بنتي ماتكبر :(

[حرم راشد الماجد]

امهات بنتي ترضع مني بس وزنها صار له شهر مازاد واقفه على 4 كيلو وبتكمل 3 اشهر طبيعي ولا شنو


وشنو ممكن اعطيها الحين

 

[eman84]

هلا حبوووبه شلوونج ؟؟ تتربى بعزكم ان شاءالله

انا اشوف وزنها طبيعي و اليهال مايزيدون كيلوات لا جرامات لغايه ماتبدين تدخلين الاكل الصلب في نظام اكلها

انا اقول الحين حاولي تحطين لها نص بسكوتة فارليز في زجاجة الرضاعه مره او مرتين باليوم ولغاية الشهر الرابع اكو بالجمعيات اكل نفس

السيريلاك مكتوب ان من عمر 4 شهور وفوق بلشي تعطينها كمية قليله منه و استمري على كل نوع فترة وتالي غيري علشان تلاحظين اذايناسبها او لا

في بالخضرووات و في بالفواكه و انواع ثانية ما اذكرها الماركة اسمها (ألكر ) او ميلوبا شي جذي لونها اصفر جدا ممتازه

 

[عروس الدنيا]

هلا حبوووبه شلوونج ؟؟ تتربى بعزكم ان شاءالله

انا اشوف وزنها طبيعي و اليهال مايزيدون كيلوات لا جرامات لغايه ماتبدين تدخلين الاكل الصلب في نظام اكلها

انا اقول الحين حاولي تحطين لها نص بسكوتة فارليز في زجاجة الرضاعه مره او مرتين باليوم ولغاية الشهر الرابع اكو بالجمعيات اكل نفس

السيريلاك مكتوب ان من عمر 4 شهور وفوق بلشي تعطينها كمية قليله منه و استمري على كل نوع فترة وتالي غيري علشان تلاحظين اذايناسبها او لا

في بالخضرووات و في بالفواكه و انواع ثانية ما اذكرها الماركة اسمها (ألكر ) او ميلوبا شي جذي لونها اصفر جدا ممتازه

لاااااااااااااااااااااااااااااا فارليز اكبر مسبب للحساسيه و الاكزيما بالاطفال .. مو زين صدقيني ... بعدين توها بنتج مافي معدتها انزيمات تهضم الفارليز ....
شوفي حبوبه ... اذا بنتح تنام زين ... و تخرج زين و تبول زين... يعني طبيعي بس اذا تشوفينها ما تنام عدل و دايم تبجي
روحي الطبيب و ساليه و اذا قالج دخلي صناعي دخلي ... لان الياهل تقريبا لازم يزيد كيلو بالشهر

 

[ياراا]

جم كان وزنها عند الولاده؟؟؟ يعتمد اذا كانت اقل من 3 كيلو فطبيعي حبيبتي لا تحاتين دخليلها حليب صناعي مع حليبج لانه حليب الم طبيعي ما يسمن يس كل الفايده فيه والله يخليلج بنيتج

 

[om Firas]

حبيبتي طبعي وزن بنتج
بس لا دشين الاكل في عمرها وااايد صغير سمله عليها
شوفي انا بنتي اول مايبتها كان وزنها ناقص
وضليت ارضعها مني وباليل ارضعها صناعي
يعين انوع جي وجي والحمدالله صار وزوها زين
ويوم دشت الرابع شريت لها السيريلاك مكتوب ان من عمر 4 شهور
بالرز ولازم يكون بالارز لانه خفيف على معدته اليهال وشريت هم بسكويت ميلوبا للربع شهور
والحمدالله صارت صحه واايد حلووه
ان شالله قدرت افيدج وعسى الله تشوفينها عروس وتبلغين فيها وتشوفينها متختخه هذا حلمنا لووووول

 

[اثمان]

حبيبتى دخلى لها الاكل شوى شوى

 

[الحب يكبر]

ربي يخليهاا لج

 

[لوازم العائلة]

هلا ام حور
شوفي في يهال لما ينولدون
معدتهم مو مكتمله
ماتكتمل الابعد الولاده ب6شهور
فهالشي طبيعي
انتي روحي فحصي عليها احسن

 

[الأماكن]

تدرين عاد انا بيني و بينج فرق يوم واحد بالولادة

حتى انا بنتي صغيرروووونة

و مافيها توازن ... و رقبتها ماتثبت ماأدري شلون

احس مو قوية

عموما كل عيالي كانوا جذي ... بس هذه بزوووود

يعني الزبدة ...انا متعودة

بس عيالي من ادخل الاكل بنظامهم ...اشوفهم يتغيرووون ماشاء الله

المهم ...ما دام تشرب عدل و نومتها زينة خلااااااص الحمدلله

الصحة مو بالمتن

 

[حبـ admant ـك]

حرم تحملي توكلين بنتج توها صغيره
دامها تشرب حليب خلاص
خليها على الله وبتمتن ان شاءالله
اذا صارت 4 شهور دخلي البسكويت لها
شركه ميلوبا زينه وماشيه مع بنتي
بس فارليز يسبب حساسيه حق معظم اليهال

 

[نوسه منحوسه]

الله يخليها لج

 

[*ماي الورد*]

اختي نصيحة من اختج لا تقطعين الرضاعة الطبيعية
الحين حرصي انتي على اكلج لانها تاكل من اكلج
شربي حليب وايد واذا ما تحبين حليب اكلي حبوب كالسيوم
وكثري من البروتينات الموجودة باللحوم والعدس و الفول و الحمص
و مري الصيدلية واخذي بريجنا بلان اهوا فيتامينات مو بس زينة حق الحمال حق اللي ترضع تسمن الياهل
واخذي معاها بعد كبسولات زيت كبد الحوت او جنين القمح
علشان رضاعتج تصير صحية

 

[الفدنه]

والله انا نفسج بس دخلت لها رضاعه صناعيه بدا وزنها يزيد ولله الحمد
يعني تقريبا 4رضعات بالنهار صناعي
الله يخليها لج

 

[um khaled]

بصراحه ما ادري اذا طبيعي والا لأ
لان وليدي عند الولاده كان 2600
ومن 4 ايام كمل شهرين وصار وزنه 4400
ما كنت مصدقه لانه كان نتفه حيييييييييل

لكن انصحج روحي طبيبي شاطر
ولا تروحين الحكومه لان بيوصفون لج فاتح شهيه والا حليب خاص
وعاد بعدين ما تقدرين تصكين الشهيه مثل ما فتحتيها

 

[Un-6be3iya]

حروم واااايد توسوسين
ذاك اليوم سالفة التطعيم والحين الوزن
ترآ مو شرط وزن الياهل يدل على صحته دام انج متأكدة انج قاعدة تغذينها صح و تكرمين تخرج طبيعي وجذي يعني الحمدلله مافيها شي طبيعية