بنتي تبجي وايد... ساعدوني

[ام الغزال]

بنتي من يوم الخميس تعبانه فيها سخونه .. وديتها المستوصف .. تخيلو الدكتوره تقول مافيها شي ..
و عطتني أدول ..
و السبت الصبح وديتها مره ثانيه و نفس الكلام و الدكتوره تقول عطيها مضاد بس إحتياط تخيلو الوضع !! مضاد بس جذي .. مع إن المضاد الحيوي جدا خطير ..

و بالليل البنت ماتت صياح و بجي ...بعد أذان العشاء طرت للهادي..
ولا بلاعيم بنتي عندها محتقنه و حبيبتي متحمله ...

المهم عطاني الدتور أدويه و مسكن و مخفض للحراره .. بنفس الليله إرتاحت .. بس اليوم .. ردت لها حالتها الهستيريه بالصياح و ملاحظه إنها تحاول تحك ضروسها .. تهقون تسنن .. بنتي ألين عمرها سنه و نص ...

صراحه آنا ما أدري شنو الحل لا تاكل و لا تشرب و لا تبي شي و مزاجها حده متعكر ..

ما أدري شسوي نصحوني .. آنا حامل و على وشك ولاده و اليوم نزل مني دم و رحت المستشفى قالو مفتوحه سانتي و نص بس ماكو ولاده !!

ياربي شسوي بعمري

 

[ريماس الحلوه]

الله يعينج بس يمكن بنتج منمصعه دهنيها وهمزيها او يمكن فيها غازات

 

[Me too]

الله يشافيها يارب بس الوقت الحين وقت السخاين معروف مع تغير الجو

 

[ام الغزال]

بالنسبه للمصع آنا شاكه بس أبي وحده ترددها ... اذا تعرفون وحده دلوني عليها

 

[دكتوراة بالذوق]

يمكن تسنين
عطيها مرة ولاتحطين عندها عطورات او بخور .. وشربيها حلبة مرة يوميااا.....

والمصع (( الملع)) مو طبيعي يذبح الجاهل بالصياح ماينام .. ولا يشرب الحليب وكله يتنهد وتركبة حرارة

والطبيب مايعرف بهالسوالف كلششششش

شوفي اي وحدة شاطرة بهسوالف ..

 

[كلي تفاؤل]

يمكن تسنين ..

نقعي لج مرة مع سكر نبات شوى عشان تتقبل الطعم

وغطي باصبعج بماى الرة وافركي اسنان بنتج ...وما تشوف الا العافية..

 

[نورالدنيا***]

ياحياتي عورتي قلبي الله يفك ضيقتج ويفرجها عليج ويشافي بنيتج وان شالله تولدين بالسلامة انصحج بالدكتور مصدق هواش بدار الشفاء ضروري


والله ماعتقد انج قريتي الرد لنج الحين بغرفة الولادة والله يهون عليج ويشافي بنيتج