بنتي عمرها تسع سنوات ونص صار فيها ابو وجه ودي اصيح بس ماسكه نفسي استغفر الله

[اريام22]

السلام عليكم ورحمه الله وبركاته

واللي يعافيكم ساعدوني بإذن الله بنتي عمرها 9 سنوات ونص

فجأه والحمد لله على كل حال صار فيها ابو وجهه وما ادري شنو الحل ؟؟

والحريم كل وحده تقول رايها بالعلاج 

وانا محتاره ما ادري شنو اسوي صار لها اسبوع عينها الشمال ماتسكر واذا ضحكت يميل حلجها لليمين

وانا متضايقه وما ادري وين اروح اخاف يصير فيها اثر رحت لوحده انصحوني فيها واللي تسويه ادلك وجهها وقالت لي

اغطي عينها اللي ماتسكر واحط كمادات حاره عالخد الشمال واحس مافي تقدم 

ومارحت للطبيب لانها قالت لي لاتروحين خلج عندي وباذن الله تتحسن بنتج 

تكفون اللي تعرف اي شي ينفع بنتي لاتبخل علي بالنصيحه وان شاء الله إني مو جازعه من اللي كاتبه الله لبنتي

والحمد لله على كل حال :eh_s(2):


:yaaaaaarb: وراح ادعي بالشهر الفضيل لكل اخت ريحتني قدمتلي النصيحه واللي ماتعرف تكفين بس اب اب

 

[اريام22]

ليش بنات تقرون وتطلعون 

 

[ام عمر ومريم]

حبيبتى

لا تضيعين وقت على طووووووووول على الطبيب

هذا مرض اسمه العصب السابع يبله وقت طويل على ما ينعالج ... قومى الحين روحى اى مستشفى

حراام لا تسكتين على البنت ولا تسمعى خرابيط الحريم لازم ينعالج عدل مدل وإلا ما راح يصير زين

 

[اريام22]

مدري والله قلبي يعورني يعني اروح للطبيب شنو يعطيها


بنات لاتدخلون وتطلعون ارجوووووكم ليش جذي ماهقيتها من كويتيات

والله لو اني داخله منتدا ثاني الكل راح يرد يعني الحين مايهم الا الكشخه بالمنتدئ

استغفر الله لاتواخذوني قاعده اكتب واحس انه نار تحتي الله المستعان ياربي *

 

[الأميرة جوري]

خليها تاكل علج الماي عند العطارين علي طووووووووووووول وتدليك بالمستشفي ...وديري بالج عليها من المكيف...والله يشافيها يارب

 

[جــــود]

بنت عمي بالسعوديه وصار فيها ابوجه وراحت مستوصف خاص ماراحت حريم
وعطوها ابر وايد اطقها كل يوم وهم يدلكونها كل يوم بأله

لازم لازم تودينها الطبيب

وعسى الله يشافيها يارب

 

[مـنـو قـدي]

الله يشفيها ان شاء الله
خلها تاكل علج و دربالج من الهوا البارد ترا مو زين لها ..
و ديها للمستشفى للتدليك و هم ترا اليتات مو زينه لها
​

 

[رتبه دبلوماسيه]

انا ققبل بنتي صار فيها والطبيب حط لها كمادات ماي حارة وسوالها تدليك

 

[اريام22]

اي طبيب اوديها يعني عادي اي المستشفى والا مستشفى معين

 

[الأميرة جوري]

اهم يحولونج علي العلاج الطبيعي اعتقد..ولاحد يخزها سبحان الله يلف ويها اكثر

 

[الدلال]

لازم الطبيب علشان يشوف درجته اذا قوي ولا خفيف
واللي اعرفه ان اذا كان قوي يعطونها ابر كوريتزون بالبدايه
ولا تحاتين ان شالله ماكو الا العافيه

 

[غامضه**]

لازم تروحين الطبيب بسسسسسسسسرعه لان اذا اهملتي يترك اثر


خليها تاكل علج على طوووول


و لا يحوشها الهوا البارد​

 

[star warld]

عسئ الله يشافيها لتج
اش ناطره الله يهديج روحي الطبيي
بس اهم شي بعديها عن المكيف واقري عليها

 

[فديت عيوني]

ياحياتي

خليهااا تعلج ع طووول ع الصوب المصاب

ولا تقرب من التكييف كلللللش

ادهنيهااا بزيت زيتوون دافي حاولي تمسحين ع الخفيف

ربطي راسهااا وغطي اذونهااا عشان ما يحوشهااا هواا

لل تخلينها تتسبح كلش راسها لايحوشهاااا ماي

روحي المستوصف خل يعطوووج ابر فيتامينات

وقطرات عيوون لان عينهااا راح تجف

وروحي علاج طبيعي وبنفس الرقت لحرين يعالجوووون

ولي طلعت ظروري تغطووون وجهها

ولا تخرعونهااا حسنووو نفسيتهااا

 

[MISS JOJ0]

حبيبتي الله يعافيك
على طول وديها المستشفى اللحين لا تنتظريت ترى كل ماتاخرتي علاجها يطول
لان بنت عمي صار لها نفس الشي وسسو لها تدليك وبعد كم يوم رجعت طبيعي بس هي راحت على طول
عسى الله يشافيها

 

[الحالمه]

حبيبتى

لا تضيعين وقت على طووووووووول على الطبيب

هذا مرض اسمه العصب السابع يبله وقت طويل على ما ينعالج ... قومى الحين روحى اى مستشفى

حراام لا تسكتين على البنت ولا تسمعى خرابيط الحريم لازم ينعالج عدل مدل وإلا ما راح يصير زين

نفس الراي
اخوي جاه قبل 5 او 6 سنين وللحين فيه اثر لانه ماراح الطبيب

وزوج اختي ماشاء الله راح الطبيب وتدليك وابر والحين مافيه شي:eh_s(15):

 

[@همس المطر@]

لازم لازم تودينها الطبيب

وعسى الله يشافيها يارب

 

[anjood]

السلام عليكم ورحمة الله وبركاته اختي لا تخافين ما في الا العافيه انا من شهر كان فيني بووجه وبفضل الله وحده والقرآن ثم الطبيب راح ولا كن جاني بوجه ولله الحمد والمنه فنصيحتي لج روحي الطبيب وأقري على بنتج وأن شاء الله تشفى بسرعه لأني ما بديت أتحسن الابالقرآن والله يعجل بشفاها*

 

[ii DareeN ii]

ماتشوف شر بس مادري شلون صبرتي ولا وديتيها طبيب مو كل مرض علاجه شعبي

 

[sosa2004]

حبيبيتي روحي المستوصف اهو راح يعطييج تحويل على حسب انتي وين ساكنه
ممكن الدكتور يعطي مضادات التهاب ويعطيها تحويل حق العلاج الطبيعي