بنتي عمرها 17 وطولها 140سم

[روزحياتي]

مشكلتي في بنتي عمرها 17 سنه وطولها 140 سم يعني قصيره بالمره واكثر شي يضايقني زميلاتها بالمدرسه يعلقون على قصرها حتى بالمجمعات الشباب يقطون عليها كلام وهي ياعمري تتضايق فالي تعرف دكتور بالهرمونات ممكن يساعدنا في حل هالمشكله تساعدني ولها دعوه في ظهر الغيب

 

[Coffee-Girl]

الله يحل مشكلتها

اب

 

[غير كل الناس]

الدكتور الانصاري

 

[*ماي الورد*]

رد : بنتي عمرها 17 وطولها 140سم

يمكن تحتاج ابر نمو الحكومي هم زين

 

[caraml macciato]

رد : بنتي عمرها 17 وطولها 140سم

بس المفروض انج تنتبهين حق الطوول بسن اصغر...انا سامعة عن ابر الهرمونات ...روحي الانصاري يمكن يفيدكم...وفيه بعد تمارين اتساعد على الطوول....

 

[ام وهابي]

رد : بنتي عمرها 17 وطولها 140سم

حسب معلوماتي اذا بنتج بالغه ما راح تفيدها ابر الهرمونات لانها خالاص وصل النمو عندها لمرحلته الاخيره
المفروض منتبها لها من عمر ابكر يعني من عمر عشر سنين تقريبا وتقارنينها من البنا ت اللي تقريبا بعمرها روححي المستوصف واطلبي تحويل لعيادة الهرمونات بالمستشفي وراح يسولها تحاليل ويقررون شنو ممكن يقدرون يسوونه حق بنتج لان عمرها متاخر على المتابعه للطبيب
والله يطمنج عليها

 

[الأميرة جوري]

رد : بنتي عمرها 17 وطولها 140سم

عطيها حليب السعوديه اللي ابيض بازرق يمدحونه لطوووووووووول هذي صورته

 

[فتاة.]

في ابر للطول
وحده من صديقاتي اكانت تاخذه وهي بالمتوسط ووقفت علشان العمر زاد طولها تقريبا 5سم
بس له عمر محدد
روحي للدكاتره بسرعه قبل لاتكبر ويوقف طولها

 

[روزحياتي]

رد : بنتي عمرها 17 وطولها 140سم

الله يجزاكم خير

 

[شيخة الحلوة]

روحي وديها دكتور هرمونات

وان شا الله يفيدها يارب

 

[جوري الكويت]

رد : بنتي عمرها 17 وطولها 140سم

اخذي لها تحويل لمستشفى الصباح

عندهم قسم لمتابعه النمو

 

[>>روضـة الحسـن<<]

بنات منو دكتور الانصاري ماعرفه؟
شسمه ووين عيادته

 

[>>روضـة الحسـن<<]

ليش ماحد رد منو هذا الانصاري شسمه ؟؟؟ ووين عيادته

 

[قلب حاااااااار]

على ما اعتقد الانصاري عنده مجمع طبي على الدائري الرابع وتخصص هرمونات وغدد صماء

 

[حلوه العسل]

الدكتور الانصاري يكون على الدائري الرابع
وانتي بطيج فحيحيل لمن يكون الهادي على يسارج اول ما اطوفين الهادي
رااح اييلج الدائري الرابع على اليمين صعديه وخلج يمين
بس تطلعين على الشارع الثاني اول لفه يمين على طول عنده مجمع كامل اسمه مجمع الانصاري
وفي يمه بعد مصور معرفي مال الياهال اذا اتعرفينه

 

[لومية]

يمكن يكون وراثة

 

[لموشيي]

انا بنتي عمرها 13 وطولها 135 سم ونحيفة مرره وزنها 27 كيلو

و شريت لها بدياشور و انشور وكل صباح سنيكرز مع حليب وتمر وحليب

والحين طولت و سمنت

طولها الحين 140

وزنها الحين 35