بنت تأخر زواجها شوفوا شنو سوا أبوها!!

[كهرمانة]

في وحده تأخر زواجها تقول اكتشفت بالصدفة أن ابوها سجل بياناتها بلجنة العثمان للزواج
من غير ما تدري .. اسمعتهم يتكلمون من غير مايدرون عنها
انصدمت وبجت وااااايد تقول ليش يسوون فيني جذيه حسيت جني سلعة كاسده يعرضونها للبيع
الصراحة معاها حق انها تزعل
انا ادري انه اهلها يبون مصلحتها لكن طريقتهم مووووحلوة
ولا اشرايكم؟؟

لو وحدة شافت بنتها تأخرت بالزواج وراحت دقت على خطابة أو سجلوا بيانات بنتهم بلجنة للزواج
شنو رايكم؟؟

 

[سمبوسه كويتيه]

اب اب

 

[naseem]

باعكس مافيها شيء ابد ويش تبكي يعني

والله العظيم واعرف ثنتين ابوهم سجلهم

مع اهم باعشرينات

وتزوجو باطريقه هذي وحده مدرس وحده مهندس

من احسن مايكون

ماعدنها سالفه تزعل والله

بس يمكن الموضوع شوي حساس

اتعوذ من ابليس وربي يرزقهم ان شاء الله خير من ما تتمني

 

[ام متلق]

لا والله مو حلوه نصيبها عند رب العالمين له يوم وساعه معينه مايعلم فيها الا سبحانه ليش نستعجل على الرزق

 

[أم فـرح الحلوه]

زعلت لا ياقلبي بعد جم سنة اذا تزوجت والله رزقها بتقول ياليتك يابوي مسجلني من زمان حبيبتي هو يبي مصلحتها باي طريقه وهذا شي حلال ماراح عرضها ع ديوانيه ورفضوها لا كافي ان حتا ما قال لها لان مايبي تتحسس ومايبيها تدري ليما يكيها الرجل اللي يناسبها وانتي قلتي متاخره عن الزواج والعمر يمشي وابوها مو ضامن عمره ويبين يتطمن ان بعد عينه ماتنامان بنته عندها عيال سندوبيت عازها رازها مايبيها منة اخ اواخت

 

[alzeen- almuteri]

بالعكس عادي انا اعرف في بنات مسجلين بدون علم اهاليهم

وهذه تحمد ربها اهلها راضين بالهطريقه عادي مافيها شي

لان وايد عوايل محد يدري ان عندهم بنات وبناتهم ماتطلع مكان بس بالبيت

بهالطريقه تعرف الناس لهم مافيها شي

الله يوفقها ان شاءالله

 

[" سبورتيه "]

صددددمه بصراحه

قسم بالله ما اشوفهاا عااادي كلللش

ماهي بايره ابدا عشان يروح يخطب لهاا
و وين بعد!!! بلجنه

لو خاطب لها عند ولد عمها والا ولد خالهاا تهون
لكن بلجنه!!!

احترم كل وجهات نظركم
لكن عني ما ارضاها بنوب بنوب

 

[{ريم}]

عادي تبجي وتفكر هالتفكير
بس لمن تفكر مرة ثانية و تعيد حسابها بالعكس راح تفهم الموضوع
وبعدين وايد ناس تزوجو بهالطريقة وماشالله ماشالله شحلاتههم
مرتاحين ،
وبعدين الله كاتب ان تكون طريقة زواجها جذي واكيد خيرة ..

 

[لمى الهاجري]

مافيها شي بس لازم ما يعلم احد انه مسجل بنته

 

[ام سعود ديكسون]

ما فيها شي بنت و مخشوشة في بيتهم محد يدري ان ب هالبيت جوهرة مخشوشة
اشلون تبونها تروح بنصيبها و تنستر

اليوم تتحسس و بأجر بتشوف ان هذا واقع الدنيا
سنة الحياة انها تتزوج و تروح من بيت اهلها

لا تعطون الامور اكبر من حجمها
وايد مطلقات و أرامل تزوجوا صبيان ما سبق لها الزواج
اييهم النصيب عن طريق خطابة


لا قالوا إحنا سلعة ولا رخصوا بروحهم
الرخص اللي ترضي بعلاقة برا حدود الشرع و الدين

 

[الخجل الانثوي]

هو مسجلها ترا بالحلال بتتزوج وان ماخاب ضني سامعه قصة ع ايام الرسول كان عندهم جذي
وان طلعت القصه غلط فهي ماخذته بالحلال ماتهم عن طريق مركز او جوهم لنفسها
وع فكره اعرف ناس مايبون من قرايبهم. واهلهم مايبون يدورون للولد متعاجزين يمكن حطو الولد عند الخطابه وجابت له عروس
دللها دلال سفرات ودلع وان. ردت لرجوله رجال قد كلمته شفيها اذا مركز ماشوف عيب
بالعكس لمصلحتها تحمد ربها في اباء ماخلو بناتهم يتزوون عشان ماياخذ معاشها الزوج طمع للخلا

 

[modern]

ما اقدر ابدي رأيي بالموضوع لأن كل عيلة لها عوايدها

 

[عذاريي]

انزين انتي قلتي تأخر زواجها وطبيعي الاهل مايبون بنتهم تقعد على هالحال ومايسون شي ،


وواضح ان الوالد الله يحفظه مهتم ،


ومو عيب ولا حرام ان يسجلها ،


وانا اشوف ان البنات ألي يسجلون اهني صج يبون زواج مو لعب بنات هالوقت طلبات ومو عاجبها احد ،


ماتدري بعدين اييلها واحد ماتحلم فيه ويعيشها احسن عيشه .

 

[فوفو22]

حبيبتي تعرفين ليش الرسول صلى الله عليه وسلم

وصّى بصلاه العيد

يطلع الرجل والمراه والاطفال

حتى يشوفون الرجال المصلين ان

فلان عنده بناااات

ويشوفون النساء انه فلانه عندها بنات

وكانت هكذا تعرض البنات

اما يشوفونهم بعرس او مناسبه و بالمساجد او صلاه عيد

وفي مثل عربي مو بس كويتي يقووووول

اخطب لبنتك ولا تخطب لابنك

بمعنى الاب يسعى لاختيار زوج صالح لبنته

رايي ما فيها شي لو الابوين والاقارب سعوا لتعجيل زواج بنتهم

بعدة طرق

والخيره دايما فيما اختاره الله

فوفو

 

[ابني ملاكي]

انا بشوفه شي عادي ويا ريت اهلي يسجلوني بموقع للزواج مثل ما الاب سجل بنته

 

[اميره1980]

انا اعرف وحدة تزوجت عن طريق اللجنة
انا قريت الاعلان بالجريدة و اقترحت عليها انها تسجل فيها
طبعا هالحجي من زماااااااااااااااان تقريبا من 10 سنوات
ما شاء الله تزوجت اول واحد شافها هناك ين عليها
اهي حلوة بس نصيبها ما ياها و الحين ما شاء الله عندها 3 يهال
بس بصراحة ساعات تقولي انها تحسفت انها تزوجت عن طريق اللجنة ما ادري ليش؟؟

 

[جامعيه كويتيه]

بصراحه حركه بايخه والرزق بيد الله سبحانه وتعالى المفروض يدعون لهادعاء الوالدين مايرد

 

[كويتية بروما]

والله زين سوى تبينه يبورون وعقب عينه يتشردون
الله يوفقهم

 

[Mjnont '3lay]

معا فوفو

 

[بنوته ذربه]

تحمد ربها ليل نهار على هالابو الطيب يابختها ماشاء الله فيه الله يخليه لها ويفرح بشوفة بنته عروس