بنتي بتتحجب فديتها

[eman12]

السلام عليكم
اشلونكم بنات شخباركم
بنيتي الله يحفظها من نفسها تبي تتحجب
وابي اشلون اجهزها من ملابس وملافع وكل شي
وودي اسوي لها حفله تستانس فيها اهي وبنياتنا اللي من عمرها
همتكم يا أمهات ابي ترتيبات لحفلات التكليف
بس عندي مشكله صغيره واهي شقتي صغيره بس ابيها ملمومه بين خالاتها وعماتها وعيالهم
بس بنفس الوقت مابي احد يتضايق من المكان يحس انه صغير
واشلون ارتب المكان
ويعطيكم العافيه ​

 

[@ام يوسف@]

ان شاء الله الف مبرووووووووووووووووووووك

 

[نعوووووومه]

مشاءالله عليها ربي يحفظهااا

انشاءالله يفيدونج الصبايا حبيبتي

 

[FDET NFSY]

ما شاء الله الله يخليهاا لج


اهي جم عمرهااا..؟


الملافع عندج القطن حلوو ويناسب جميع الاعمار

والملابس تكون محتشمه

القمصان الي فوق الركبه وتحته ي لقن او جينز

هذي الي عندي:*

 

[eman12]

تسلمون ام يوسف ونعومه وفديت نفسي
الله يبلغكم باعيالكم يارب

 

[eman12]

ابي محلات تكون فيها لبس حلو غير انوتا
وعندي مشكله ان بنيتي شوي تختوخ
اللي تعرف خياط حلو شغله

 

[meen_ana]

سوي الحفله بيت اهلج ولا بيت حمولتج يصير اوسع لكم او في مطعم مكدونلز جنوب السرة يصير تخلينه بالسرداب والاستاف حريم يعني تاخذون راحتكم

 

[Q 8 Y A t]

صراحه ما يحتاج حفلة

ذكريها بالله وان الحجاب شي لو ومن هالكلام

ودام لبسه ما يصير تقطه

والملافع القطن تصلح للصغار حيييل

 

[om_3azoz]

مبروك الحجاب ياقلبي ,, وعلى الحفله اذا تحسين انه شقتج صغيره وماتيزي سويه في بيت اهلج او بيت حمولتج

 

[Q 8 Y A t]

عندج زارا حلو شغله

ترى انا مو ذاك الزود

وعندج ماكس شغله نوعا ما عادي

 

[Q 8 Y A t]

بدلية
لو = حلو

 

[التفاؤل عنواني]

ماشاءالله الٌٍلٌٍٍه يثبتها يََـّـآآآربٌ وبارك الٌٍلٌٍٍه فيج
وعقبال ماتجهزينها بزوجها

 

[لجين العبرات]

ألف مبروك
وتستاهل احلى حفله
الله يثبتها ويبلغج فيها

 

[Lady H]

ألف مبروك والله يثبتها على طاعته

بالنسبه حق التجهيز
أولا الملافع القطن أحلى شي من جمعيه الفيحا الهندي اللي تحت اخذي خاف الكلينكس بارد ورخيص
وإذا حصل أحد بمكة حجابات الشرقيه القطن خياااااال ما شفت احسن منهم بس شوي غالي يمكن الواحد ب 7 دنانير

ثانيا القمصان الطويله
اخذيلها موديلين او ثلاث وخيطي عليهم
تحصلين ب زارا + انوتا + أكوا + اش اند ام
الخياط تلقين بالصفاة فوق اخذي الخام ودخليه فوق

ثالثا البنطلونات
زارا + توب شوب الوانهم حلوه
وخيطي عليهم ألوان الأساسيه مثل أسود / اوف وايت / بيج

رابعا التنانير الماكسي
الحين الموضه وتكون وسييعه وخامها طايح
وموديلها يصير هاي ويست يعني تحت الصدر
وتلبس معاها بلايز قصيره


أما بالنسبه حق الحفله أنا انصح اذا كان عندكم زواره حريم يبيلها كيكه وهديه وبس

 

[Bronze ● lady]

الف مبروك .. عقبال تخرجها وزواجها ان شااء الله


اقترح انج تعطينها هديه حلوة تتدكرها لما تكبر

 

[eman12]

تسلمون حبايبي ( مين انا - كيوت وام اعزوز )
حبيبتي الحفله اللي بسوي لها مو علشان الحجاب انا تحجبت محد سوالي حفله بس انا بخاطري علشانها اهي تشجيع لها والحمدلله الف الحمدلله انها منها وبارادتها لان عندي قناعه ان الحجاب فرض بس مايصير بالاكراه لان راح تقطه من وراي

 

[eman12]

تسلمون حبايبي ( التفائل عنواني -لجين العبرات -ليدي اش- برونز ليدي والاخت اللي كتب كيوت انا اخاف ترجمتها غلط q8yat)
مشكورين ماقصرتوا صج افكاركم نورتني الله ينور عليكم بصيرتكم ويفرحكم باعيالكم
وفعلا فطنتوني اني لازم ايب لها هديه
انا كنت بس مفكره احتفل فيها
واخذت بارائكم وبلشت اجهز لها من الاماكن اللي قلتوها لي والحمدلله احسها فرحانه
وساعات احسها شوي متردده
ولما اقول حق اهلي اشوفها شوي متردده يقولون هذه ابليس يوسوس لها
يارب تحفظ عيالنا من شر الشياطين الرجيم

 

[om MaRyooM]

لو عندج احد من اهلج بيته كبير سويه فيه
اذا ماتحبين عادي سويه بشقتج وعزمي القراب حيل وييبي معجنات وحلو قهوة ..وخلي الكيكة اخر شي انصحج بكيكة من كرمز crumbs امبيييي عجيب عجيب
ولبسيها نفنوف ناعم جذي واحتفلو فيها ..
واكيد بييبولها هدايا



ومن بعد ماتشوفين الهدايا اكيد بتشوفين شاللي ناقصها لأن احتمال ييبون شيلات وقمصان و هالسوالف


بالنسبة للنفانيف انصحج بـ زارا وايد عندهم سوالف حلوة
وطقيلج فرة بالافنيوز ومري محل اميريكان ايجل و نيولوك بتحصلين وايد سوالف حلوة
والشيلات خليج عالقطن اريحلها دامها صغيرة والحين حر بقة بعد

 

[الله كرريم]

الف مبروك الله يخليها لج

 

[hooryah q8]

فديتهاالله يحفظها
البنات ماقصروا معاج بالردود
الله يطرح فيها البركة و تجهزينها عروس ان شاءالله