بنتي بتسوي عملية اللوزتين واللحميه اليوم بمستشفى زين وخايفه شلون الطريقه

[كويتيه عبسيه]

السلام عليكم شلونكم كويتياتoster_av1::eh_s(8):

وصراحه اللي بتساعدني بدعيلها من كل قلبي والله ....:33_1185028183:


الصراحه انا وايد متوتره لان بعد جم ساعه بدخل بنتي الصغيره (وعمرها سنتين ونص) المستشفى بتشيل اللوزتين واللحميه مره وحده بمستشفى زين اللي بالصباح .............واللي عندها خبره تساعدني الله يريحها دنيا وآخره ....شلون الطريقه يعني اللوز يشيلونهم خير شر ولا شنو بالضبط؟؟؟ وانا وافقت بسرعه على العمليه لان بنتي كل شهر طايحه مريضه وبالشهر واقل بعد لازم تآخذ مضاد حيوي ووايد اتعبت بنتي وفيها لحميه وخشمها مسكر وماتقدر تنام كلش وكلا فااااجه حلجها وتتنفس منه وتشاخر شخير الله لايوريكم ....ووايد تعبانه بس شسوي الشكوى لله

المهم انا وايد احاتي ,,,,

وماتدرون احسن دكتور موجود بمستشفى زين ؟؟؟؟
وهل في دكتور فاشل والكل ينحاش منه بمستشفى زين؟؟؟؟ علشان انحاش منه طبعااا؟؟؟؟؟

والعمليه جم ساعه(اللوز+اللحميه) بالضبط؟؟

وهل راح تتأذى بنتي بعد العمليه ؟؟؟وجم يوم ...؟؟؟؟

بنات انا تعبت نفسياا ووايد افكر فيها ؟؟والله تعبت لان ماعندي معلومات كافيه عن العمليتين .....

ومشكورين ويزاكم الله الف الف خير

 

[نجد المملكه]

رد : بنتي بتسوي عملية اللوزتين واللحميه اليوم بمستشفى زين وخايفه شلون الطريقه

تطمني ياقلبي اخوي قبل شهر شايل اللوز واللحميه نفس حالة بنتك بالظبط ماراح تتاذى انشاءالله اخوي يوم سوى العمليه بالكثير
مايقدر يرفع صوته مدة اسبوع ولازم ياكل ايسكريم لمدة اسبوع
وعلى فكره طلع بنفس اليوم الي صلح فيه العمليه
وعمره ثلاث سنوات
مدة العمليه على ماعتقد ساعه الى ساعتين
اي سؤال حاضره والله يطلع بنتك بالسلامه

 

[& ام سلمى &]

الله يطمنج على بنتج

ماتشوفين شر يالغاليه

 

[عواار قلب]

رد : بنتي بتسوي عملية اللوزتين واللحميه اليوم بمستشفى زين وخايفه شلون الطريقه

الله يسهل عليج يارب
وتشوفينه بصحه وعافيه
بس طمنينا عليها

 

[اتحدااا]

رد : بنتي بتسوي عملية اللوزتين واللحميه اليوم بمستشفى زين وخايفه شلون الطريقه

حبيبتي عاد لاتحاتين شوفي بعد العمليه راح يطلع ويكون مبنج والله يعينج تقعد تبجي تحلم باللي شافته المهم راح ترجع تقؤيبا ساعه وترجيعها يكون الدم والوصخ بس خليها تنام على جنب عشان ماتبلع وابد بعد3 ساعات تبدين تعطينه اكل عطيها ماي بارد وشوي شوي وبريد وزبادي بارد وسواؤل لاتعطينها اكل اول يومين بس شوربه وتكون بارده ومن 3 يوم ابدي شوي شوي عيش مهرووس بارد مع روب بطاط مهروس عطيها اكل كله مهروس ولاتعطينها دجاج ولا لحم بعد اسبوع عطيها ولاتنسين تممينها العطور عشان مايلتهب جرحها وشربيه مره والتزمي بالمضاد عشان يلتئم جرحها ولاتحاتين راح تجيها اول يوم حراره وعاد يعطيها خافض اذا زادت عن 3 ايم وديها المستشفى وجذي قلت لج عن كل شي وان شالله استفدتي وماتشوف شر

 

[جـــوريــة]

رد : بنتي بتسوي عملية اللوزتين واللحميه اليوم بمستشفى زين وخايفه شلون الطريقه

ماتشوف شر

 

[كويتيه عبسيه]

مشكورين عالرد ويزاكم الله الف خير

وابشركم سوينا العمليه والحمدلله اطلعت بالسلامه:ggdw:

وسبحان الله مثل ماقلتي,,,,,,,,,,,,,,,, يا اتحداااا _03BA::tek:.................كل اللي قلتيه صار مع بنتي بس قعدنا 3 ايام لان حرارتها وايد عاليه وما كانت تحط بحلجهااا ماء ولا شي ....كانت تعبانه وبلاعيمها تعورها ماترضى تخاف يعورهااا بس الحمدلله طلعنا اليوم وانا ارتحت رجعت بيتي ومشكوووووووووورين مره ثانيه

 

[amoOoNA Al_mazyoNa]

الحمدلله على سلاااامتهااا .. والله يعطيج العافية