبح قلت لا انتي تعبانه وصج وقتها كانت مريضه

تدرين شاسويت قعدتها بحضني وحطيت عاليوتوب وطلعت لها اناشيد طيور الجنه وكرتون توم وجيري

والحمدلله نست سالفه السبوح

بس والله ترفع الضغط الله يعينا يالامهات والله يهدي بنياتنا

الله يعينج ياقلبي والله ضحكتيني على سالفه النقاب المقلوب الله يخليها لج يارب وتشوفينها عروس​

 

[tmtmt]

عادي كلهم جذي
بنتي اسم الله عليها ماشاءالله تبارك الرحمن هم نفس الشي

تحن تبي بباي من امسك الرموت
قالت مابي هذا !!
ماحطيت لي الحين لوووووووووول
بس تبي تعارض

وموصيه ابوها اذا تبي تعطيها شي
عطها من الاول مو تبجي بعدين تعطيها
راح تاخذ البجي وسيله عشان تسةيلها الشي

يعني لازم تقررين
يا تعطينها يا ما تعطينها

مو تخلينها تحن بعدين تعطينها ماكو فايده
ادري مرات من كثر ماودج تفتكين من الحنه تسوين الي تبيه
انا مرات جذي

بس خلاص طفرت فقمت احط حد
وجربي مره حقريها لو تبجي لو تصرخ
بتشوفينها تروح حق شي ثاني وتلهى فيه

والله يحفظ عيالنا يارب

 

[Chic & Unique]

راح يتلاشى هالطبع اذا شتتيه بدون حقران ..
مثلا ، تليفونج فيه فيديو لها واهيه تلعب ..
لمن تبدي تحن ، قاطعي حنتها وقولي شوفي شوفي وخليها تشوف الفيديو وتنسى ...
او بدلي الفيديو بأي شي اهيه تحبـه ..

عن نفسي، انا اسوي هالشي مع اعيال اختي و حدها نجحت معاي الطريقه
مثلا لمن يحن على الككاو، اخش الككاو وراي واقوله شوف القمر يطلع نفس الي في البباي
اشيله ونطلع بره ويستانس وينسى ..
خصوصا اذا كانت حزت عشا ومابيه ياكل ككاو ..

انتي لا تعطينها الي تبي وبنفس الوقت لا تقولين " لا " ، بس شتتي حنتها ، سواء عن طريق التلفزيون ، حطيلها على بباي معين
او قناة معينة ، لو انشالله حاطين دعاية ، انتي شدي انتباها قولي شوفييييييييي شيسووون وغيري ملامح ويهج عشان تحس صج
لان الياهل يعاااند .. فلا تعطينها " لا " صريحة ، لكن سكتيها بطريقه غير الـ "لا " ..

هم عوديها عالقصص .. ، يعني لمن تكون هاديه وتلعب ، قوليلها قصه معينه على حسب لغتها اهيه لول
بالدببه .. بالالعاب ..

لان هالشي هم فادني ... لمن يبجي ولد اختي ، اسكته اقوله ماشفت شنو صار في السمكة؟؟
تشوفين الدمعه بعينه بس يسكت يبي يسمع!! لوول
وصار الحين مدمن قصص .. عسى ماتضايق والا يبي ينام والا تعومس .. ايي اقوله قصه ويستانس ..

اشوفه انسب حل والله! ومن يوم كان بعمر بنتج وانا اقوله قصص والحين عمره 3 اسنين ..
عوديها على هالشي لان بيريحج وايد

فعلا اايددج الراي و الطريقه حلوه تشتيت فكره و على بطولة البال لاتعودينها لابغت شي تحن عليه حسسيها ان اذا حنيتي ماراح تحصلين اللي تبينه و الله يهديها لج ان شاء الله

 

[عبث طفله]

عندنا وعندج خيرر ..

بس انا جربت انها اذا حنت تبي شغله الهيها بشي تحبه في قناه براعم مثلا تموت عليها من تشوفها تنسى اللي تحن عليه ..


بس صج يقولون اذا كلمت السنه غدا شرها وانا اقول لا والله بدى التعب والشقى الله يعينا على تربيتهم ويخليهم لنا يارب

 

[eman12]

مشكورين حبايبي على النصيحه والله يحفظ عيالنا

tmtmt

Chic & Unique


عبث طفله