بنتي كملت سنة وشهر ومامشت

[ام رينـاد]

السلام عليكم


بنتي الصغيره عمرها سنة وشهر ..وماتمشي ليلحين

وما تقدر توقف بروحها ..ولما أمشيها تمشي على اطراف اصابعها

بس تقدر تتسند عالغنفه وتوقف ..

والحين دهنتها بزيت زيتون على ريولها عشان يقوي المفاصل ..وأنشالله يفيدني


بس حبيت أسئلكم هالشي طبيعي ولالا

لان بنتي الكبيره اسمالله عليها مشت 11 شهر


أبي راااايكم​

 

[ام بيان]

اختي لا تحاتين هذي شي عادي انا بنت اخوي مشت سنة و 3 شهور

 

[زين ودلال]

اهو الطبيعي لي سنه و٤ شهور او ٣ شهور

بتمشي ان شاء الله بس انتي جرأيها يمكن خوافه ههههههههه

 

[noo7a]

عادي ام ريناد حبيبتي لا تحاتين
ياهل عن ياهل يفرق
انا مشيت اول ما دخلت التسع شهور
فتوقعت ان ولدي يكون مثلي بما انه طالع علي بكل شي
بس كا وصلت عمره اسم الله عليه سنه و شهر و نص ولا يفكر مجرد تفكير ان يمشي
حتى لمن اوقفه ما يرضى يوقف يرخي ريوله بس ان يمسك الغنفات و يمشي
قبل اسبوعين تقريبا وديته الطبيب كان مريض قلت خل اسال عن المشي مره وحده
الدكتور قالي الوضع طبيعي توه جدامه ثلاث لي اربع شهور لا تحاتين

 

[ام رينـاد]

تسلمون حبايبي طمنتوني

 

[Perfume]

عادي حبيبتي
الطبيعي من سنة لي سنة ونص
اذا طافت سنة ونص وما مشت يعني في مشكلة
الله يخليها لج ويحفظها

 

[مواصله]

ولد عمتي مشى بو سنه وخمس شهور واخته ام تسع شهور ،

 

[PuPa^^SWeeT]

عادي اشوووفه



اذا سننت من الشهر السادس


المشي بيتاخر عندها


اذا ما سننت مبجر راح تمشي بسرعة

 

[فـراوله]

عادي طفل عن طفل يفرق

أنا ولدي 9 شهور بدا يمسك الطاولات والقنفات ويمشي ويتسند بعدها مره على
مره قام يمشي عدل

ولد أختي سنه وشهر مشى صح قبلها كان يتسند

يعني عادي الطبيعي لي سنه و6 شهـووور



​

 

[Combat]

ترى الوزن ياثر اذا مليانه شوي تتاخر
الله يخليهالج

 

[ام رينـاد]

^^^^

لا بنتي نتفه وضعيفوونه ..راح أسويلها تحليل نقص الحديد ..يمكن فيها ...عاد أنشالله خير

 

[نـعـومـه]

بيييه شدعوه لاتبالغين عادي شكثر يهال مايمشون بسرعه كلها جينات ترا موشرط نقص

واللي يقولج اعرف ياهل صارله عمره سنه وشهر حتى مايحبي !!! واهله ولامهتمين !!

وهم في ياهل اعرفه ماوقف الا لما كمل سنه و ٣ شهور ومشى سنه و ٥ شهور

طبيعي كل ياهل يختلف عالثاني بس اذا حسيتي فيها اعراض نقص روحي طبيب بس سالفه تأخر المشي تصير باليهال

 

[جذابه بنت ذيابه]

ي قلبي اصبري عليها لين سنه و ٦ شهور اذا ما مشت وديها استشاري

بس ان شاء الله بتمششي

 

[catwaaa]

هاي ام ريناد

شلونج
كان ولد اختي ما يمشي وعمره سنة وشوي ونفس حال بنتج يمسك الغنفة يقدر يمشي بروحه ما يقدر ...
راحت كل مكان يقولونلها مافيه شي الولد سليم ونطري ليما صار عمره سنه و10 اشهر ...
وصلت لمرحلة تقول لما اتخيل ولدي يمشي اقعد ابجي صار بالنسبه لها مثل المعجزة اذا مشى...

المهم طلبت منها تاخذ كل تحاليله وتروح للدكتور محمد سعيد اللي بالسالمية رقمه 1885544 والداخلي 254
خذت موعد وراحت له

تخيلي ما سوا شي بس قرا التحاليل القديمة قالها طبيعي الولد ما يمشي عندة (نقص حاد في فيتامين دال)
قال ثلاث ابر وان شاء الله ابنج راح يمشي

وفعلا مشى الولد والحين الحمدلله مافيه الا العافيه

انا بس اقولج سوي تحليل فيتامين دال لبنتج وتطمني انه اوكي ... لانه باذن الله مافي غير هالشي

والكتور هذا عيالي كله عنده روووووعه من فحص وخبره غير عن باجي الدكاتره وكل من نصحته وراح أكدلي هالشي

وموفقه ان شاء الله وتشوفينها تركض جدامج

 

[كويتيه مذهله 87]

طبييييعي لاتودينها عن طبيب ولا تسوين تحليل ولا تحطين لها زيت هههههه

 

[a7la_7b]

عادي حبيبتي انا بنتي مشت سنه و3 شهور طولت شي طبيعي لاتحاتين

 

[Alias]

عطيها حليب بيديا شور