بنتي ماتكلمت

[دلووووووولة]

السلام عليكم اخواتي عندي بنت عمرها سنة و7 شهور للحين مانطقت ولا كلمة مفهومة حتى اسمها ماترد عليه مع انها تسمع عادي هل انطر عليها برايكم والا اوديها وال تعرف مكان متخصص تقولي والله يجزاها خير :eh_s(7)::eh_s(7)::eh_s(21)::nbvppw:

 

[*ماي الورد*]

يعني ما تقول ماما بابا دادا

 

[jawaa]

وديييييها طبييييييييب

 

[*ريما*]

ان شاء الله مافيها الا العافية

 

[دآنة آلرشآيده]

ان شاء الله مافيها الا العافيه
بس ولد اختي كبرها يتكلم شوي شوي اسم الله عليه
وديها دكتور اطفااال

الله يخليها لج​

 

[روح مغليها]

عااادي الجهااال يختلفوون ولدي عمره سنه وتسع شهوور يتكلم بطلااقه
ولد اختي وبنت اختي اكبر منه بسبع وخمس شهوور مايتكلمووون
يمكن محد يكلمهاا او عند الخدم

 

[moltencake]

لا عادي نطري عليها شوي.
انا ولدي ما تحجى الا يوم صار عمره سنتين و تقريبا شهرين. حتى ولدي الكبير نفس الشي و اختي بعد كانت نفس الطريقه.
و علشان لا تحاتين وديها الطبيب.

بس اول تاكدي انه لما تكلمين بنيتج تسمعج و تفهم شنو تقولين او لا. جذي يبين تحتاجين تودينها الطبيب و لا لا.

 

[حجيه هيونه]

صبري عليها شوي اليهال يختلفون

باجر تقوم تهذر وبس تبينها تسكت اسم الله عليها لوول

 

[ريكاتو]

عادي وايد يهال ما يتكلمون
نطري عليها باجر بتصك راسج من الهذره
بنتي قبل السنه كانت تتكلم وبعدها ولدي توه يتكلم لما صار عمره سنتين نطق
وكنت مدخلته حضانه الكورس اللي طاف واهو ما يتكلم
تخيلي بعد العطله بفترة 3 شهور قالي الارقام كلها والله انصدمت وكلام وايد واشياء تعليميه مالت الحضانه فجاة طلعت
طلع مخزن هالمعلومات
انشالله بنشوفينها فجاه تتكلم وبسرعه بس اهو خل يفج اللسان

 

[ام سلومd]

انا بنتي عمرها سنه ونص لو تشوفينها اشلون تتحجى و لا كلمه صح بس ماما و كلمه ماي ناااااااه نااااااااااه ترى عادي انا عيالي جذي يطولون لين سنتين و اسم الله عليهم بعدين يتحجون مع انه عندها خوان اكبر منها بس انا عيالي جذي مايتكلمون بسرعه

 

[miss mama]

المشكله مو انها ما تتكلم. حبيبتي دام قلتي ما تلتفت على اسمها وما ترد معناته في مشكله ولازم تتحركين. انا كنت بمكانج قبل وكتبت موضووع انه ولدي مايتكلم ولا يلتفت لاسمه. تحركي لا تنظرين الوقت. الوقت يزيد المشكله مايضرج اذا تحرررركتي وتطمنتي انه بنتج مافيها شي. اول شي تسوينه وديها يفحصون سمعها. واذا طاع سمعها مافيه شي روحي للطب التطوري عند عبير عوض وان شاء الله بنوووتج مافيها الا العافيه يارب. بس لاتنطرين الوقت وتتحسفيييين عقب.

 

[raoand]

بنات انا بنتي عمرها سنتين وشهرين وتقول كلمات بسيطه (بابا ماما باب قطه ماي ساعه وتعرف الارقام من 1 ل10 بس ماتنطقهم كلهم مية الميه )الحين بنتي تحتاج اوديها دكتور ولا جذي طبيعي بليييز جاوبوني

 

[بيتي بوب بس كويتيه]

الي ماكو استجابه لاسمها وديها طبيب

 

[miss mama]

[ B]Roanad [/B]. حبيبتي بخصوص سؤالججج. من وجهة نظري لا مشاءالله بنتج تعد من واحد لعشرة زين منها بهالعمر المهم تعرف اسمها وتقولج ماما وعندها تركيز وتستجيب للأوامر معناهاااا بنتج مافيها الا العافيه اسم الله عليها.

 

[A boss]

تأكدي أخاف مشكة بالسمع انا ماتسمع اللي ينقال فما تعلمت تتكلم . وايد ناس جذي حطولهم سماعة و صارو طبيعيين , أو ان ما فيها شي بعدين تكلم .بس ضروري ؤديها الحين

 

[أم فطومـه :)]

تأكدي يآقلبي دآم ما تلتفت على اسمها

وطمنينا : )

 

[دلووووووولة]

مشكورييييييييين جزاكم الله خير