بنتي والمسلسلات التركيه

[تعبانه منك]

بنتي وحيدتي عمرها سبع سنوات عنيده واتسمع كلامي جربت معها كل الاساليب مانفعت حتى الضرب جربته وهي عايشه عمر اكبر من عمرها همها المكياج وتقعد مع خالاته اعمارهم بالعشرين واذا لعبت مع بنات صغار لعبت عرس وعروس ومعرس ورقص وصالونات فوضويه اغراضها مرميه بكل مكان حساسه تزعل من كلمه ماتحب انصحها او انتقدها ماتحترمني وماتحترم ابوها والتلفزيون مصيبه ماتحب افلام الكرتون تحب المسلسلات ألحين اتابع حريم السلطان وتعيده عشر مرات وش تسوي معها

 

[تعبانه منك]

اقصد ماتسمع كلامي وتغار مني وعيونها بس على اغراضي وملابسي اي شي البسه تقول ياليت فيه منه صغير عشاني مع ان ملابسها كلها حلوه ومناسبه لها وطقم لها

 

[مشتطـه]

يمكن انتي ربيتيها ك كبيرة مو طفلة

معاملتج لها اهي الغلط
عيشتيها عمر اكبر منها

يمكن ما وديتيها الالعاب او ما كلمتيها ك طفلة


بنات هالوقت يبطون الجبد

انا اختي جذي عمرها 10
وتشوفنا انا واختي الثانية كشخ ونلبس ونتساسر
والا تصير كبرنا

بس هم فيها طفولة ليلحين تحب تلعب مع البنات


الله يعينج عليها


شرحي لنا طريقة تربيتج لها

 

[أم حورية]

اهما بنات هالوقت جذي تفكيرهم اكبر من عمرهم

بس في شي غلط بالموضوع اقصد بتعاملج معاها

لو من واهي صغيرة حاطتلها حدووود جان ما تمادت

بالنسبة حق الفوضوية وانها ما تسمع الكلام

تقدرين تعاقبينها انج تحرمينها من اللي تحبه بس مو ع طول مرة شدي ومرة رخي الشد ما ينفع ع طول

يعني لو انا بدالج جان اول شي احاول قبل لا انصحها اتقرب منها واسولف معاها واحسسها اني صديقتها مو امها عشان تتقبل مني النصيحة

بس مو دايما يعني ساعات تحتاج العين الحمرا بس بدون طق خصوصا من ابوها المفروض ابوها له هيبة عندها
يعني انا بناتي من الحين دايما اسولف معاهم باللي يحبونه وحتى لما يسولفون بسوالف اكبر منهم اذا مافيه مضرة اسولف

بس وقت الجد جد يعني اذا وحدة طولت صوتها هني ستوب المفروض تعرف حدودها

وحاولي لا تعطينها اوامر وايد ،، اذا ودج تسوي شي قوليلها امشي معاي وتعاوني معاها باللي تبين جنج رفيجتها جذي يمكن تتقبل

يعني مثلا دارها معفسة فضي نفسج وقوليلها امشي خنرتب الدار مع بعض ومنها نطلع الاغراض اللي مانبيها ونتصدق فيهم عشان تخف الفوضى وهم تتقربين منها وتسولفين معاها وقت الترتيب

ودامها وحيدتج فضي نفسج عشانها ماعندج شي خليها معاج ع طول لهيها بأشياء مفيدة لان شكلها فاضية ومن الفضاوة قاعدة تسوي جذي ترا الفراغ اييب البلاوي حطي

لي رحتي السوق اخذيها واخذي رايها باللي تشترينه وقوليلها ابيج تتعلمين الطباخ معاي لو شي بسيط اي شي تسوينه بالمطبخ شركيها معاج او ختزين الاطباق

دوري افكار من عندج ولهيها عشان تترك السوالف التافهه واهم شي تكونين كصديقة لها بس لاترخين الحبل حيل يعني مبدأ الاحترام المفروض يكون موجود واذا ما تتقبل شعليلها الاناشيد اللي عن الام والابو وجذي يمكن ينفع معاها شوي
وصدقيني اذا كسبتيها راح تقدرين تمسكينها من الايد اللي تعورها ، انج تزعلين منها وما تكلمينها اذا سوت شي ما تبينه

صدقيني ماراح ترضى ع زعلج
وعسى الله يحفظها لج ويبعد عنها كل شر ويقدرنا ع تربيتهم

 

[أم حورية]

وبالنسبة حق الغيرة عندنا وعندج خير عادي ��

 

[سوسو حبيبتى]

حبيبتي دة من الفراغ

شوفي لها نادي قدمي لها فيه وخليها تتصاحب على اطفال من عمرها واعملي لهم حفلات ترفيهيه فى بيتك

مثلا حفله الاميرات للشاي .. حفله تلوين ..حفله تنظيف

خليها تتفرج على طيور الجنه مثلا وقولى لها شوفي البنات الحلوين انتى حلوة زيهم

اشغلي وقتها ودوري جواها على هوايه

العبي معاها عاادي مش عيب

انا بلعب مع بنتي وبجري وراها ف الشقه واحس الجيران كلهم سامعني ههههههههههه

ونمثل اننا بنطير عادي جداا ...

ووقت المسلسلات بئا ياستي اشغليها لغايه ماتنساه

مع انى بنتي عندها سنتين ونص وبمووت ف نساء حائرات ومندمجه معاه جدا ..

وبنت صاحبتي بتموت ف المسلسلات المكسيكي تخيلي !! ههههههه

وربنا يهديها لك

 

[%F&R%]

انا مع ام حوريه ١٠٠٪

 

[mama-dodo]

يعطيج العافيه ام حوريه كلامج وايد حلو
ان شاء الله تكبر بنتي واطبق كلامج