بنتي تخاف من البرد,,

[ترانيم العود]

مرحبــــــــــــا’’

:68_asmilies-com:



بصراحه بنتي محيرتني بشي وياليت القى الجواب عندكم..


بنتي تخاف من البرد يعني اذا مسكتها علبة البيبسي بارده او الماي البارد قعدت تبجي
ومنساع رحت فيها الجمعية صوب البرادات مالت العصير والحليب قعدت تبجي وتصيح حيل


بسألكم هذا شي طبيعي او لأ؟؟

واذا عندكم اي معلومه بلغوني


واكون شاكرة لكـــم’’

 

[الصابرة المحتسبة]

هلا ترانيم انا وليدي مايبجي بس يخاف ومايحب يلمس الشي البارد وياليت نعرف هالشغلة عادية ولا لأ؟

 

[ترانيم العود]

اي والله وددي اعرف شي طبيعي او لآ؟؟

لان بنتي اذا مسكت شي بارد تبجي على طول

وهما الشي الحار نفس الطريقة

 

[الصابرة المحتسبة]

ترانيم ياوخيتي مادام ليلحين محد رد علينا بدور بالنت واقولج

 

[ترانيم العود]

اي والله جزاج الله خير

وانا بعد بدور

 

[cute manar]

هلا ترانيم والصابرة
انا بنتي ماتحب تمسك البارد والحار واذا مسكتهم تبجي بجي يعور قلبي
بسال اخصائي بنتي وارد لك خبر

 

[ترانيم العود]

اي ياليت تسألينه؟؟

واكون شاكرة لج

 

[مباركيه]

صبحكم الله بالخير ترانيم والصابرة 00انا من صغري ما احب الشي البارد وايد ولا الحار مع انا اللي فيني شلل أطفال وأعتقد على حسب كلام الدكاترة بالكتب هذا كله متصل باللآعصاب وخاصة هو الشلل واي مرض مثل الشلل والتوحد والداون كله متصل بالمخ وانا اللحين عمري فوق الآربعين ولي اللحين اخاف من الحار والبارد

 

[HearT ChocolaTe]

عزوزي نفس الشي يخاف بس ما يصيح .. وأنا أتوقع هذا شي طبيعي .. وبالعكس أنا فرحت
يوم حسيت أن أهو يعرف الملمس .. وعودته عليه لما إعتاد عليه ..
وما شاء الله على أختنا مباركيه ما قصرت بالإفادة

 

[فجرالعيد]

لو كانت حاله وحده بنفسرها إن الطفل مر بخبره سيئه فترسخت في مخه فصار يخاف من الشي البارد بس لصارت عامه يبيلها إستشاره من متخصص يمكن شي مرتبط بالأعصاب

 

[الصابرة المحتسبة]

عفية على خواتي وبارك الله فيكم
اي هذي الهقوة لاخلا ولاعدم إن شاء الله
ومباكية تسلمين على التوضيح

 

[مباركيه]

يا بعد قلبي كلكم لا شكر على واجب واحنا إن شاء الله خوات وربع تعاونوا ماذلوا

 

[ترانيم العود]

مشكورين حبايبي

واتوقع ان من الاعصاب

 

[نونا العتيبى]

خواتي عيل آنا بنيتي تخاف من الشمعه ,,يعني لو عندنا عيد ميلاد وشافت الشموع تموت من البجي وتخاف

كلش مو رومانسيه,,,وهم مره رحنا شوكليت بار وولعو الشمع حق الفوندو وماتت من البجي وطلعتها من المطعم,,

بس آنا أعتقد أنه شغله تتعلق فيها وطبيعتها ومن نقص الأكسجين اللي صار لها ,,لأني سألت الدكتور وما عطاني تفسير للشغله هذي

وهم أخصائي التخاطب ,,بس أبوها قاعد لها قعده عنده الولاعه بس يشبها ويخلي نوفه تشووفه وولعها كذا مره والله مابجت صامده

شكلي بأشب الشموع عندي بالبيت وأشوف ردة فعلها

 

[ترانيم العود]

الله يخليها لج يانونا

انا هم سألت الدكتور مارد علي

 

[HearT ChocolaTe]

خواتي عيل آنا بنيتي تخاف من الشمعه ,,يعني لو عندنا عيد ميلاد وشافت الشموع تموت من البجي وتخاف

كلش مو رومانسيه,,,وهم مره رحنا شوكليت بار وولعو الشمع حق الفوندو وماتت من البجي وطلعتها من المطعم,,

بس آنا أعتقد أنه شغله تتعلق فيها وطبيعتها ومن نقص الأكسجين اللي صار لها ,,لأني سألت الدكتور وما عطاني تفسير للشغله هذي

وهم أخصائي التخاطب ,,بس أبوها قاعد لها قعده عنده الولاعه بس يشبها ويخلي نوفه تشووفه وولعها كذا مره والله مابجت صامده

شكلي بأشب الشموع عندي بالبيت وأشوف ردة فعلها

يا حياتي والله نوفا .. فديتها أنا
والدكتور ما راح يعطيج تفسير إلى آلالاف السنين .. لأن هذي الحالات صعب الجزم فيها
ومن شخص للثاني تختلف ما تقدرين تبندينها تحت مواصفات مثل التوحد والداون
الشلل الدماغي مختلفه حالاته إختلاف كلي حاله بين حاله و الثانيه

 

[نونا العتيبى]

صاجه أم عزووز ,,
الله يشافي عيالنا وعيال المسلمين
اللهم آآآآآميييييييييييييين

 

[الصابرة المحتسبة]

للنقاش