بنتي تعبانه **ساعدوني

[الحان الحزن]

بنتي عمرها سنه وثلاث شهور ----من يوم ولدت وصدرها تعبان كله بلغم والكحه اذبحتها صدرها حده تعبان ---كل الدكاتره جربتهم بالكويت---مسكينه ذبحها الكرتزون للحين مامشت والسبه الكرتزون اللي اتعرف تكسب فينا اجر تكفون--- لو بره الكويت مومشكله

 

[مزيونه وشقره]

يابعد قلبي والله ماتشوف شر يالغاليه والله لو اعرف جان فدتج بس اذكر وحده مثل حالتج عالجت بنتها في لندن وردت وتقول انها احسن​

 

[عسولة الكويت]

حرام تعودينها على الكورتيزون
جربي تشربينها نعناع وسكر نبات 3 مرات وحطي بمطارة الماي مالتها حلبه نجدية وسويها مع الحليب وان شاء الله تدعين لي وماتحتاجين تودينها بره ..

وماتشوف شر حياتي

 

[بعيون مغليك]

لا حول ولا قوة الا بالله

رحتي دكتور فهد المخيزيم عياده خاصة أظن في الجابريه دقي على البداله واخذي رقمهم
والله يشااافيها يا رب

 

[الحان الحزن]

مشكورين يابنات ماقصرتوا الله يبعدكم عن كل شر انتوا واخوانا المسلمين امين

 

[سليلة المجد]

ترى لمخيزيم زين ... وعطيها مع الاكل حبة وحدة سودة مرة باليوم يوخر البلغم" عاد عد الايام مادري"ا .... وزيت زيتون حطي فية حبة سودة ودفية عنار شوي ودهنى بنتج باليل ولحفيها زين بعدين التكيف طفية ...

الله الشافي... والله اعلم

 

[سليلة المجد]

صح الحلبة لليهال زيييييينة يرضعونهم .....
+ اخذي تمر طلعي النواة + حطية ييبادية وصبي علية ماي حار وهرسية بقفشة بشوكة كيفج بعدين اشخلية بس الماي تاخذينة وترضعينة بنتج مفيد ومقوي لها يرقعا شوي من الكرتزون الي لعب فيها " هذي الوصفة اذا كان فيها كحة لا تعطينها لانة تمر حلو اخاف يشرقها" وهلوصفة مقوية بس مادري اذا لها دخل بمرض بنتج​

 

[سليلة المجد]

صح الحلبة لليهال زيييييينة يرضعونهم .....
+ اخذي تمر طلعي النواة + حطية ييبادية وصبي علية ماي حار وهرسية بقفشة بشوكة كيفج بعدين اشخلية بس الماي تاخذينة وترضعينة بنتج مفيد ومقوي لها يرقعا شوي من الكرتزون الي لعب فيها " هذي الوصفة اذا كان فيها كحة لا تعطينها لانة تمر حلو اخاف يشرقها" وهلوصفة مقوية بس مادري اذا لها دخل بمرض بنتج​

:eh_s(8):

 

[الغاليه نونو]

الله يشفيها ويشكف ضرها يارب

والله يمدحون الدكتوره سعاد البصير مالت اليهال بس ماعرف رقمها تقدرين تاخذينه من البداله

وانصحج تودينها مركز العلاج بالطب الاسلامي يمدحونه والله المشافي المعافي

 

[omneyaty]

الله يشفيها لج دايم عطيها الاعشاب

وفي دكتور متخصص بالصدر للربو د خداده بالشعب البحري يم فليكس


والبلغم ما ينوصف له كورتيزون لا تطاوعين الدكاتره

 

[الحان الحزن]

مشكورين يمال العافيه نونو وين صاير الطب الاسلامي وسعاد جربتها ماكو فايده والحمدلله على ماجا منه

 

[شهدQ]

الدكتور محمد سعيد عجييب للصدر الاطفال بس علاجه قوي ومكلف

 

[بوران]

حبيبتي تبين نصيحتي روحي حق الدكتورة سيلفيا شحيبر هذي تخصصها

حساسية الصدر اتحسين هالدكتورة فاهمة عدل اهي عراقية جنه بس ماخذة

جنسية بريطانية و مو مثل اطبة الحكومة

كنت اقولها انه عطو ولدي تحميلة حق ولدي ,تقول شكو التحميلة بالصدر هذي

حق الجهاز الهضمي مالها شغل بالجهاز التنفسي, وتقول الكمام اللي يعطونا

اليهال بالمستشفيات الحكومية هذي خطرة لانه ببريطانيا مانعينها ما يعطونها

الا حق الرياضيين و هني يعطونها حق الاطفال.

حبيبتي نصيحة روحي شوفي شتقولج ما على بنتج الا العافية انشاء الله

 

[منوله كويتيه]

ولد خالي طبيب في القوات المسلحه بمصر وعنده دكتوراه بتخصصه اللي هو امراض الصدر ومو عشان ولد خالي لكنه فعلا نابغه اذا تقدرين تسافريله مصر راسليني عالخاص واعطيج رقمه واوصيه عليج وانشالله الله يشافيها لج وتقر عيونج فيها

 

[.]

ماا تشوف شر ان شاءالله..

 

[قلب امي]

السلام عليكم والله يشفي بنتك ان شاء الله انتي جربي طريقتي وماراح تندمين بذن الله بس خلي عنك الكرديزون هاذا خطر ويظر اكثر ماينفع بس جربي طريقتي انا مجربتها مع بنتي يوم كان عمرها سنتين بسم الله الرحمن الرحيم اول شي جيبي نصف ليمونه وحرقيها على النار حتى تكون سوداء ثم خليها تبرد شوي ثم اعصريها في فنجال حق القهوة وضعي عليها ذرة كمون وشربيها وبذن الله بتشوفين البلغم يطلع عن طريق الترجيع او مع برازها ---عزك الله واذا ما عرفتي ارسلك رقمي على الخاص وعلميني اذا سويتيها

 

[Raveena]

الله يشفيها

 

[$$مذهلة$$]

انا ولدي كان جذي يوم يبته الحين اسم الله عليه ريال وكنت اراجع عند سعاد البصيري والحين الحمدلله مايتعب نفس قبل 24ساعه خف وايد