بنتى والتفوق ...ميته بجي.....؟؟شالحل

[الأميرة جوري]

السلام عليكم ..


خواتى عندي3 بنات الله يحفظهم ..ماشاء الله ثنتين متفوقات ووحده الصغيره اولى ابتدائي استيعابها بطي وماتفهم بسرعه تعبني علي ماتفهم وتقديرها جيد جدا ....واليوم يت لي تبجي :eh_s(11):تقول انا متفوقه ولا؟مثل خواتى والبنات قلت ايه ماما انتى متفوقه وشاطره قالت زين ليش ما طلبوا صور او صورونى لتفوق خواتى طلبوا عليهم والبنات بصفي بعد :eh_s(2): والله توهقت المشكله مو الحين المشكله بيوم تفوق بشوف خواتها لابسات وكاشخات ورد وتوزيعات تكفون شسوي معاها اهى لي بجت شنو يسكتها ماتسكت ؟؟ابي اقتراح منكم ؟؟ شنو الحل

 

[ناتشوو]

الله يعينج
ماعندي حل
قولي لها شدي حيلج السنة الجاية وتكونين من المتفوقات
بس يعني شنو استيعابها بطئ؟
لا يكون تحتاج متابعة من مختص؟

 

[انامل كويتيه]

مسكينه كسرت خاطري

انا اقول غيبيها ولا تحسسينها ان خواتها متفوقات راح تحس بالنقص اكثر
وسوي حفله في بيت اهلج حق بناتج كلهم ولبسيهم تيجان ورد ووزعي كاكاو
وقوليليها انتي متفوقه نفسهم علشان تستانس
ووزعي هدايا وقوليلها لانج متفوقه
والله يعينج

 

[ZajiL]

حياتي صج صج الله يعينج
قعدي وفهميها مافي الا هالحل عشان تعرف انها مومتفوقه
وتشد حيلها مره ثانيه

 

[حبيبة دودي]

كسرت خاطري :eh_s(2):

احسن حل لاتشوف خواتها يوم التفوق وغيبيها وسوي حفله لها
ياحياتي توها صغيره يمكن تستحي من المدرسات موشرط استيعابها بطيء

 

[عبث طفله]

يالله الله يعينج

لانه صج راح تتعب نفيتها .. بس غيبيهاااا وسوي لها حفله مع خواتها بجذي ماراح تتضايق ولا تبجي ..

 

[om al ghaleen]

حبيبتي اكسرت خاطري
شوفي وقت التدريبات غيبيها يعني لاتحظر
لانه بيكون التدريب اغلب الدوام
وقولي لها بثانيه راح اسويلج حفله تفوق كبيره
وانتي شدي عليها علشان تنفيذ وعدج

 

[الأميرة جوري]

حياتي تسلمون عالنصايح ....

الشوفه اكيد بتشوف لمن اشتري التوزيعات والورد وحركات التفوق لانه دوم مع خواتها بطلعه وخواتهاصغاربينهم سنه كل وحده ...اشرايكم براي رفيجتى تقول لبسيها وكشخيها نفس خواتها وخليها توزع علي ابلاتها لاتكسرين نفسها وتحطم وتاثر علي نفسيتها وتغار من خواتها اشرايكم والا غلط؟؟

 

[الأميرة جوري]

upp

 

[ديانا سبنسر]

صح كلام رفيجتج وانا كنت ابي انصحج نفس نصيحتها بالعكس ان غيبتيها راح تحس انها غير عنهم

وبعدين ماشاءالله البنية جايبة جيد جدا ليش تقولين استيعابها بطي بالعكس هذي شاطرة ماشاءالله


الله يخليهم لج وتشوفينهم عرايس انشاء الله

 

[الأميرة جوري]

حياتي تسلمين والله شجعتيني ..اصلا انا مستغربه انهم حاطين لها جيد جدا فعلا ماتفهم ولاااااااابو شيء ... والله خايفه عليها اخاف فيها ضعف بعقليتها مع انها تذكر وتسولف بس بشوفها بثانيه يمكن تكبر وتفهم اكثر .

 

[دلع الدواسر]

ماعرف والله بس سوي لها انتي حفله بالبيت وعزمي رفيجاتها بسبه تفوقها شجعيها

 

[البنت الكويسه]

الله يعينج
قولي لها ختشد حيلها تصير مثلهم يا عميرتي

 

[.،:"$الـعـوبــــة$":،.]

شجعيها دايم شجعيها ،، وبكرة تصير احسن من خواتها بعد ان شاءالله ،​

 

[بيادر أمل]

.
.
شرايج تجيبين لها هدية وتكلمين الادراه عشاان يكرمونها مع الطالبات المتفوقاات
نفس هالموقف صار في مدرستي ولية امر عندها اربع بنات متفوقات والخامسة جيد جيدا ما كسرت بخاطرها راحت للادراة واتفقت معاهم عشان يكرمون بنتها وما يحسسونها انها اقل من خواتها وتكفلت بمصاريف بنتها من هدية وروب والتخرج
.
.

 

[الأميرة جوري]

اسعدنى مروركم ..ونصايحكم ,,بالنسبه للحفله انا دووووووم اسوي بيتي وبيت اهلي بعد مايكرمونهم ...واعزم رفايجهم ...

بيادر >>ياقلبي فكرتج وايد حلوه بجرب واكلم الاداره ...لان فعلا تعور القلب ودمووووعها تحسين المها من داخل حبيبة قلبي ....

 

[الأميرة جوري]

upp

 

[ديانا سبنسر]

حياتي تسلمين والله شجعتيني ..اصلا انا مستغربه انهم حاطين لها جيد جدا فعلا ماتفهم ولاااااااابو شيء ... والله خايفه عليها اخاف فيها ضعف بعقليتها مع انها تذكر وتسولف بس بشوفها بثانيه يمكن تكبر وتفهم اكثر .

ليش ماتدخلينها تقوية مثل القاعدة الحلبية وبعدين اسم الله عليها لانفاولين مافيها الاالعافية انا بنات عمي ثنتين ماشاء الله علمي ومتفوقات واختهم الثالثة مفنشة من الدراسة من ثانية ثانوي يعني موشرط انها موشاطرة بالمدرسة يعني فيها شي انا اللي اكلمج كنت شاطرة بالمدرسة واختي موذاك الزود تدرين انها مثقفة وتقرا ودايم نسالها وخصوصا بالاوضاع السياسية ماشاء الله عليها احس قرقت وايد

 

[درة أهل الطولات]

لا تكذبين عليهااا

حتى لو من دافع انها كاسرة خاطرج علشان ما تطيحين من عينهااا

 

[الأميرة جوري]

ديانا >>الله يسمع منج ويصير مافيها شيء اهى بس بالدراسه ..وسوالفها كلها خياليه الله يستر ....