بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

[Alia]

مساء الخير لاحلى كويتيات وخليجيات:tek:

ولد عمتي بيخطب .. وامه تبي تفرح فيه كبر ! :cxxxp: بس اخته اليوم صارحتني تقولي ضميري مؤنبني اخوي بخيل ... نحيس... اناني.. يموت على الفلوس.. لسانه طويل... عصبي... مزااااااااااجي... حنااااااااااااااااااااااااااااااااااان مو حنون لا حنننننه .ماعنده احساس بالمسؤولية .. اتكالي... عمره ماقط فلس على اهله ... كل طبع شين فيه بس جدام الغرب عسسسسسسسل ولسان يقطر عسل !

على فكره ريلي دايما يمدحه بس يوم عاشره عددددل قالي علوي ولد عمتج مايتعاشر الله يعين اهله واللي بياخذها تخيلوا !!!!

تقولي فوق هذا اهوا راعي بنات وكل يوم قصة !(اغلب الشباب جذي بس اللي يبي يتزوج يترك هالسوالف مو حاط بنات الناس لعبه !)

تقولي امي هذا ولدها ولو شقول ونتكلم مايهمها عندها وي يتغير وي بعد الزواج يتغير بنات عمره 29 !!! شيتغير !

فتبي راييي انا سكت لاني عارفه كل شي قلت لها مادري شقولج:cxxxp::cxxxp:

لو انتوا مكانها ورحتوا الخطبه تكلمون البنت عن اطباعه ولها القرار لانه هذا زواج !؟ او تقنعون امكم تكون صريحة وتخاف الله بنت الناس؟

تقول ادري لو بقول حق امي تقول جذي بترد علي: تبين تنحشين الاوادم !اخوج يتغير مع الدنيا والزواج

ترى الزواج مسؤولية



​

 

[مناير ...!]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

شلون تقول جذي عن اخوها؟
مع احترامي لها هذي نحاسه مو صراحه
اخوها عزوتها تحجى فيه جذي ! عيل الغرب شتقول عنهم !

ولو عمره 29 ماتدري يمكن يتغير
من رايي تسكت وتخلي الناس يسالون ويعرفون الي يبون مو من اخته

 

[فاقده ابوهاااا]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

السالفه ان امه تبي تفرح فيه بس حرام تقطه على بنت وتخرب مستقبلها يعني لازم تخاف الله والشي الي ما ترضاه على بنتها لا ترضاه على بنات خلق الله وبنت عمج ابسط شي تسويه لا تروح مع امها اذا بيخطون ولا تدخل عمرها بشي وخليها بعيده .. بس والله حرام تبتلش بنت الناس مع ولد عمج

 

[مناير ...!]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

اذا هي تحبه ومحاتيه بنت الناس
فلو تحجى مع اخوها بصراحه واتقوله انت فيك جذي وجذي
والزواج يبي جذي وجذي واتصارحه بعيوبه وتقوله لاني اختك واحبك اصارحك قبل يطيح الفارس بالراس
جذي تصرف الاخت الي تحب اخوها مو تتحجى فيه من وراه

 

[مشتطـه]

انا اقول لا يختارون له بنت كامله يعني خل يختارون شوي فيها عيب عاد روحي دوري شنو هالعيب
يعني مثلا ماكو شهاده مو حلوة ذاك الزود ومن هالطقه لان حرام صراحه ياخذ كامله


حبيبة بدرج هذا الصج بعد شحقه تسكت !!!!!!!!!!

 

[Gourges]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

اناا عندي ان ماتقولون هلشي .. لانه راح يصير صج تطفيش .. وبتشوهون صورته عند كل بيت تدخلونه ..
فاعندي انكم تكلمون الولد وتقولوله عن الزواج وعن المسؤوليه الي بتكون عليه .. وشنو حقوق الزوجه وشنو واجباته تجاهه ..

لازم ابوه يكلمه او عمه بهلخصوص اذا لقا بنت الناس الي توافق عليه ويوافق عليها .. اما شخصيته ترى صج تتغير بعد الزواج

وترى الريال مع اهله شي ومع زوجته شي ثاني

اكبر دليل ومثااال وقدوه " خالي" قبل لا يتزوج امي تستحي تخطب له وخالاتي نفس الطريقه لانه نفيسه ولوعة جبد ومايتكلم وان تكلم يقول كلام يسم البدن وحجر ويغث الي ماينغث ومحد يتحمله اهله مو متحملينه .. يوم تزوج والله ثم والله تغير 180 درجه مع مرته شي ثاني ... عسى الله يهنيه ويثبته يارب ....


فا عندي لاتشوهون صورته انتوا اهله ستر وغطا له ... ونصحوه وخلوه اهوا يخط حياته ...

وكل وحده ريلها فيه عيووب .. لكن يوم خطبونا ماقالوا لنا عيوبه وعذاربيه ووافقنا كلنا وكل وحده تغيرت علشان زوجها وزوجها تغير علشانها .. وتمشي الدنيا

 

[RoSe PeRFuM]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

الله يعين والله يهديه يارب

انشاءالله المرة تقدر اتغيره

 

[درة أهل الطولات]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

يلقى اللي تنااااسبه

 

[Alia]

رد: رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

شلون تقول جذي عن اخوها؟
مع احترامي لها هذي نحاسه مو صراحه
اخوها عزوتها تحجى فيه جذي ! عيل الغرب شتقول عنهم !

ولو عمره 29 ماتدري يمكن يتغير
من رايي تسكت وتخلي الناس يسالون ويعرفون الي يبون مو من اخته

حبيبتي احنا اهل اهي ماشكت لاحد غريب انا بنت خالها !! واهي مثل اختي انا من منظوري الخاص اشوفها صراحة كلش مو نحاسة يعني اللي يخاف الله ببنات الاوادم صار نحيس؟ رايج واقدره:eh_s(17):

واهي تبي الراي ماقالت لاي انسان شي من الكلام اللي انا ذكرته وصج ولد عمتي انحس ماخلق الله اللي ريلي يالغريب عنهم نطق ! وانا زوجي نوعه ماله شغل باحد بس ماتكلم الا شايف الويل:ssssso:

 

[Tom ♥ Jerry]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

.



حتى لو فيه عيوب الدنيا على قولتهآ المفروض مآ تقول جي عن اخوهآ الله يهدآهآ !
المهم / الزوآج يغير .. و الريال مآ تسنعه الا المره
يعني يمكن اهوه مع الناس مو زين باجر تشوفينه مع زوجته أحسن وآحد بالعآلم
و في بعض الرياييل العكس ! يعني مع زوجته مو زين
و مع الناس عسسل :* !

لا تزوجونه الا اذا اهوه الي طلب هالشي !
اذا اهوه ييه حق امه و قالها ابي اتزوج آكيد تروح تخطبله
عشان مآ يصيع لوول ! :$
و على شطآره المره .. المره الشاطره تغير الريال 180 درجه
و تعوده من أول الزوآج أنه يسير على الخط المستقيمـ آنتوآ مهمآ تكلمتوآ فيه
مآ تدرون شنو يصير بينه و بين زوجته !!
و البيوت اسرار ! خلوه يعيش حياته و ادعوله بالهدايه بدل هالكلآم
الي مآله دآعي : ) !

 

[~.ąvȍƈaȚ.~]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

اكيد لي سألوا عنه بيعرفون هالعيوب...اما لي الناس جذبوا على اهل اللي خاطبينها فالله يعينها !!

دفنت نفسها بالحيا

بس حاولوا تخلون فترة خطوبه يتعرفون على بعض عشان البنيه تعرف طبعه و تختار تكمل و الا تفلها !!!

كسرت خاطري اللي بياخذها والله

 

[ام العبايه]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

كل فوله لها مكيال وان شاء الله يتوفق انتم اذا تبون وتخافون على بنت الناس صلحوا ولدكم ماكو شي ما يتغير والعصبيه لانه مومتزوج ولا مستقر ولا شاف ياهل بحظنه ليش تبونه يتغير وانتم ما تحاولون فيه اخطبوله واشتغلوا عليه اشترى هدايا وجب عروستك اثث بيتك هالشهر المجله تبي زياده علشان الناس تجي تبارك حركوا جيبه عمره مو صغير افرحوا فيه بتلاقونه بيتغير وعقب زواجه لا تذكرونه بماضيه سواء البخل او العصبيه خلوه لمرته يمكن تطلع ابخل منه وبيتوالمون ........ وامه ما تبي المستحيل بتزوجه لا تقولين للبنت ان اسالت لا تمدحون ولا تذمون لان نصيبهم جذى

 

[الأميرة جوري]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

مادري بصراحه ..!!!

 

[أميرة ملكية]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

وووووي لاتخااااااافين على بنات الناس لانه كل جدر ويلقى غطااااااااه

 

[.،:"$الـعـوبــــة$":،.]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

والله انا وحدة عن نفسي اذا حبيت احد ماعاد اشوف عيوبه ،
واخواني وعيالي لو فيهم عيوب الدنيا والدين ماشوف عيوبهم !
بعدين ترى ماتدرين لو بكرة ياخذ وحدة ويركض لها ويطيح من كثر مايبي يرضيها !
خل اعطيك مثال ،،
اعرف ناس عندهم ولد وربي عصبي لدرجة مو معقووووووووووووولة !!
اهله يتجنبونه عشان مايصرقعهم !!
تزوج ،، وجاب عيال ولاعرف يتفاهم مع زوجته !! وكان يطقها ! وطلقها !!
الحين تزوج مرة ثانية !! وربي ماشاءالله تبارك الرحمن !!
لو بحلف بقول مو هذا نفسه اللي قبل !!
ليش ؟ لأن زوجته الثانية عرفت له وعرفت اتصرف معاه وتهاديه وترضيه !
يجيبها ويوديها ويعزها ويغليها ويرضيها !! شوف عيني !!​

 

[Tulips]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

انا اشوف لازم يكلمون الصبي نفسه على هالحجي ولا وحده بترضى فيه

الاحسن يغير من نفسه حق نفسه

اما بالنسبه لسؤالج مادري والله مانحطيت بهالموقف بس اذا اخوي فيه هالصفات اكيد بكلمه وبحذره واذا اهو مو قد الزواج ومارضى يتغير ينجازون كلهم مالي شغل

 

[ام محمد الشمري]

الله يستر علينا وعليهم

 

[~دلوعه^و^تدلع~]

حــرآآم
لا يظلمون بنات الناس ويأه وربي حرام اعرف وحده جذي خذت واحد في هالمواصفات وربي جنج تكلمين عنه
توهقت معاه و لا قدرت تكمل
لازم اذا بيخطبون يعلمون النااس بشخصيته و ان اهو جذي و جذي لا يظلمون بنت الناس في واحد نفسسسه
و لا تقولون لي وقت السسؤال يبين لان اهو مثل ما قالت مع الناس غيير عسسل وربي نفس البنت و اللي صاار لهاااا
يا اخي اذا ولدهم في هالمواصفات لا يزوجونه خله عند امه وايييييد ارحم له و ارحم للناس
:0bee2e8d89:

 

[nora al]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

امبييي شلوون اخته وتتكلم فيه جذي !!!

مبين انهاا مااتحبه ولاا تحب له الخيير

اناا اقوول انتي لا تتدخلين بالمووضوع وماالج شغل فيهم عشاان لايحووشج شي منهم والناااس تعرف تسال وكل شي نصيييب

عاد اهي كيفهااا تقوول ولااا لااا مالج شغل فيهاا باجر تحط شي برااسج او تشيلين ذنب الاصبي او البنت اللي بيخطبهااا

مثل مااقالت العوووبه وانا معاها بالراااي وايد وااايد شفت ناااس عسرييين وعند المره يتخرفنون عدل عدل عدل تصير اهيه تمشيه بكيفهاا على الصح والغلط !

الله يهديه ويرزقه

 

[نبض السعاده]

رد : بنت عمتي تبي رايكم: اذا اخوج بيخطب وفي عيوب الدنيا شنو موقفج؟؟؟؟

الله يرزق
غلطانه. البنت ل
تقول عنا جذي
ليش يعني ماحققه يتزوج الله يرزق ويهديه