بنتي وايد تشرب ماي ( تم تعديل العنوان من قبل الاشراف )

[الجـ88ـوري]

قوه بنات

بنات بنتي بس تشرب الماي ما تبي شي غيره وكل دقيقه والله ما بالغ تبي ماي

ليش يعني فيها جفاف والا شنو

تكفون ساعدوني

 

[Hello_kitty]

رد: بنتي ماتت من الماي

واي بسم الله على بتج العنوان يخرع حرام لا تفاولين عليها....يمكن مو قاعد تاكل زين ويوعانه وما تعرف تعبر او تتكلم تشرب ماي

حاولي توكلينها وتعبي معاها لن الياهل يله طولة بال وصبر خاصه وقت الأكل

 

[hneen2]

رد: بنتي ماتت من الماي

اي والله صاجه غيري العنوان خرعتيني


اسم الله عليها يمكن ما كله شي معطشها زياده

 

[قفشه شكر]

رد: بنتي ماتت من الماي

حبوووووووووووووووووووووبه غيري العنواان والله وقفتي قلبي
اسم الله عليهااا
حبوووبه وديهاا الطبيب يمكن عندهاا مشكله اب معدتهااا او جفاااف
هذي اماانه عندج من رب العاالمين وحتى لو احناا عندناا خبره
بس احناا مو دكااتره اخااف نقوولج شي وياذي بنووتج
ربي يحفظهااا وطمنيناا عليهااا

 

[سموره 87]

رد: بنتي ماتت من الماي

اي والله صاجين البنات شنوا هالعنوان طير قلبي
خليها تشرب ماي وايد احسنلها خو الجو مايساعد واذا كان فيها جفاف يبين من الجلد اذا ناشف ولا لا

 

[@شمس الضحى@]

رد: بنتي ماتت من الماي

اي والله العنوان خرعنيي
الله يهداااااج خليهاا تشبع مااااااي

 

[لؤلؤية]

رد : بنتي ماتت من الماي

حراااااااام عليج
دشيييييييييت وانا اقوووول بقلبي يااااارب تعينها وتثبتهاااااااا

اسم الله عليها
الماي مايضر
بالعكس زيييييين...الجو الحين حررررر
واليهال يركضوون ويلعبووون ويعطشووون
واذا اهي صغيرة..عطيها القلاصات اللي مخصصة لليهال..اللي فيها عود...وحتى لو يطيح منها ما ينكت
وحطي لها عصاااير وكوكتيلات...غيري شوي

 

[ام نوونه]

رد: بنتي ماتت من الماي

يمكن تبي تسنن فيصير مثل حرارة كل تبي ماي

او ماكله شي يعطش

واذا على طول جذي وديها الطبيب

وانشالله مافيها الا العافيه

 

[شيخـة الـزيـنـااات]

رد: بنتي ماتت من الماي

اسم الله عليهااا خرعتيني



وللرفع

 

[om Firas]

رد: بنتي ماتت من الماي

واااي والله طاح قلبي بريولي حرام عليج

 

[~باقة ورد~]

رد : بنتي ماتت من الماي


قال الله تعالى { وجعلنا من الماء كل شئ حي }سورة الأنبياء آيه 30

لا حول ولا قوة إلا بالله

حسبي الله ونعم الوكيل على إبليسج

اللي وزج تكتبين هالعنوان

إتقي الله في الناس

اللي بتقرا العنوان وتدش مخترعه

شنو ( ماتت من الماي )

في حديث للرسول صلى الله عليه وآله وسلم

يقول فيه

(- إن الرجل ليتكلم بالكلمة من سخط الله لا يرى بها بأسا فيهوي بها في نار جهنم سبعين خريفا
الراوي: أبو هريرة المحدث: الألباني - المصدر: صحيح ابن ماجه - الصفحة أو الرقم: 3221
خلاصة الدرجة: صحيح)

وفي رواية أخرى

- إن الرجل ليتكلم بالكلمة لا يرى بها بأسا يهوي بها سبعين خريفا
الراوي: أبو هريرة المحدث: الألباني - المصدر: صحيح الترغيب - الصفحة أو الرقم: 2875
خلاصة الدرجة: حسن صحيح

ماتدرين يمكن الله سبحانه وتعالى يغنيها بالماي عن كل شي ويغذيها فيه

وربي خرعتينا وخذيتي ذنب في كل وحده منا

إخترعت وصج داشين وإحنا ندعي لج إن الله يصبرج

لا تفاولين عالبنيه والله يعافيها لج ويتمم عليها بالصحه والعافيه يارب

 

[جروح خالده]

رد : بنتي ماتت من الماي

خررررررررررررررعتني مالي دااعي هالعناوين اللي توقف قلب الوواحد


وديها الطبيب يمكن ناقصها شي بجسمها

 

[fr7ty]

رد : بنتي ماتت من الماي

أمبييه خرعتيييييييني

العنوان مو صج حسبالي غرقانه سمالله عليها..مو زين جذي

خل تشرب ماي بالعكس احسن لها..

 

[قمري]

رد: بنتي ماتت من الماي

اسم الله عليها حبيبتي الماي افيد شي بالدنيا عادي خليها تشرب كثر ماتبي انا الدكتور قالي طوووووووووول اليوم عطيها ماي يمكن اهيه تحبه

 

[^noonaa^]

رد: بنتي ماتت من الماي

اي والله خرعتينا على هالعنوان

حبيبتي بالعكس الماي وايد زييين لها ومفيد ليش وايد خايفه؟

 

[حلوة الروح]

رد: بنتي ماتت من الماي

حرررااااااااااااااااااام عليج خرعتيني شنو ما كو عنوان غير جذي

لا عادي لان انا عيالي جذي على طول ماي

 

[الجـ88ـوري]

رد : بنتي ماتت من الماي

اول شي مشكورين ع الردود

واسم الله على بنتي لا انشالله ما تفاول عليها

بس والله والله كنت اكتبلكم بالليل وانا ابجي وكنت كاتبه موضوع انه بنتي ما تاكل بالمرررررررررررررررررره
والله لو تشوفون شلون ضعيفه تنصدمون عمرها اسم الله عليها سنتين وتلبس مقاس سنه !!

وصار لها شهر ما تاكل بالمره يعني قبل ما تاكل اي بس اذا يوعانه تشرب حليب او تاكل شي خفيف الحين بالمره ولا شي والله ابجي علشان اوكلها اللقمه

والماي صايره تشربه بشكل مو طبيعي يعني كل دقيقه ماي ماي مو معقول !!!!

تعبت منها حيل هذي البجر الله يعيني قالولي لا توكلينها خلي الصينيه جدامها سويتها وما كلت بالمرره وقالولي خليها تاكل معاكم بالسفره وسويتها بس تبي تلعب بالمرق

والحين كل دقيقه ماي مو معقول بنات عمرها ما مرت عليها هالحاله! بوديها الهادي اليوم بشوف شنو يقول وانشالله باذن الله اطمنكم

وسوري مره ثانيه اني خرعتكم بس نفسيتي تعبت منها


كلمـــتان خفيــفــتان علــى اللســان ثقــيــلتان فــي الميــزان
ســبــحــان الله وبــحــمــده
ســبــحــان الله العــظــيــم

 

[i'am THE ONE]

رد: بنتي ماتت من الماي

اخاف بلعومها في شي او يعورها او ضروسها لانها تستسهل شرب الماي بدال الاكل

وديها طبيب خل يشيك عالاسنان و البلعوم

 

[منيرة خالد]

رد: بنتي ماتت من الماي

العنوان يخرع


الله يخلي لج بنتج وعادي شرب الماي انا اول واحد من عيالي جذي يالعكس زين له ما يصير معاه امساك وينظف القولون


والاكل لا تعصبينها بس خلي عندج وقت محدد للوجبات وراح تتعود عليها مع الوقت اهم شي الصحه زينه



ولا تكتبين مره ثانيه عنوان يخرع جذي مو زين

 

[انصاريه قمره]

رد: بنتي ماتت من الماي

الله يعينج يا قلبي والله حاسه فيج انا بنتي كانت تاكل من مشت صاير اكلها قليل وانا الحقها باللقمه وقلبي يتقطع الله يعينج ويعيني ويخليهم لنا بصحه وعافيه