بنضعف يعني بنضعف !!

[مات الاحساس]

:yaaaaaarb:السلامـ عليكم ^^
انا طبعاً لي تاااااااااااااااااريخ حافل في هالمنتدى هههههه !!
ادش القروبات يوم واحد او اسبوع
واطول مده اسبوعين
عقب اخورها
واستحي ارجع هههههه !!
لكن هالمره باسوي لي موضوع بروحي انا
وابي وحده او ثنتين يلتزمون معاي ونشجع بعض !!
راح ابتدي ان شاءالله يوم الأحد تاريخ 20-11-2011
لما الله يكتب هههه !
مافي مده محدده
لما اضعف ويتعدل هالجسم العوي
وزني اخر مرة كان 95
بس اتوقع زاد وايد في عطله العيد هههههه !
باوزن وباحطه على يوم السبت

 

[زنوبة الحلوة]

موفقه حبيبتي

وانشالله تضعفين بصحة وعافيه

 

[عصير برتقال]

انشاء الله تضعفيني

بس انصحك تشترين ميزان انا اول مثلك ماهتم في وزني ابد بس من شريت ميزان

صرت اراقب وزني والحمد الله نزل شوي ^^

 

[Jalowry]

مبروووك على التجمع اليديد حبيبتي ..
وان شاء الله راااح اتابعج دايمااااا..
موفقه...

 

[فجر_الكويت]

موفقه خير يارب

 

[صريحة جدا جدا]

حبيبتى اشجعج وانضم وياج انا وزنى الحين 77 كيلوو على الميزان وطولي 172 سم اول كان 88 كيلوو ونزلته والحين مواضبة 40 دقيقة رياضة ووجبات دايت سنتر حق الدايت وحركتى كثيرة واشرب موى مخلوط بورد الربيع وشاى اخضر كثيررر ووزنى مو راضي ينزل على الميزان الا الاحظ يزيد 500 جرام وثانى يوم يقل وهكذا ماادري اشلون جذي مع ان الميزان اللى استخدمه بيرو المانى من الصيدلية شاريته شنو الحل لمشكلة ثبات وزنى؟؟؟؟ ابي اشترك وياج

 

[برستيجي مآركة]

هلا حبيبتي انا بعد راااح انضم لج ... وببدى من يوم الاثنين ان شاءالله احط لكم يومياتي ...
انا اليوم تخفيف والاحد راح اكون عازمة صديقاتي...والاثنين ببدى معكم اوووك ...

والله ينحفنا بصحه وعافيه...

 

[برستيجي مآركة]

وعلى فكره حلو اسمع التجمع عجبني....

 

[ام حــ م ــودي]

السلاااام عليكم بنااات شلووونكم
انا بعد ويااااكم
واخييرا لقيت تجمع يديد كنت ادور احد ادش معاه
انا اتابع من الاي فون يعني باذن الله راح اكون متواااصله معاكم

انا باديه من يوم الثلاثاء اللي فات يعني صارلي خمس ايام
مااشي حالي تمام
رجيمي رجيم صكي حلجج الاكل قليييل جدا وكله ماااااي
لان ابي اضعف وايد بوقت قصير عندي عرس قريب
وبعد بيني وبينكم لاعت جبدي من شكلي 

الوزن الحالي تقريبا ليما اشتري ميزان : 88
الطول 169
العمر 22 
الهدف الاول 75
الثاني 65
الحلم اطيح 20 كييلوووو بثلاث شهور
عاد نبي همه ونشااااط بلييييز
قواكم الله

 

[ام حــ م ــودي]

اليوم السبت
قعدت الضحى عالساعه ١١
وتوني اتغدى سلطة روب وليمون وهالبينوو يعطيها طعم شوي
وكليت تمره وحده وحاطه جدامي دولكه مااااي وهاااات بهالقلاصات
هههههههههههههههه
العشا للحين مافكرت فيه بس بخاطري جبده مشويه مع طماط وفلفل بارد
اكلها بشووكه طبعا وطاسه صغييره
راح يكون عالساعه ٦ تقريبا وبسسسس
بعدها ولاشي غير الماي لي باجر

 

[فواصل]

مساء الخير

اتمنى لج التوفيق

 

[اللؤلؤ المتناثر]

موفقين يابنات وإن شاء الله نضعف كلنا

​

 

[love u 4ever]

زيييييييييين لقيتج ولقيت موضوعج

أنا معاك 100% تعبت مليت من وزني

كل يوم اقول باجر باجر ابدي

بس اليوم بديت .. بصوم هالأسبوع كله إن شاء الله بنية القضاء ..

أبي أنزل 20 كيلوووو يارب بصحة وعافية

مابي اقول وزني استحي لووول

بيكون فطوري اليوم : لبن قليل الدسم + تمر + سلطة + توست أسمر وجبن شرايح قليل الدسم

إذا حسيت بجوع باكل تفاحه خضرا

وبشرب نسكافيه من غير سكر

وماااي ليما انام

وبس

يارب يقدرنا يارب ..

 

[a7laa-_-zozo]

:eh_s(2)::eh_s(2):

انا معااكم

افففف كان جسمي يهبل قبل لا اتزوج من تزووجت زدت 10 كيلوو

انا معااكم بضععف بنزل 20 كيلوووو بشهريين يااااااااااااااااااااااااااااااااارب


رجيمي بصكر حلجي ماني ماكله شي بس اذا حسيت اني بطييح باكل جبنه :eh_s(2):


وووو بصوووم شهر كامل وفطووري بس مااي :eh_s(2): وعصير برتقال وتووسته جبن :eh_s(2):

 

[a7laa-_-zozo]

اليوووم تغديت بيتزا قطعه وحده

وبطاط شويه مقلي

وقطعة كاكو بيسسس وعشاي بس جاي اخضر وبنااام

 

[a7laa-_-zozo]

شوووووفووها مشااءالله اتششجعو ولا بغيتووو تاكلون تذذكروها وقوولوو الصبرررررررر يا الصبر

 

[خليفة العظماء]

ان شاء الله نضعف مع بعض 
بس ما التزم بتجمعات عندي اشغال متي ما افضا اطل طل

 

[خليفة العظماء]

شوووووفووها مشااءالله اتششجعو ولا بغيتووو تاكلون تذذكروها وقوولوو الصبرررررررر يا الصبر

وييي هذي ضعفت وتفصخت ههههههه
ماشاء الله يارب اضعف وتفصخ داخل بيتي هههههههه
مفيش ثقه

 

[ام حــ م ــودي]

ماشاءالله بيبسي وبيتزا وككاو وبطاط تشبس!!!
ههههههههه خووش رجيم
شدوووو حيلكم

 

[ام حــ م ــودي]

للحين مادري شنو ريوق الدوام بس عموما انا اكل الصبح
نص سندويشه او نص فطيره او توست وجبن
يعني من الموجود بس نص حبه
واشرب جاي او نسكافيه اذا كافي اخذلي بطل ماي بسسس

واذا رديت البيت ودي اجرب روب وفواكه حق الغدا يمدحوونه
يمكن يطلع لذيذ
وراح احاول قد ما اقدر اخرررر وجبة الغدا