بنتي صاير لونها اخضر !!!!انقذوني

[مشتطة وبس]

بنتي وايد مسمرررررررررررررررررررررررة كانها عنتر صايرة ((((((( شي مو طبيعي مع انها حلوة بس خذت لون من الشاليه وموراضي يروح مادري شنو الحل كلمت كذا تاجرة جزاهم الله خير مارضو يعطوني يقولون حرام صغيرة
والمشكلة لما داومت يعيبون عليها ربعها وكاسرة خاطري
بس جربت زيت الليمون وزيت اللوز المر زيد اللون وااايد طلع ان يثبت اللون اذا كان تان وجربت الروب مرة عليخا ما ترضى لان اختها تضحك على شكلها تعبت والله !!!!!!!!!!!

 

[OM BARAK]

سويلها هالخلطه
خياره + ربع كوب ليمون معصور + 5 ملعقه صغيره عسل + 5 ملعقه صغيره حليب
بالخلاط كلهم و سويه ماسك حق ويها و ايدها و ريولها تقعد ربع ساعه و بعدين دخليها الحمام​

سويلها حمام بخار زهبيه

بطلي الماي الحار و خليه و عقب دخليها فركيها بصابونة البابايا المقطعه تلاقينها بالحواي وايد تفتح و مامنها ضرر و خلج جذي كل يوم و بتفتح انشالله
بس حرصيها بالمدرسه لا تقعد بالشمس كلش​

 

[ام عبد العزيز م]

انشالله اكون فتج على الخاص

 

[مألوفة]

حبيبتي الحمام المغربي الحل خليهم يفركونها عدل مدل ويحطون لها سنفرة وخلطات تطلع اتلق لق

 

[رووح ابووها]

بيروح من نفسه هالون نصيحه لاتحطين لها شي وتخرب بشرتها

 

[(حكاية قلب )]

ياقلبي عليها
هاي الخلطة بعد وايد زينة وتبيض
خذي دقيق الشوفات (يعني شوفان كويكر مطحون )ملعقة صغيره &عصرة نص ليمونة &حليب نيدو&ماي ورد&نشاء الذره شوي &طحين ملعقة وحده كبير &شوية حليب عادي

وخلطيهم وحطيهم عليها لحد ما يجف وقشريه لها بدون لا تغسلينه بالماي هو بنفسة بيتقشر واااايد حلوووه هالخلطة
وفي المدرسة حطي لها واقي شمس
​

 

[AthbA]

حطي لها سودو كريم بالصيدلية تحصلينه اهوا كريم لمنطقة الحفاظات حق الاطفال وعن الحروق الشمسية انه مجربته عجيب لاتحاتين شئ طبي وللأطفال

 

[مزيونه وشقره]

اي كريم سودو حلو دهنيها فيه عق بالسبوح خليها تتنقع بالحوض وتسبح فيه بالحمام وحطي فيه رغوه صابون اطفال جونسون وتتفرك بليفه على الخفيف

 

[مشتطة وبس]

بعد عمري ماقصرتو

 

[غيمه ظميانه]

حطي سودو كريم وميبو مال الحروووق وحطي الفاكورت شويه على خديداتها اذا كانت متحسسه واحمرار يخفف
وعقب سبحيها ورشي عليها ماي ورد

ابتعدي عن الزيووووت تسمر زياده

حطي لها مرطبات طبيه مال لويس ودمر حلو وتشربه البشره

شربيها عصيير وكثري ماااااااااااي عشان تتجدد البشره

وعادي سهالات الناس تسوي تان وهي صبغت بسرعه من قدها بعد هههههههههههههههههههههههههه

 

[أم*سلمان]

آب لعيونج ان شاء الله البنات ما يقصرون

سبحان الله و بحمده سبحان الله العظيم ..

 

[ديمــــــــــه]

ياروحي انا

الله يرجع بشرتها احسن من اول يارب

البنات ماقصروا وان شاء الله ينفع اللي قالوه لك

طمنينا عليها

 

[$حبيبة عبودي$]

حيااااتي انتي اللي كلمتيني ..
لاتخافين ان شاء الله يروح السمار شوي شوي لاتحاتين قلبو
زرعي الثقه عندها قولي السسمار احلا ولونج برونز ومن هالكلام الله يخليها لج قلبو

 

[Kirsten storms]

حـبيبتي كل يوم افركي جسمها بليموون يهبل وررطبي جسمها كل يوم

وأنشالله يروح

وديري بالج الحمام المغربي يمكن ماتتحمل لانها صغيرره اخاف تختنق منه

​

 

[pink ink]

لاتسوي لها شي خليها كم يوم وبيروح السمار من نفسه بشوية عناية منك تحاولي تبعديها عن الشمس قدر الامكان وحطي لها كريم حماية من الشمس كل يوم وهي رايحة المدرسة
مع احترامي لآراء البنات كلهم الله يجزاهم خير
بس انتبهي من الحمام المغربي في هذي الفترة لان بشرتها تعبانة وتقشيرها بالصابون المغربي راح يغمق البشرة الجديدة اللي بتطلع بعد مايروح الجلد المسمر
السدر احسن شي تستخدميه لها حاولي تقنعيها فيه تتحمله ويتغسل بسرعة منتي محتاجة تخليه على جسمها وقت طويل تتذمر منه وتتضايق .. مجرد خمس دقايق بس ويتغسل
خليه عندك في الحمام كل مرة تتحمم اغسلي جسمها بالسدر بعد الشور جل
وممكن تخلطيه مع حليب بودرة ومويه دافية سوي كمية تغطي جسمها كله
هذي الخلطة حلوة لحروق الشمس وتشيل الجلد المحروق بسرعة خلال ايام
وبعد الحمام ادهني جسمها كله بكريم فازلين المرطب بفيتامين e , a اللي لون علبته اصفر فاتح يعطي ترطيب عميق ويبرد الجلد
بتلاحظي جسمها يتقشر خلال الايام الجاية خصوصا منطقة الاكتاف والرقبة والفخذ
لاتقلقي عادي لازم يصير كذا عشان يطلع الجلد الجديد من تحته حلو وصحي بلونه الطبيعي
وبعد كذا اذا بتروحوا الشاليه اهتمي بموضوع كريم الحماية من الشمس
الف سلامة حبيبتي ربي يطمن قلبك عليها

 

[فدوه لعيونك]

ياقلبي توها صغيره على الخلطات
هذي صبغه وبتروح مع الوقت..الله يخليها لك
حبيت ادخل وارفع موضوعك
تحياتي

 

[ماحب اتدلع]

حرام لاتلعبين فيها حطي لها فازلين بس وقت النوم خلها تنام فية وبس تصحى تغسلة يوميا وتصير احلى من اختها الي تتمسخر عليها

 

[**ام حمد**]

اب اب اب