بنتي عمرها شهر وخدودها خششنه وحمرا فجاه

[فديتني اهبل]

مثل ماهو واضح بنتي تكسر الخاطر خدودها حمر وخشنه وحبوب تحت الجلد صارلها اسبوع ع هالحال


شنو الحل

 

[GaLbI t7aWaL]

والله انا بنتي من اول ما ولدتها جذي

بس الحمدلله من عقب الاربعين ردت طبييعه

 

[noo7a]

انا امي تقول لا تبوسون الياهل على خدوده
عشان لاتحمر و تطلع فيها حبوب

بس عاد منو يسمع هالحجي

 

[ريميه حلوه]

عادي حبيبتي تروح بنتك لسا صغيره الله يخليها لك اصبري عليها وابعدي عنها الكريمات المعطره حتى الشامبو لاتغسلين وجهها فيه يكفي ماي ودهنيها بفازلين مو المعطر بعد لا العادي

 

[فلافل وبطاط]

البيبي طبيعي يصير هالشي .. والوالده دايم تقول لا اتبوسون
الياهل ...

حطي شوي من حليب صدرج على قطنه ومسحي ويهها ورطبيه
بزيت الزيتون افضل شي للبيبي ...

 

[دلع86]

عاااااادي انا بعيالي الاثنين صار جذي بس اشتري كريم مرطب من الصيدليه ماركه qv وااااايد زييين لان حرام ناشف يحكها

 

[زنوبة الحلوة]

عادي حبيبتي اليهال جلدهم حساس كل شي يأثر ففيهم

واذا انتي تستخدمين الجونسون لها قطعيه نهائيا لان في عطر قوي
انا ولدي مايقدر عليه هالجونسون اسم الله عليه صار عمره سنتين وشهرين وليم الحين ما يقدر عليه وعلى طول وصفاته من الجلديه

شوفي سيباميد وايد حلو وخفيف عالياهل ( سيباميد مال الاطفال )
او انج تستشيرين الطبيب احسن بعد واضمن لج لان من ياهل لي ياهل يفرق

 

[طيبة83]

هاذي حساسية اكزيميا

لازم ما تخلين البيبي في الحر
وتغسلين ملابسها بصابون مخصص لملابس الاطفال

وابتعدي عن الصابون والكرينات المعطرة

مسحي وييها بقطنه وحطي كريم qv

واذا كنتي ترضعينها لا تاكلين حوامض

 

[Mednight Rain]

الحبوب الحمرا من البوس او من الحر مكثرة ملابسها
وحطي فازلين ع خدودها

 

[Om_Ksha]

انا جذي ابنتي !!

فجاه يروحوون فجأه يردو اكثر من قبل !! مادري شحط !!

جربت شوي سودو كريم جنه راحو !!

 

[بنت شتره]

كريم الفاكورت

وحده بوحده

بس ترا فيه كرتزون