بنتي الرضيعه :(

[جذابه بنت ذيابه]

مساكم ورد

:eh_s(7):

شلونكم كويتيات .. بنتي عمرها 13 يووم ومعاها كحه وبلغم وخشمها مسكر

توني جايبتها من المستشفى .. عطاها بس قطرة ماي وملح .. وبس ترجع بعد الحليب
والسبب البلغم اللي بصدرها تكسر خاطري وبس اطالعها وابجي :eh_s(2):



والدكتوره تقول هذي طفله رضيعه لا تعطينها اي دوا .. شنو اسوي كحتها كحة شاايب


وكان فيها بو صفار وتنومت ..وطلعت وخرعوني قالو رد لها بو صفار يوم رحت اليوم اخذت
تحليل طلع نسبته 200 واهو كان نسبته 340







ابي الردود السنعه لا تخلوني
​

 

[ريماا]

لله يشاافيها لج ان شالله
امشي على كلاام الدكتور اهو ادرى وسالي تقدرين تعطينها تحاميل بلغم الانها زينة

 

[أغلى حبيبه]

ليش ماعطوج تحاميل البلغم واييد زينه حق اليهال

 

[Dousreya90]

رد : بنتي الرضيعه

أنا سامعه ان الزيت زيتون زين دهني صدرها و غطيها عددددددددددددل عدل

 

[جذابه بنت ذيابه]

ما عطوني قالو صغيره حرام نعطيها اي شي


الله يجزا كل وحده ردت علي الف خير


وزيت الزيتون ان شاء الله بعطيها

 

[فراوله2010]

الصفار عادي يجي الاطفال "جاء بنتي" وعشان يروح طلعيها بالشمس ,, وحطيها تحت النور الاصفر"قد ما تقدرين"

وسمعت ان سكر نبات تحطينه بالماء وتشربينها >> بس ماجربته

اما البلغم"نوميها على بطنها وبعدين ربتي عليها ع خفيف ع ظهرها عشان ينزل البلغم ,, وشربيها مويه وشاهي اطفال عشان يذوبه..
واذا نامت حاولي ترفعين راسها ((مثلا بدل الوساده تصفطين بطانيتين وتحطينها تحت راسها>>مدري فهمتي علي او لا>> لانه يريحها في النوم كثيييييييير))

والله يشفيها لك

 

[ام لين3]

رد : رد: بنتي الرضيعه

حبيبتي آنه بنتي قعد فيها البوصفار 6اسابيع عطيها ماي وايد وحطيها في الشمس البارده يعني الصبح او قبل ماتغيب موبظهر
وفي ماي مثل ماي اللقاح اسمه ماء الحندباء حق الاطفال كنت احط شويه مع الماي والنبات لانه يقوي الكبد ويودي البوصفار واذا موموجود في الكويت مكود في البحرين
وبنسبه لنشله والكحه اكيد اكو ادويه تخفف لعراض مومضادات من الحين اكيد بس شي ثاني
اختي في دكتور استشاري ممتاز يتابع عيالي من بعد الولاده لي حد الحين اسمه مازن العيسى توه فاتح عيادته اليديده في مستشفى الربيعه في الفروانيه بعد نادي التظامن وماعليها شر بنيتج الله يحفظها

 

[شوق الجازي]

نفس حالة ولدي الله يعينج عانيت معاه لانه ماكان يقدر ياخذ ادويه وهو صغير

بس قبل الرضاع قطري بخشمها ودهنيها بالزيت ولفيها زين الزيت يريح الصدر

وحاولي تشربينها ماي دافي يذوب البلغم

اي بالنسبه للصفار فيه عشبه تلقينها عن العطار اسمها عصفر يتنقع بماي داافي <<يصير الماي لونه اصفر

حطي معاه شوي سكر نبات وشربيها بتلاحظين وانتى بكرامها بوله صار اصفر عادي لانه يطلع منها الصفار

انا امي سوت حق ولدي والحمدلله ماكمل3 ايام الا وفتكينا من الصفار

والله يشفيها ويخليها لج يارب

 

[كويتيه مذهله 87]

حياتي ماتشوف شر

 

[رنين]

الله يحفظها و يسلملج اياها


حق البلغم نفس الي بقولة قالته فراوله سدحيها على بطنها و كوري ايدج و طقطقي ظهرها جهة الرئة اليمين و اليسار عالخفيف من تحت لي فوق

 

[مرايــــــــم]

اهليـــــــــن حبيبتــــــــــي
اول شـي الحمـد للـــــه علـى السلامــــه
بالنسبـــــــه لبوصفــــــار عرضيهـــــا للشمــس
الصبـــــــــــح وان شـاء اللـــــه يخـف
وبالنسبــــــــه للبلغـم ماعنــــدى فكــره

وماتشــــــــوف شـر الكتكوتـــــــه

 

[الدميره ..]

البلغم علاجه اليانسون وادعي لي

 

[ديانا سبنسر]

ماتشوف شر خلج على كلام الطبيب بس قطري بخشمها

والغرفة اللي انتي قاعدة فيها خلي ليتها نيون احسن حق اللي فيه صفار اذكر الدكتور قالي جذي

 

[DLOOL]

حبيبتي واذا م اقتنعتي بالدكتور روحي اليوم لمستشفى السلام عندهم اخصائيه اطفال اسمها الدكتوره لولو ممتاااازه اشويه بس دوامها عصر الساعه خمس واذا قالت لج مثل الكلااام يعني صح بس ترى اللي اعرفه اذا رجعت من البلغم زيييييييين

 

[TWINKLE STAR]

ماتشوف شر بنتج ...انا رحت حق واايد استشاريين وكلهم قالولي خليها تنام مايل يعني حطي تحت اسفنج السرير مخده علشان لا تنزل النشله على صدرها وتزيد و حطي يم راسها جهاز البخار علشان يريحها طول الليل واستمري على قطره الما وملح... وادعيلي​

 

[الأماكن]

الصفار عادي يجي الاطفال "جاء بنتي" وعشان يروح طلعيها بالشمس ,, وحطيها تحت النور الاصفر"قد ما تقدرين"

وسمعت ان سكر نبات تحطينه بالماء وتشربينها >> بس ماجربته

اما البلغم"نوميها على بطنها وبعدين ربتي عليها ع خفيف ع ظهرها عشان ينزل البلغم ,, وشربيها مويه وشاهي اطفال عشان يذوبه..
واذا نامت حاولي ترفعين راسها ((مثلا بدل الوساده تصفطين بطانيتين وتحطينها تحت راسها>>مدري فهمتي علي او لا>> لانه يريحها في النوم كثيييييييير))

والله يشفيها لك

مثل ما قالت فراولة

و ماتشوف شر الحلوة

ديري بالج عليها من البرد ​

 

[موجة ~ بحر]

دهني صدوها بزيت زيتون ودفيها عدل لا يحوشها هوا

 

[الأميرة كيرارا]

حبيبتي لا تحاتين و تبجين راح تكبر لا اتخافين
بهالعمر صج هذا علاجها
أهم شي لا اتخلين الكل يقرب منها و يبوسها لأن موسم أمراض

 

[om al ghaleen]

ماتشوف شر ياارب
حبيبتي هالعمر حرام تعطينها ادويه بعدها نونه
انا بنتي عمرها شهر ونص وعندها بلغم دايما اخليها تنام على بطنها وتطلعه مع الترجيع وترتاح بس تقطع القلب صدرها تعبان يطلع اصوات غريبه
ولما وديها الطبيب علشان يعطوني تحاميل مارضى الدكتور لىنها تسبب اسهال

\\

 

[غلاي امي وزوجي]

توها صغيره على الادويه

حطي لها ماي وسكر نبات وعرضيها للشمس وان شاء الله بتصير احسن من قبل