بنتي للحين ما تتكلم عدل؟؟ عادي ولا شنو تنصحوني فيه؟

[بنات وبس]

السلام عليكم

بنتي عمرها سنتين و6 شهور للحين ما تتكام جملة مفيدة من جم كلمة
بعني مثلا اتقول ابي عطيني حلاو ابي دياي ابي كتاب واتعد بالانجليزي او هذا بارني يعني كلمتين وذا بتقولي سالفة كله خرابيط بس ألقط كلمة او كلمتين
عادي الوضع ولا تنصحوني اوديها عند اخصائي أو ادخلها حضانة عشان تتكلم بطلاقة؟

احاتيها

 

[آلهيــ ــلآويهـ]

رد : بنتي للحين ما تتكلم عدل؟؟ عادي ولا شنو تنصحوني فيه؟

عادي لا تعقدين البنت شوي شوي عليها الظاهر ان محد يكلمها واجد
بس تدرين شلون
تعودي انتس تفهمينها الكلمات البسيطه من الحين
يعني لا عطيتيها الاكل > قوليلها ( هممم )
واذا تبين تعطينها الحليب قوليلها تبين حليبه ؟ خليها تشوفه وتعرف اسمه
وهذاك بابا
وهذاك فلان
وهذا باب
وهذا فراشي

تكلمي مع بنتتس حتى لو انها ورع وما تفهم عدل بس التكرار راح يخليها تحفظ لو شي بسيط

ترى الورع مثل الخدامه الجديده ... لحد يضحك من صدزي والله
قولي ليه
الخدامه الجديده لو ما تكلمينها وتكررين الكلام وتحفظينها اللي تبينه
تبببببببطي ما افهمتتس .. هي جتتس طرمه ما تعرف ولا حرف من كلامنا
بس شلون اعرفت ؟؟ لان اهل البيت يكلمونها بالعربي مع الاشاره وانها تشوف اللي تكلمتي عنه خلاص اعرفت
عشان تسذيا اللي من البدايه علمتيها على كلامتس وحفظتيها ! بسرعه تفهم عليتس

هذا بعد الورع نفس القضيه :botetoo:
كلميها بس اختاري لها الكلمات الخفيفه



ياحلاتها امي قبل كنت اضحك عليها يوم تكلم اخواني الورعان ما يفهمون العلم واعلق عليها
بس الحين عرفت انها هي الصح وحنا ما نفهممم:eh_s(15):
​

 

[سموره 87]

ان شالله مافيها الا العافيه
انا بنت اخوي بتدخل الروضه تونا بدينا نفهم كلامها ولا قبل كله خرابيط

 

[ياراا]

لا عادي طبيعي انا عيالي من 3ونص يالله يتكلمون عدل ويربطون الكلامات ويكونون جمل حداااا طبيعي

 

[ملح الكويت كله]

نصيحتي لج تكلمي مع بنتج جنها وحده كبيره .. مثلا تعالي قعدي مني . تبين تاكلين ؟ تعالي انام بالفراش .. وهم في كلمات انقليزية سهله وبسيطة

مثل set down ,, food ,, dress,, come,, no ,,
وانصحج نصيحه ذهبية اذا كانت وايد تشوف رسوم متحركة ,, شوي شوي خففي لا تطالع وايد خليها مرتين باليوم بس .. لان يخلي اليهال مسبهين جنهم طرماان ,, ماعدا بارني بارني يغني ويتحرك ويعلمها اشياء مفيدة

والله يحفظ بنتج يارب

 

[ميمو نونو]

رد : بنتي للحين ما تتكلم عدل؟؟ عادي ولا شنو تنصحوني فيه؟

لا حبيبتي ما تخافي عليها بكرة تتكلم وتزهقي من كلامها بس حاولي دايماً تتكلمي معاها تحكيلها قصص اي شئ وهي شوي بشوي بتفهم وتصير لبلب انا بنت صديقتي والله عندها اربع سنوات انها بتتكلم كلام كتير ما بفهمه وهي اربع سنوات ما تخافي ​

 

[بنات وبس]

ثانكس على الردود الي اتريح البال

الله يعطيكم العافية