بنتي ما تنام عدل طول الليل!!!!!

[شيخه الحلى]

السلام عليكم..

انا بنتي عمرها 7شهور تقريبا

وما تنام عدل
يعني كل نص ساعه تتفزز وتقعد
كل شويه تتنهوص

مرات اعطيها حليب وتشرب وتسكت وترجع تنام
ومرات ما تبي حليب ادبخها وافتر فيها يا الله تنام

وانا تعبتمن هالسالفه ما انام نهائي

شنو الحل؟؟
وفي احد مر مثل هالمشكله؟؟ وشلون عالجتواها؟:eh_s(10):

 

[G!RLY-PAci]

عادي حبيبتي
انا بنتي ماكانت تنام الا لما اظلع بالسيارة افتر فيها من كثر ماكانت عسرة سمالله عليها
بس من كملت ال سنه خلاص تتعدل نومتها
واذكر ان ابوي خذاها ووداها عند الخرفان وقعدها مع خروف لووول
مادري اذا خرافات ولا لا
بس تعدلت نومتها عقب

 

[يارب احفظ عيالي]

عادي اختي يمكن تسنن يمكن مغص اليهال في هالعمر يكون ليلحين ماينام عدل عقب السنه تتعدل نومتها انشالله وحاولي تقللين من نومها في النهار مع اللعب والتعب والاكل الزين (يعني شبعيها )بترقد

 

[fairy girl]

الله يحفظها ان شاء الله و يخليها

ماعندي خبرة بس اب لعيونج

 

[شيخه الحلى]

لا ما تسنن....
طول الوقت هذي حالتها

 

[Winter Q8]

هذا ردي في موضوع اللي يبون عيالهم طول الليل

أنا وايد قريت عن نومة الياهل و اكتشفت ان فيها أسرار محد يتكلم عنها ..
حتى يوم سألت أمي عن السوالف اللي قريتها تقول أدري عيل ليش ما قلتيلي ..
ولدي اسم الله عليه عسر و حنان و بالأربعين كنت أتعذب بتنويمه من 7 الصبح الا 12 بالليل بس صراخ و اذا نام ينام بوربع و نص ساعه حتى نفاسي بوطقه من التعب ..
المهم لما رجعت بيتي قلت لازم في حل مو معقول هذا حالي و انا ماعندي خدامه شلون بدبر عمري ..

المهم اللي قريته و طبقته و شفت تغير الحمدلله و الله يهدي ولدي و يخفف بجي تعب نفسيتي
يقولج ان الياهل ما يفرق بين الليل و النهار و جذي من واجبج تسوين طرق تبينين له الفرق ..

بالنهار بطلي الدرايش و خلي سرير و كرسي الياهل عند الدريشه .. بالنهار سولفي معاه و لاعبيه .. لما ترضعينه تحرشي فيه .. أصلا السوالف مع الياهل تتطور مخه و يصير حليو .. لا تخلينه ينام فترة طويله و يسحبها نومه
لما يصير وقت الليل لا هني يبدا الجد ظلما و هدوء .. مثلاً تبين نومته ساعه 12 بالليل لازم قبلها ما ينام ساعتين أو ثلاث راح يبجي و يعافر و انتي ساحليه لاعبيه غنيله و اذا نام فركي خده خل يقوم و ما انسى اذا الياهل في غازات عطيها قبلها بـ ساعتين ديسفلاتيل علشان يريح بطنه مو ننطر لما يستسعر نعطيه لا قبلها .. المهم 12 الا ربع سبحيه ذيك السبوح الدافي " انصح بمنتجات جونسون اللافندر انا الكبيرة تهديني شلون هالنتفه " .. المهم عقب السبوح مسجيه بزيت جونسون باالافندر " المساج لمدة 15 دقيقة يوميايزيد التواصل مع الام و طفلها و يطور نموه العقلي بضعفين عن اقرانه "و ركزي على بطنه علشان تطلع الغازات و ريوله و ظهره و انا احط بعد على صلعته فديت صلعته و البسه بيجاما دافيه و راهيه يرتاح فيها .. المهم رضعه الليل خليها أدفى من رضعه النهار و أسكر الليتات و أشربه بدون سوالف و لا تواصل لا خلاص عزلنا .. اشربه و انومه بايدي و احطه بفراشه " انا ما عودت ولدي انه ينام عندي اصلا ما اعرف و لا ابوه يعرف احد ينام عنده وولدي صار مثلنا من الاربعين انومه بسريره او بسلة موسى يم راسي و اذا نومته عندي يبجي و يرافس " بعد ما احطه بفراشه طبيعي راح يقوم بس اكون عنده احط له المصاصة جم مرة و اذا كمل اشيله و اذا نام ارد انومه بفراشه بس و اهو اساسا نعسان لاني ما نومته قبلها ..و لازم الياهل ماخذ كفايته من الرضعات بالنهار علشان يقدر ينام بالليل مو معقول نايم طول النهار و ما يشرب حليبته تبونه ينام بالليل و لا يقوم .. المهم لا تعطينه رضعه بعد الساعه 12 و عطيه بداله ماي أو أعشاب و خليه ينام و جبريه على النومه و طولي بالج و لا تنهارين .. المهم معده الياهل ما تستحمل 6 ساعات بدون رضعه اكيد راح يقوم مرة بالليل عطيه رضعته بنفس الطريقة هدوء مو تسولفين و تلعبين معاه تطيرين النومه راح ينام ان شاءالله او يطول شوي مو مشكلة .. و بس هذا اللي عرفته و قلته من باب عدم كتم العلم .. و صج انا مو كل مرة اسبحه قبل لا ينام بس ملتزمة بتغيير هدومه و المساج و الكريم و البودر .. و لازم ارد البيت قبل موعد نومته علشان لا تخترب ..

هذا اللي طبقته على ولدي و خف عسارة صج ما ينام طول الليل لانه بعده صغير
بس بنوتج اسم الله عليها كبيرة و تقدرين تعودينها
و هذا الفيديو استفدت منه وايد
http://www.youtube.com/watch?v=g77ZCKoDk7c
​

 

[توتا حمرا]

الاخت Winter Q8 كفت ووفت
حاولي بالليل اتسوين لها طقوس معينة قبل النوم

 

[انجبر قلبي]

نفس الحال مع ابنيتي ربي يحفظها بس بنوتي عمرها شهر وللحيني بالاربعين معاناه ما تنام كل شوي فازة و انا هلكت ماكو نوم نهائي

 

[♥الجــــــوري♥]

في بعض من الاطفال جي
في منهم هاديييين وفي منهم مزعجين
أنا و3 من خواتي ولدنا
كلهم ماشاء الله طلعوا هاديين ماعدى أختي طلعت بنتها مزعجة وماتنام

 

[شيخه الحلى]

الفيديو ما استفدت منه شي
اهيا تنام عادي بس وايد تقعد وتتفزز طول الليل وتنهوص

 

[Winter Q8]

الفيديو ما استفدت منه شي

بالعكس يقولج إذا تبين البيبي ينام طول الليل لازم

• يكون ماخذ كفايته من الحليب طول اليوم
• يكمل رضعة الليل مو يشرب نصها لا جبريه يكملها كلها و بعدين ينام
• له غرفة خاصة
• صبر و عزيمة
• لا تحطين لها سيرلاك بالرضعة لان ممكن تسبب لها عسر هضم فتقوم تبجي
• اذا قامت كل ساعتين لا تستجيبين لها لان يكون دلاعة
• لا تسوين حفلة اذا صار وقت رضعتها بعد 6 ساعات تبطلين الليتات و تسولفين وياها راح طيرين النوم من عينها و تستانس على هالحركة و تعذبج بعدين لا بكل هدوء جهزي اغراض الرضعه من الليل و شيليها من فراشها و شربيها و رديها و انتي بالظلمة او بنور خافت جدا ..

بحالة بنتج انتي ادرى ليش بتقوم و تبجي ..

• يمكن غازات ===> تحلين هالشي بالأدوية أو الأعشاب
• حران او بردانة===>جيكي على بطنها
• اذا تنام بداركم أو بينكم يمكن مضايقها الازعاج ===> نوميها بسريرها و شوي بعيد عنكم
• دلع و تبي شيل و حصن " هذا السبب الاول"

  ومرات ما تبي حليب ادبخها وافتر فيها يا الله تنام

  ===> حقريها / حطي لها المصاصة راح تعود تنام بروحها

حطي لها قرآن بدارها و حصنيها و اقري و عليها و استودعيها الرحمن و ماكو الا العافية

 

[kuwaitya_zoGaa]

up up up

 

[شيخه الحلى]

بالعكس يقولج إذا تبين البيبي ينام طول الليل لازم

• يكون ماخذ كفايته من الحليب طول اليوم
• يكمل رضعة الليل مو يشرب نصها لا جبريه يكملها كلها و بعدين ينام
• له غرفة خاصة
• صبر و عزيمة
• لا تحطين لها سيرلاك بالرضعة لان ممكن تسبب لها عسر هضم فتقوم تبجي
• اذا قامت كل ساعتين لا تستجيبين لها لان يكون دلاعة
• لا تسوين حفلة اذا صار وقت رضعتها بعد 6 ساعات تبطلين الليتات و تسولفين وياها راح طيرين النوم من عينها و تستانس على هالحركة و تعذبج بعدين لا بكل هدوء جهزي اغراض الرضعه من الليل و شيليها من فراشها و شربيها و رديها و انتي بالظلمة او بنور خافت جدا ..

بحالة بنتج انتي ادرى ليش بتقوم و تبجي ..

• يمكن غازات ===> تحلين هالشي بالأدوية أو الأعشاب
• حران او بردانة===>جيكي على بطنها
• اذا تنام بداركم أو بينكم يمكن مضايقها الازعاج ===> نوميها بسريرها و شوي بعيد عنكم
• دلع و تبي شيل و حصن " هذا السبب الاول" ===> حقريها / حطي لها المصاصة راح تعود تنام بروحها

حطي لها قرآن بدارها و حصنيها و اقري و عليها و استودعيها الرحمن و ماكو الا العافية

بنتي تاخذ كفايتها من الحليب قبل النوم.
عمري ما أحط السيريلاك بالحليب.. السيريلاك تاكله الصبح و مو كل يوم.
اذا صيحت واهيا نايمه ما اقدر احقرها واخليها لأن اختها العهوده عمرها سنه ونص نايمه معانا بعد بالغرفه والأبو نايم بعد وراه صلاه فجر ما اقدر اخليها لأنها تقعدهم.. وإذا قعدت العوده ماراح انام كلنا

وإذا قامت تبي حليب ما اسويلها حفله ولا اكلمها اصلا انا عيوني مصكره لأن ما انام.. اسويلها حليب واعطيها المميه واهيا بفراشها
وما اقدر احطها بغرفه بروحها تقلب ولا يصير فيها شي على ما اروح لها ما ألحق عليها

 

[Winter Q8]

هذي الأسباب و هذي الحلول ..تحملي

و في قطعة تنباع شفتها ببروي تحمي الياهل لما ينام اذا تخافين يقلب
و أجهزة تسمعين و تراقبين فيها البيبي بالصوت و الصورة ..

و تقدرين بأسبوع تنامين انتي وياها بغرفة ثانية أو الصالة تتدربينها على النومه و تعدلينها

الحلول وايد بس لا تقولين ما اقدر
​

 

[شيخه الحلى]

لا موخوش حل
اخليها بغرفه بروحها واهيا بهالعمر!
اللي اكبر منها ما خليتها اخلي هذي النتفه!
تكح تشرق تقلب على ويها انا شلون اشوفها؟

 

[المكسيكيه]

كلنا نعاني من هل السالفه

 

[elzain^kella]

:ch12:
same here

 

[ام الحلوااات]

مـــــهـــــــــــديـــــهـــــــا يـــمــــكـــــــن تـــــرتــــاااح وتـــــنــــــام
اعـــــــــــرف وحـــــــدة قـــطــــــت الـــمـــهـــــاااد عــــلــــى 6 اشـــــهــــــر
وولــــــــدهـــــا مــــاذيـــهــــــا مـــــا يــــنــــام رجـــعــــت عـــلــــى الــمـــهـــــــــاد وتـــعـــــدل وارتـــــاااح بـــنــــومــــتــــه​

 

[شيخه الحلى]

ويه شخباري المهاد!
من ومان قاطته عنها
وبعدين اهيا كبيره عالمهاد
تتحرك وتتقلب المهاد يضايقها

 

[أو عبوش]

^
^^
^^^
^^^^
^^^^^
^^^^^^
^^^^^^^
^^^^^^^^
^^^^^^^^^^



اذا سويتي كل طرق البنات ومافاد معاج

وشفتي اذا فيه امساك وغازات وطلع ماااافيه اي شي ولا ملع << اللي يجي باليدين من الشيل الغلط




اذا كل شي مافيه


فهذي طبيعه بنتج



في ناس جذي سبحان الله


منهم بنتي اللي للحين مهبله فيني تخيلي عمرها 2 ونص
تقوم نص الليل 2 او 3 الفجر تلعب بألعابها وتصرخ علينا اذا ماقعدنا ماتحب النوم كلش حركيه