بنـأت الحقونى شعري لونه اصفر وقام يطيح

[هــديــل]

[font="comic sans ms[COLOR="Black"]"]اهلين بنات

حبوبات انا طايحه بوررطه امس رحت الصالون على ابو اصبغ شعري قالتلي انتى شعرج مصبوغ لازم اسوي سحب لون

وبعدين اصبغ لج اللى تبين المهم حطت سحب اللون وقام جلدت شعرى تحكنى وتحرقنى قمت اصارخ علها اغسليه المهم
غسلته وحطت لى اللون اللى ابيه اللى اهو اشقر زيتونى وغسلته بسرعه
يوم قمت الا الله لايوريكم شعر اصفر جنى عيووز واصرخ عليها تقول انتى قلتى تبينه فاتح المهم انا ماتجادلت معها وايد لان زوجى كان ينطرنى برا وهم بيسكرون قلت ارجع لهم باجر واقولها تعدل لي اللون

المهم يوم ارد البيت الاالشعر اللى بنهايه راسي كل طاايح ومن ورا اذونى هم كله طايح صاير مكانه ابيض يخررع

الحين انا على ويه عيد شعري لونه اصفرر ومااقدر اصبغ صبغه عليه اخاف يطيح كله

ابي شي يغمق لون الصبغه غير انى اصبغ مره ثاانيه تكفون بنااات ساعدونى الله يخليكم مابقى شي ع العيد

شسوى بهالورطه[/font][/color]

 

[الـــغـــلآ]

رد : بنـأت الحقونى شعري لونه اصفر وقام يطيح

الله يعينج يآ حبيبتي انتي وربي حآآسهـ فيييج

اصلآ انآ سآآآمعهـ قبل ان السحب يخلي الشعر خشششن

ان شالله يفيدؤؤؤنج

 

[غرووووور]

رد : بنـأت الحقونى شعري لونه اصفر وقام يطيح

يبا روحي الجمعيه وإخذيلج صبغه وصبغيه أبركلج
ولاتسوين سحب لون مره ثانيه لأن يحت الشعر كله

 

[شوشو العنزي]

رد: رد : بنـأت الحقونى شعري لونه اصفر وقام يطيح

يبا روحي الجمعيه وإخذيلج صبغه وصبغيه أبركلج
ولاتسوين سحب لون مره ثانيه لأن يحت الشعر كله

لالالالالالالالالالالالالالالالالالالالالالالالالالالالالالالالالالالالالالالالالا
حرام :eh_s(11): بعدين تتعب فروة راسج بروحها حرقت شعرج حبيبتي بلا صبغ بلا هم يحزنون
حني شعرج واعتني فيه حرام حنا بويه عيد تصبغينه مره ثالثه تلتهب جلدة راسج

 

[G!RLooNa]

امبيه حسبي الله عليهم لا تسكتين لهم روحي تهاوشي وياهم شرشحيهم اخذي فلوسج و هدديهم انج بتشتكين عليهم و انصحج تروحين دكتور جلديه

 

[هــديــل]

ريلي حلف ماادش الصالون مره ثانيه
اليوم رحت دكتور جلديه يقول الشعر يبيله فتره علشان ينبت من جديد
الحين انا مو مهتمه للشعر اللى طاح ابي شي يغمج لون الصبغه مابقى شي على العيد تكفون بنات ساعدوني
اكتبلكم ودمعتى على خدي

 

[نسايم عود]

رد : بنـأت الحقونى شعري لونه اصفر وقام يطيح

والله صار لى اللى صار لج

ونفسج كنت ابى اغمجه باى ثمن
والفروة احترقت ولى الحين يتساقط وبهبل
انصحج اشترى صبغه خاليه من الامونيا تكون غامجه شوى
وصبغيه شتسوين بعد
وبعدين قصى اللى احترق كله وراجعى عياده جلديه وانتظمى على العلاج

عندج لازارتيك اللى بالسالميه عندهم صبغات غامجه من دون امونيا بالاعشاب
وعندج صبغة سوان تحصلينها بصيدلية جمعية الشاميه والروضه
بس لا تخلينها على شعرج فتره طويله يدوب 20 دقيقه او نص ساعه بالكثير

ونصيحه من اخت انتظمى على جل الصبار الطبيعى علاج للفروة وينبت الشعر
وما تشوفين شر

 

[انثى مخملية]

نفسسسسسسسسسسسسسسسس اللي صااااااااااااااااااااااار لي بالضبط
من سنتين وللحين تعبااااان ندمت قد شعر راسي عالسحب ...
اختي لا تصبغين مره ثانيه بهالفتره حاولي تعالجينه
واذا عن الصبغه كلش لا تروحين الصالون يبي صبغه يبيعونهااا عند النسائم اعشاب طبيعيه اللي بشارع سالم المبارك ما يعطونج الا يوم يشوفون شعري وشنو الصبغه اللي تناسبه وشنو يطلع اللون يعني يريحونج
انا سويت جذي والحمدلله قدرت ارقع حق نفسي وبعد العيد خلاص اعتني وكله زيوت وحمامات ولا تحطي حنه زيوت كافي
عشان بعدين يمكن بخاطرج تصبغين تقدرين مايقولج عشان حنه
وانشااااااااااااااااااااءالله قدرت اساعدج حبيبتي

 

[ﺂلعيوטּ ﺂلناعسـﮧ]

لا تسكتين ررررررررؤحي لهم هذا شعر يا قلبي

 

[عذبني السهر]

رد : بنـأت الحقونى شعري لونه اصفر وقام يطيح

حبيبتي الله يعينج
حطي حنه وحطي فيها قهوه واذا لقيتي عند العطار في نبته اسمها نبتة النيل تسود الشعر بس اكيد ع الاشقر مارح يسير اسود بس بيغمج اخذيها مطحونه وضيفيها للحنه مع شوي ماي وانشالله بغمج شعرج

 

[مانسيته]

رد : رد: بنـأت الحقونى شعري لونه اصفر وقام يطيح

الحــــــــنـــــــــــــــــــــه احسسسن شي لحااالتج يخلي شعررررج بني بس شوفي لا يكون معااه قرمز او شي يخلي اللن احمر لان مع الصبغه يصير برتقاااااااالي ومادري مايضبط اخذي حنه اسووود وبغدين فكري تصبغينه بس عالاقل شكلج مايكون غلط وانشالله اكون فدتج

 

[المطيريه]

رد : بنـأت الحقونى شعري لونه اصفر وقام يطيح

لالالالالالالالا تصبغين ديربالج والله لاتخسرين شعرج كله ( الله لا يقولها )

الي صارلج صار لاختي وصار لون شعرها حده يلوع الجبد

بعدها بيومين راحت واصبغت صبغه على اساس انها ما تاثر عشان تعدل اللون ...رجلها كان مسافر وخافت يجي ويشوف صبغتها ومن ثاني يوم شعرها كله قام يطيييح خصل خصل ....تقولين جنها حاطه نير بشعرها

خسرت ثلاث ارباع شعرها وفروت راسها احترقت وجبهتها صارت شكبرها ..... ولله الحمد راحت عالجته باحدى المراكز المعروفه ورجع شعرها كثيف وطويل ( ماشاء الله تبارك الرحمن )

بس بعد شنوو بعد معانات ورجلها زفها لانه يموت بالشعرالطويل والكثيف ..... وهذي شعرها منتف شوي وتصير صلعه وتزاعلوا

فلا تقولين عيد ومعازيم المهم شعرج لاتخسرينه

واذا على اللون حطي حنه ابرك لج

 

[شهرزاد77]

رد : بنـأت الحقونى شعري لونه اصفر وقام يطيح

الله يعينج سمعت ان الحنا فوق الصبغ تكسر الشعر روحى لصالون لابلوبيل وهم راح يضبطونه لج عند صفاء ومنتجاتهم كلها طبيه وتحطلج حمايه لشعرج انا صبغت وقالت لازم اسوى تنظيف اللون يعنى نفس السحب بس اخف لامكوناته طبيعيه وبعدين ما حطت السحب على فروت الراس قالت علشان ما تحترق الفروه وشغلها زين ووتعطيج كريمات وشامو خاص للشعر التعبان ................بالتوفيق

 

[هــديــل]

ردودكم خرعتني
انا سامعه الحناء مو زينه ع الشعر بعد الصبغه تيبس الشعر وتخليه جنه ليفه
وهو مو ناقص علشان اكمل عليه

شرايكم احط صبغه طبيعيه بدون امونيا بالاعشاب
تكفون ردو علي

 

[نسايم عود]

رد : بنـأت الحقونى شعري لونه اصفر وقام يطيح

ابتعدى عن الحنا

صدقينى بيصير برتقالى من قلب
حطى صبغه بدون امونيا
ترا لوريال منزلين بعد صبغه بدون امونيا بروفيشنال
اسمها نواا تلاقين اغلب الصالونات السنعه عندهم انا جربتها بنفسى عند لابلوبيل وتلاقينها عند اغلب صالونات الشعب
ما تاثر ع الشعر نهائيا ولا جنج حاطه صبغه
ولاريحه ولا شى

سالى عنها ودقى قبل لا تروحين
جربيها وتوكلى على الله
ولا تسمعين للبنات اللى يقولون لج حطى حنا والا حنا سوداا
مصيبه الا هالشيئين نهائى لا تفكرين فيهم
اذا تبين شعرج

 

[هــديــل]

ابشركم صبغت صبغه بدون امونيا لوها كستاني فاتح صار شعري لونه يهبل
على شقارر

اشكر ككل البنات اللى ردو علي

 

[مانسيته]

رد : رد: بنـأت الحقونى شعري لونه اصفر وقام يطيح

زيييين الحمدلله ربي عطاج على قد نيتج

 

[over love]

ابشركم صبغت صبغه بدون امونيا لوها كستاني فاتح صار شعري لونه يهبل
على شقارر

اشكر ككل البنات اللى ردو علي

زين الحمدالله عاد اهتمى بشعرج الحين