~بنت صغيرونـه اسمها بزه بس غير عن كل البنات | .. (عشاي في كافيه بزه ) حيــاكمــ .. !}

[Ǥoldɛn ʝɛωɛL]

بنت صغيرونه اسمها بزه
بخنق وثوب وعجفهـ ..
بس غير عن كل البنات بزهـ ..

أمها كل يوم تعلمها طبخه
لين كلمن عرف بزهـ ..
حوف زين واكلها خنين و الجدر ترزهـ ..

ومرت الأيام و كبرت بزه
وأخذها النصيب وصارت جنهـ ..
ومع الريل و العيال لهت بزهـ ..
يابخت عيال لها
كل يوم يدقونه خمسه
ريوق الحمايل ريوقهم , و غدا القبايل غداهم
والفريج عليهمـ غنى ..
بوتمبه كسر اللمبه صحن صين صحن همبهـ ..

بس لسنين تركض و العيال تكبر وكل من شاف دربه
وتمت بزه بروحها في البيت مرتزه
لين ياها العماكور اللي طاح بالتنور وقال لها حجوه
وفزت بزه وفرحت بهالحجوهـ ..
أثره الكل وله على ريحة طباخ بزهـ ..

ودلت بزه مطيبخ بالفريج يسواله همجه
على ريحته الطيبه و أكلاته الفلهـ ..
وهذا احنا متيمعين فيه وحياكم اللهـ .. :eh_s(17):

~
​

يتبع ..
​

 

[Ǥoldɛn ʝɛωɛL]

~


شلونكم شخباركم حبوبات ان شاء الله كلكم بخير

وعيدكمــ مبارك و تقبــل طاعتكم و عساكم من عوادهـ ..

اليوم حبيت انزل تقريري لهالكافيه الروعه بصراحه من ديكور و اغاني و خدمه و أكل وكل شي

بس ما اقول لكم الاكل كل شي واااو بس اوكي ..

يلا خلكم معاي ببدي اول شي والصراحه اللي عجبني المنيو الاقسام اللي فيه

يعني مو مثل المطاعم العاديه يعني قسم السلطات المشويات العصاير لا هني غير يونس

اللي اتذكره كان مكتوب " شروكه - اللي بالجدر يطلعه الملاس - .... وي وي نسيت لول ماعليه

لما تروحون شوفوه و حتى الشعر اللي حاطته من عندهم نقلته ..

يلا نبتدي .. 1 2 3

أول شي يابو لنا الماي .. طبعا بفلوس مو ببلاش ..

وطلبنا .. ورق عنب + سلطة ( لا تسألوني شسمهم لوول لاني كنت لاهيه بالمسرحيه بس عندكم الفاتوره مكتوبه بالانجلش )

حمص + خبز ايراني ( يا حلووووه حااار وترررف واخر شي مقرمش يم يم )

بعدين طلبنا سلة شروكه .. ( باكوره + بطاط + سمبوسه + كبه فيها )

و العصاير ..
عصير جزر + بانانا ميلك + عصير برتقال

وخبز ايراني مع حمسة البديان
وفيه بعد خبز ايراني ببيتزا بس اخوي ماقصر دبها دب ما لحقت اصور لول ..

وختامها تشاي + مع برد بزه اللي هو فيه كيك و أوريو يمييييييييي اشتهيته اللحين لول

و بالأخير الفاتورهـ ,,

والصراحه السعر ووايد حلو و انا بعد كنت عازمتهم لوول دايما اذا صار العيد
دايما اقول لامي خل نطلع مطعم انا و اخوي و العزيمه علي لووول ..

وان شاء الله استانستو بهالتقرير مثل ما انا استانست
وحابه اسألكم تبون مني تقارير بنفس طريقة اليوم لاحظت احسن انتم شرايكم .؟


~


وبالأخير كل الحقوق محفوظه لي و لمنتدى الغالي كويتيات
وادعو ليي انه الله يوفقني هالسنه بالمدرسه ما بقى شي عليها

 

[khawla&tito]

رووووووووووووووعه ،،الله يوفقج يارب بدراستج

 

[ام عفاف الكويت]

علييييييييييج بالعافيه تقريرج حلوو

 

[فـــخـــر]

بالعافيه والله يوفقج بدراسته

 

[Ǥoldɛn ʝɛωɛL]

الله يعافيكم حبوبات و يسلمو على المرور الطيبـ ..

 

[أحلى عيون]

بس اختي بصراحه ما طلبتوا شي على 23 دينار مو وايد غالي ولا عادي


وتقريرج حلوو وايد بالعافيه عليكم

 

[Ǥoldɛn ʝɛωɛL]

^^^^

بس احسن من المطاعم الثانيه ما ودي اذكر اسماؤهم يصكون لج بالثلاثين وفوق ..

 

[mooka 55]

يعطيج العافيه

 

[جوري الكويت]

عليكم بالعافيه

يشووق

انشالله لنا رووحه

 

[krkooora]

علييييييييييييييج بالعافيه


انا جربته اول يوم افتتاح جربته ريوق طلبنا ريوق دسمان على ما اعتقد و حليب مهيل صراحه ريوقهم حده حلو و يشوق القعده فيه تونس
و مهتمين لادق التفاصيل
و مطلعين التراث بطريقه راقيه جداً
وماشاء الله و توهم فاتحين مو من مده وايد بعيده و بطلو 3 افرع مرة وحده
جمعيه الشاميه
و قبال فرايديز البحر
و فندق ريتز السالميه
و خاطري اجرب الغدا فيه منو مجرب العيوش فيه ?

 

[هدفي الفردوس]

العيوش عندهم رووووووعه

 

[عصير ليمون]

عليج ب العافية شكله حلو ويشوق​

 

[أم مهند]

يعطيج العافيه

تقريرج رووعه ماشاااء الله

وعليكم بالف عافيه

يبي لي اجربه واخذ امي تحب هالسوالف

 

[حمرة ومحدد]

واااااو شكله يونس ، ماقصرتي بصراحه
مداخيل العافيه يالغلا , وبصراحه تقرير راقي ونتعوب عليه ؛ عساج ع القوة يارب

بس غندي استفسار صغيرون ( وين صاير الكافيه ؟ )

 

[غموض الصمت]

ما شاء الله
يعطيج العافيـة على التقرير
شوقتيني ,,,
بس وين مكانه :eh_s(7):

 

[Ǥoldɛn ʝɛωɛL]

الله يسلمكم ويعافيكم ما قصرتو على المرور

اما بالنسبه لسؤالكم حاطه المكان بالتصميم اللي قبل لا اكتب الرد الثاني

راح ارد اجاوب عليكم تستاهلون .. بجمعية الشويخ و الشامية و صار بدل مطعم ريتز ..

 

[الإسراء]

عليج بألف العافية حبيبتي..
جربته قبل رمضان ما عجبني أكلهم .. مو ذاك الزود والعيش مكسر تحسينه مو فريش ..
طابخينه من زمان ومسخنينه ..
قالي المدير المصري أشكره لما سألته ليش عيشكم مكسر ..
جان يقول لأنه طباخ فندق بعدين مخزنينه .. لاعت جبدي .. :'(

 

[أم حسون]

عافييه شكله لذيذ

 

[شقاوتي غير]

تقرير روعه

يعطيج العافيه