بنتي قلقة ولا تنام طول الليل ساعدوني

[omtefel]

خواتي ممن تساعدوني
ولدت من فترة قصيرة وولدي عمره شهرين
وينتي اللي أكبر منه ما تنام أبدا تظل صاحية تبكي طوال الليل عمرها سنتين وما أدري شسوي... ما هو الحل؟

 

[وضوح الشمس]

حبيبتي لاتمسكين البيبي الصغير وايد جدامها امكن تغار منة ولاتخلينها تنام بالنهار يعني صحيها بدري وخليهاتلعب ولاتنام الا اخر اليل وبعدين د هنيها بزيت مقري فية واذا ماعندك انتي توضي واقري فية واقري عليها المعوذات وسورة الكرسي وخليها تنام جنبك ليما تحسين انها تحسنت واللة يخليها الك اهي وخوها :edbf4317b9:

 

[ZajiL]

جنج تتكلمين عن ولدي ولدي الله يسلمج عمره سنتين و3 شهور نومه وايد قلق
عندي عيال غيره ماصارفيهم مثله ولدي بو عشر اشهر اهون منه وايد
تخيلي يتحلم ويبجي ويصرخ ويتكلم
يعني لو شنو لعب ولاطلعنه مكان او استانس بالليل كله عسااااااااااااااره
وبجي وصراخ والمشكله مو وهو واعي لا بعز النوم

تعبت سالت الجمييييييييع محد عطاني شي مفيد الي قالي لاتنومينه الظهر
خل ينام مره وحده عشان يقط عمره ولا يقوم الي قالي سبحين قبل النوم
كل شي سويت مافي فايده

عاد كل يوم اقرا عليه واهو نايم والله وادعي انه مايقوم ويصرخ ويتعسر لانه اذا قام اخوه
قام بس ليه الحين مافي فايده من جذي بالليل نومي قليل لانه كله مقطع :ch12:

الله يعينه عليهم يارب

 

[hneen2]

انا بعد ولدي عمره سنتين و6 شهور الظاهر مواليد 2008 كلهم نفس الحاله لوووول عساره ما بعدها عساره ويوم ولدت زاد الدبل وما كو نوم لي الاذان وكل يوم نقرا عليه وان شالله ربي يهديهم يااارب

 

[شقاوه وحلاوه]

رد : بنتي قلقة ولا تنام طول الليل ساعدوني

هذي غيره وخوف

هي غيرانه من اهتمامج بالمولود الجديد وخايفه ياخذ مكانها وانج ماتبينها تبين البيبي الجديد ,,
انتي بيني لها اهتمامج فيها اكثر ودلعيها وحاولي تقربينها من البيبي بس لاتخلينها تمسكه الحين ممكن تطقه عادي ..

والله يوفقج

 

[الأميرة جوري]

رد : بنتي قلقة ولا تنام طول الليل ساعدوني

ياقلبي يمكن تغار واو فيها شيء او يوعانه اشمعنا بالليل ؟؟

 

[Q8stylle]

هذي غيره وخوف

 

[ZajiL]

حنين

تصدقين صح كلامج اظاهر كل مواليد 2008




على فكره انا هذي عسارته من انولد يعني مو من يبت اخوه

 

[omtefel]

رد : بنتي قلقة ولا تنام طول الليل ساعدوني

جزاكم الله ألف خير ويعطيكم العافية