بنتي محتاجة تنزل أكثر من 30كيلو(رجيم حلو للي عنده دهون وأملاح وكوليسترول زايدة)))

[جوجو.]

ان شاالله تضعف
ومشكوه عالرجيم الحلو جم يضعف وبشكثر؟؟؟

 

[ام عيالها الغاليين]

:33_1185028183:السلام عليكم حبيباتي :33_1185028183:
احب ابشركم اني امس وديت بنتي الزيارة الثانية للدكتور والحمدلله نازلة 2كيلو يعني بزيارتين نزلت 4كيلو
امانة ياخواتي اسألوا لها الثبات والصبر على الرجيم لان صحتها عندي بالدنيا وهي بنتي الوحيدة :tek::tek:

 

[ii DareeN ii]

اللة يخليها لج وهاللة هاللة بالحركة صج رقص مشي انتي وياها عاونيها

 

[Anwar79]

انا انصحج لا تاكل حبوب ولا عمليات .. في رجيم آنا سويته قاسي بس نزلني بالشهر 30 كيلوووووو .. يعني باليوم كيلو .. اسمه رجيم هوليود .. هذا الرجيم الممثلات اللي في هيلود يسونه ... رجيم الفواكة اذا سامعه عنه .. وتقدر تبدي من الاسبوع الثالث لأن عمرها صغير .. بس وايد نظف جسمي من السموم والكتاب يعلمج شلون تحافظين واذا خربطت بالأكل .عادي ثاني تاخذ مصصحات عن اللي كلته .. ويعلمج كل شي عن الأكل وشلون تحرقينها .. آنا الحين آكل اكل وللحين وزني مازاد ولا جرام .. وايد عجيب الرجيم بس شوي قاسي ..

 

[ام كنعه]

المهم كلميها وايد عن الاراده وشجعيها في اليوم اكثر من مره لان البنت تمل من الرجيم واذا شافت احد ياكل تحس تبي تاكل واخذيها لمحلات الملابس الكشخه وقوليلها ان شالله تضعفين واشتريلج منهم وضلي وراها بالتشجيع والكلام الطيب وانشالله تشوفينها عروس

 

[MissChoco]

حبيبتي ماقصرتي وان شاء الله بنيتج تضعف باذن الله بصحه وعافيه

 

[مستشاره قانونيه]

انشالله تضعف بصحه وعافيه

ومبروك النزول

 

[إستبرق]

حبيبتي سويتي لها تحليل غده درقيه ؟
والله يشافيها يارب وتشوفينها منيكان

 

[ام عيالها الغاليين]

:33_1185028183:السلام عليكم حبوبات:33_1185028183:
باجر موعد بنتي حبيبتي (( بطتي البيضة)) ادعو لها تكون نزلت مثل الاسبوعين اللي فاتوا
أم كنعه----والله العظيم بالفترة الأخيرة صارت بنتي دايما تطمش بالمحلات على بدلات البنات الضعاف وأحس أنها بتموت عشان تقدر تلبسهم وإذا شي عجبها تقولي أنا أشتريه لاني انا جسمي وايد حلو بس دايما أقولها إنها عن قريب راح تقدر تلبس كل هالملابس 0:tek:
أنوار 79---أنا جربت هالرجيم من 9سنوات بعد ما ولدت ولدي الثالث والأخير (عندي بنت وولدين)لاني دايما بالحمل أزيد أكثر من 20 كيلو (بس الحمدلله يروحون بالارادة القوية)وبصراحة وايد حلو ،أنا بالنسبه لي كان عادي مو قاسي لأن أن أكلي مو وايد ،، والحين بالعطله ناوية أرجعله لأني محتاجة انزل 4كيلو :tek:
استبرق--- انا مسويه حق بنتي تحليل والغدة ما فيها شي الحمدلله بس الطامة الكبرى فيها دهون وكوليسترول ودهون ثلاثية وأملاح(يعني داهية متراكمة):tek:

يااااااااااارب يا حبيبي تثبت بنتي وتصبرها على الرجيم بالصحة والعافية :wqedqw:وتصير حالها من حال البنات الحلوين ​

 

[ام عيالها الغاليين]

:tekالسلام عليكم :tek:
اليوم وديت بنتي الزيارة الاسبوعية للدكتور :gathering:وطبعا بنتي كانت فرحانه بس فرحتها ما كملت :0bee2e8d89:والسبب نزولها كيلو واحد بس:eh_s(14):وطبعا قعدت طول الوقت اللي عند الدكتور معصبة وزعلانه

 

[مستشاره قانونيه]

حنوووووووووون بالعكس وايد زين يعني معدل النزول 5 كيلو بشهر ؟؟
ماشالله وايد زين لا تحبطينها وشجعيها وقولي لها ان نزووولها زين عشان لا تتحبط وتخربط حرررررام
لان انا صار فيني جذي لما كنت اروح نازله بس كيلو من ارد البيت اخربط والسبه الاحباط
شجعييييييها بلييييييييييز وقولي لها ان التوتل زين وعادي خليها تستمر وبالتوفيق

 

[انصار]

اهم شي انج متابعه بنتج وواقفه معاها وشجعيها بالكلام الحلو
وكل ماتنزل 5 كيلو روحي اشتري لها شي اهيا تبيه عشان تشجعينها وتونسينها

ورجيمها وايد حلو وحاولي تروحين الممشى معاها 3 مرات بالاسبوع فايده لج ولها
والله يتمم عليها يارب وتنزل الوزن الزايد

 

[مخروووشة]

قوليلها وواايد زين

بعد لو نشترك انا وياج بنادي ابتضعفين اكثر

والله يوفقها