بنتي فيها كحه قويه

[قمر الليالي]

السلام عليكم:68_asmilies-com:
وعيدكم مبارك:tek:

عفيه بنات ساعوني بنتي فيها كحه قويه ماتنام الليل وخذيتها الهادي الفجر عطاها كمام اسويه بالبيت بس مره عادي ومره كورتيزون ومضاد حيوي وشراب بالليل وبخاخ للانف ودواء حراره لان حرارتها مرتفعه

بس اللي مضايقني ماتقدر تتكلم من الكحه المتواصله ورا بعض وابي الحل يهدئ الكحه يخليها تفج شويه تتكلم احس ان بلعومها ناشف

عفيه ردوا علي وابي شغلات او اعشاب تقدر تشربها طفله بعمر 3سنوات

 

[NoWay2know]

ماي النخي وايد زين
ماتشوفون شر

 

[أمواج البحر]

شوفي انا لما عيالي صار فيهم كحه والله لو تسمعينهم تقولين شاايب يكح

والله على الله وعلى الفكس 3 ايام و ورا بعض احط على صدرهم و على ظهرهم

ادفيهم و ينامون

والله عقبها واايد خفت الكحه

وماتشووف شر بنتج

 

[حمام شاقني فنه]

تبين المضمون وبعد اسبوع بنيتج تركض مافيها الا العافيه



اخذي ورق الجوافه من الحواج اغليهم وشربيها اياه ثلاث مرااات
هذا دوها ومن الله شفااها باذنه

وسلميلي عليها يالغلا

 

[غرشة عطر]

ياقلبي ذكرتيني بولدي قبل والحين الحمدلله علي اللهثم محمد سعيد روحي له انا ولدي كان مدوخني السبع دوخات

صدقيني بيعرف شفيها بيشخصها صح وبيعطيها اعلاج تبين ترتاحين واهي ترتاح وديها حقه وقولي غرشة عطر ماقالت وماتشوف شر ياقلبي وطمنينا عليها

 

[غرشة عطر]

تبين المضمون وبعد اسبوع بنيتج تركض مافيها الا العافيه



اخذي ورق الجوافه من الحواج اغليهم وشربيها اياه ثلاث مرااات
هذا دوها ومن الله شفااها باذنه

وسلميلي عليها يالغلا

حمام تدرين سويتها لولدي شاااااااااااااااف الموت ماناسبته الجوافه مات من الكحه وزادت عليه حيلللللللللل مع اني مومكثره شي بسيط حتي الدكتور يقول لي انتي شنو معطيته

في جهال يناسبهم وفي جهال مايناسبهم علي حسب تسلمين عالفايده فديتج وتقبلي مروري بصدر رحب :tek:

 

[حمام شاقني فنه]

هلا فيج
ولله ياختج مدري بس هذي معروفه كل عايلتنا يشربونهاا ويتشافون

سبحان الله

اجل انا اقول تودرن بنيتج للطبيب الخاص الراشد زين وان شالله يفيده عشان لا تتعب بنيتج يمكن مثل اخت غرشه عطر يكون فيها حساسيه من اوراق الجوافه

 

[<< أزيان >>]

ماتشوف شر بنيتك والله انا اشوف ادويتها زينه وماكو شي اقوى من الكمام وخاصه مع الكرتزون والمضاد حرام تلعبين فيها استمري الادويه عالاقل تاخذ من ثلاث لي خمس ايام على مايبين مفعولها وانا استخدم فكس خاص بالاطفال امسح تحت خشمها صوب فتحات التنفس ترتاح خاصه واهي نايمه

 

[زري منثور]

حبيبتي الله يشافي بنتك ان شاء الله

امي دايم تسوي هالشراب لنا

جيبي لبان من الحواج (العلك) ونقعيه بماي يوم او نص يوم وبعدين خليها تشربه

والله كلنا الحمدالله نشربه على طول نطيب ومامنه ضرر ان شاء الله

ياربي تشافيها

 

[ReeMaN]

السلام ... ماتشوف شر بنيتج بس والله صاجبه زري منثور نقعي اللبان بالماي ست اربع ساعات وشربيها انشالله ماكو الا العافيه وعندج طريقه ثانيه بس هذي اذا بنتج ياهل يبيلج تقصبينها عليه واهو تاخذين قلاص بشري زنجبيل فريش وصبي فوقه ماي مغلي وعصري عليه نص ليمونه وقفجه عسل ونطري يبرد وشربيها ثلاث مرات باليوم وشوفي انشالله مافيها الا العافيه

 

[مهناز]

ماتشوف شر بعد قلبي الله يشفيها

عطيها ماي نخي

 

[قَلبيْ صُويبكْ !]

،

مآتشوف شر أن شآء لله
وأن شآء لله آلبنآت يفيدونج

 

[layalee]

للعلم انا اسويها مع كل اعيالي والله يخلي الوالده معلمتني اياها فوحي حلبه وكمون وحليها بسكر نبات وكوبين باليوم
وفي عندج الشمندر الابيض الي يحطونه بالمخلل هذا مفعوله عجيب للكحه والبلغم فوحي وخل تاكله واذا ماحبت طعمه مثل اعيالي انا اطحنه واخليه مع الشوربه

 

[فرح العجرف]

حبيبتي انا جربت المره وبقي ولدي يموت منهااااا وطبعاا زفني الدكتور زف لانه بقي يختنق منهاااا

وقالولي عن العلك المر وماجربته لانه توبه....والزنجبيل حار ومايناسب الجهال عن تجربه طبعااااا

فالاحل حصلته بالبابونج احطه بمطارة الماي الحار واسوي له حليب عادي ولما كبر صرت اسويله بابانج بروحه ويشربه والحمدلله خفت حيل عنه...

والله يشفيه ان شاء الله@@

 

[صبر ايوب]

رد : بنتي فيها كحه قويه

الله يشافي بنيتج انا الحين قاعده امر بنفس معاناتج استخدمت كل اللي اذكروه الخوات بس ما فادني غير العسل الطبيعي

 

[الباحثات عن الجمال]

أسال الله العظيم رب العرش العظيم أن يشفيها.
أسال الله العظيم رب العرش العظيم أن يشفيها.
أسال الله العظيم رب العرش العظيم أن يشفيها.
أسال الله العظيم رب العرش العظيم أن يشفيها.
أسال الله العظيم رب العرش العظيم أن يشفيها.
أسال الله العظيم رب العرش العظيم أن يشفيها.
أسال الله العظيم رب العرش العظيم أن يشفيها.
شوفي يا حبوبه خليكي مع الكام وأعتقد كل الاطفل الايام دي كده ودهن الصدر بزيت السمسم قبل النوم مع التدليك لمدة ربع ساعة وبالعافية.

 

[الله يخليني]

رد : بنتي فيها كحه قويه

ورق الجوافة ولسان الثور مفيد فوحيه وشربيها أو شربيها عصير الجوافة ..
أو عسل مع قفشة رشاد وعطيها أياه راح يقطع الكحة لمدة 4 ساعات ..

 

[سمر بنت الكرخي]

رد : بنتي فيها كحه قويه

انصحج بالبمبر والعناب تفوحينهم موجود عند الحواي وانشاالله ماتشوف شر