بنت ديرتكم الثانية السعودية تبارك لكم العيد الوطني المجيد

[الآرجوانه الذهبيه]

السلام عليكم ورحمة الله وبركاتة

يا وطنا دام عزك شامخ والدين سيرة
مارضينا غير ارضك نسكن ونعشق ثراها


انتمي لك والفخر لي شخص وارضه جزيرة
من يلوم اللي يحبك ام وتغلي ضناها


يالكويتي بس اسمك لا لمع في كل ديرة
والله انه تاج اكبر من على هامة سناها


شعب ودستور وأمه ترتوي من فيض خيره
لا عدمنا من حكمنا ولا نسينا من بناها


من شمالك لي جنوبك كل شبر فيه غيره
حاسدك ربي يعينه مادرى انه ما نساها


يحتمي بك رغم غيضه اه ياشين البصيره
وين ماترحل عيونه يرجع ويذكر سماها


كل حرف لا كتبته غير اسمك استشيره
وين يا كلي تمهل ارفق ولملم حلاها


ايه احبك يا بلادي دون شك ودون حيره
كل عرق لا نشدته قال ينبض من غلاها


يا فديتك بالمشاعر والا روحي لك ذخيره
ما تردينا من اول كيف لاجت في سواها


يحفظك رب كريم من صودايف عسيره
يا منار الحق للي ضاعت حقوقه لقاها


دام الشيخ صباح يقودك سيري دروبك يسيره
والمواطن في يمينه خط ما نبغى سواها


ايه احبك يا بلادي دون شك ودون حيره
كل عرق لا نشدته قال ينبض من غلاها


يا فديتك بالمشاعر والا روحي لك ذخيره
ما تردينا من اول كيف لاجت في سواها


طبعاً القصيدة سعودية بس خليتها كويتية وكلنا ديرة وحدة وأموت في الكويت وأهلها والله يحفظ لكم الكويت وأمير الكويت

وأحسدكم على ديرتي الثانية والله خوووووش ديرة ماشاءالله وألف ألف مبروك العيد الوطني المجيد ومن عوادة ان شاء الله

اختكم السعودية ( الشرقاوية ) الآرجوانة الذهبية :eh_s(6):

 

[روح آلمشآعر]

وعليكم آلسلآم وآلرحمه


آلله يبآرك فيج حبيبتي وومشكوووورهـ مآ قصرتي




،

 

[نور الكويت]

هذا اللي انتوقعه منكم ياجيرانا واهلنا وخصوصا اليوم ماننسى موقفكم ودايما قلوبكم مفتوحه خصوصا احنا الكويتين

ويعطيج العافيه على القصيده وطبعا كلمتنا وكلمتكم وحده وعسى الله ما يفرقنا ونظل اخوان على مر السنين وتاكدوا بوقت حاجتكم تلقون الكويت ايدها بإيدكم

 

[ام فهووودي]

مشكوره حبيبتي ماتقصرين

واحنا اهل وجيران وحبايب

وعسى الله يحفظ ديرتكم ويخلي خادم الحرمين الشريفين الملك عبدالله

والله يكافينا شر الحساد

 

[العاذرية]

اهل واخوان وكلج ذوق وعسى ربي يحفظ الخليج من الاطماع


فديت اهل السعوديه هلا فيكم بينا

 

[غير كل الناس]

حبيبتي كلج ذوووووووق وماقصرتي ع الكلام الحلوو

والله لا يفقرناا انشااءالله

السعوووديه والكويت اخوان ومابين شي

والله يدووووم عزج ياكوييت ويالسعووديه

ياتاج راسي انتوو والله

 

[(بنت النور)]

الله يبارك فيج حبيبتي
مشكوره و ما قصرتي هذا العشم
و مو غريبه على اهل السعوديه
دايما واقفين معانا و شي اكيد و ما فيه اي شك
انه احنا اهل و اخوان و ديره وحده
ما قصرتي يا الغاليه
و الله يدوم افراحج يا كويت

 

[كويتيه وأتشرف]

مشكوره حبوبه هذا كله من ذوقج وطيب أصلج والله لا يغير علينا هالمحبه......ماشالله نص المسيره بالشوارع سعوديين وهذا كله يدل على ان احنا وانتو روح وحده