بنتي حيل تعبانه من...... ساعدوني

[conan-89]

السلام عليكم بنتي أذتني مع صدرها ما في طبيب ما وديتها بس مافي فايدة و تخيلو كل واحد يعطيني مضاد حيوي غير تأذت المسكينه عمرها سنة وشهر ساعدوني و الله يجزاكم خير حتى أعشاب عطيتها مافي فايدة مو قادرة تتنفس عدل من صدرها و خشمها مسكر و ما تنام عدل شسوي؟

 

[الرها]

الله يعينج ياااربي
انا اتذكر ان امي كانت تعطي بنتي
منقوع المره وعلك اللبان

وكانت تخف ولله الحمد

 

["GloRia"]

الله يشافيها يارب ,, والله حبيبتي انا مرت حماي راحت حق الدكتور بندر المطيري وايد زين حق بنتها وعرف الي فيها علي طول وعطاها علاج وعقبها تشافت والي يشوفها جنه جذابه تخصصه جهاز التنفسي عيادته بالجهرا علي خبري عيادته جنه جدام مركز سلطان

 

[حكستار]

جربي عسل وزيت زيتون...تشربه...وتستفرغ بعدها (تكرمين) بس ترتاح
مره سويته لبنتي واستفرغت جنه نافورة من قوته...وبعدين نامت وارتاحت.
او تجربين شوية ثوم مدقوق مع عسل الصبح...هذا مرجبته علي ثلاث ايام ويروح

 

[نو-من؟]

مرحبا بنتج توها على العسل لما يسيرعمرها سنتين اوكي عطيها اياه وديها عند دكتور عبدالله العويد بالمنقف ممتاز وشاطر بس ها لازم اتابعينها عنده حتى لو جم شهر بتملين بس عشانها ولو طمنج في بالحواج شي اسمه خولنجان فوحيه وشربيه بنتج مرتين بس نص استكانه مع مره فتره انشاءالله وتلاحضين حتى علاج المستوصف ناسب بنتج....وماتشوف شر

 

[ام غلا اخت سعود]

رد : بنتي حيل تعبانه من...... ساعدوني

انا بقوولج من تجربتي مع ولدي الله يخلليه

ان شاءالله تروحين لاكبر دكتووور بالكويت
اهم شي بالموضوع تمشين على الكمام كورس كاامل

طبعاً على كلام الدكتور الكميه والمده
مثال ...
احط الفنتولين 5 ملم والمحلول 4 ....<<لاتمشين على كلاااامي استشيري الدكتور بالاول .......

كنت اعطيه كل 4 ساعات لمده يومين
وبعدين كل 6ساعات لمده 3 ايام
وبعدين كل 8 ساعات لمده 4ايام
وبعدين كل 12 ساعه لمده يومين .....
واغلب من دكتور قالولي هالطريقه فاصرت على طول من يتعب صدره اسويله هالطريقه مايحتااج اوديه الطبيب

والحمدلله مع الاستمرار يتحسن ويصير صدره زين بس مع تغير الجو صار يردله

والحين عمره سنتين وصاار يطوول على ما يتعب صدره ولله الحمد والشكر .....

وبس

 

[conan-89]

رد : بنتي حيل تعبانه من...... ساعدوني

مشكورين ما قصرتو حبايبي الله يعطيكم العافية

 

[غيمه ظميانه]

اذا صدرها جذي من زمان

تحتاااااج وقائي كمام أسمه بالمكورت

بس لازم تراجعين لها عن دكتور

انا جذي كنت اتراجع مليون دكتور خااص وماكو فايده

الله يسلم الحكومه روحي مستشفى مبااارك حيل شاطرين بالصدر وعندج الاستشارين دكتوره مصريه ما ادري شسمها

ودكتور اسمه فيصل الخفش ميه ميه فااااهم حده حطيلها موعد وخليها يفحص عليها والله نصيحه وبترتاح عقبها انشاالله لا صوت لا بلغم

واي سؤال انا حاضره

خبره بالصدر والتنك

 

[رgggان]

انا بناتي ثنتينهم جذي تعبت حيل
السدر يتعالج بس الخشم كلش يسكر
واالله بنتي من انولدت جذي سدرها مسكر مره وحده يالله تنفس وكل داشه المستشفى معاها عالدرب 5 ايام ماكو فايده جربت كل الدكاتره كمام ذبحوها وخاصه بندر ذبحها كمام
واخر شاي رحت طارق قطب اللي بالهادي عطاني ادويه ودوا حق النشله وبخاخ وعلمني طريقته له طريقه خاصه وقالي عندها حساسيه من الحليب غيرت حليبها 26 مال الحساسيه عليه رسمة سمجه والحمدلله