بنــات عشان خاطري بس دخلووو واقروو الموضوع مو لازم تردون ياحبايب قلبي محدثتكم نونوجين

[نونو جين]

بسم الله الرحمن الرحيم

ازيكم ياحلوين عاملين ايه
اخبار العنايه والحنه والحش ايه؟<< من كل بستان زهره

والله اني احبكم يااحلى بنات سنع وعقل وايثار ودين واخلاق اسم الله عليكم
المهم
زور ابن الزرزور اللي عمره ماجذب ولاحلف زور ذبح بطه وبقه وترس سبعة جحور
ماعلينا
ابي كل وحده تتخيل نفسها بهالموقف


انسان مهم بحياتج يدافع عنج ويحبج واذا طحتي بمصيبه اول من يدافع عنج اهوه تخيلوو حتىى خواتج اهلج يتخلون عنج الا اهوه يوقف معاج حتى لو كنتي غلطانه بحقه غلط جايد محد يقدر يغفره لج بيسامحج بكل بساطه ورضىى ..
فووووووووووووق كل هذا
تهزئينه وتغلطين عليه جدام الناس وتخلين الكل يستهزء فيه !!!!
والله يابنات ان كلنا سوينااا جذي تدرون بمنوو؟؟

الرسول عليه افضل الصلاة والتسليم يوم القيامه الكل راح يتخلى عنج زوجج امج ابوج اخوج عيالج اللي ودج تعطينهم روحج وقلبج كلهم بيقولون نفسي نفسي

الا اهوه بيقول امتي امتي (( كل انسانه مسلمه ))
منو فينا ماتغلط محد كامل محتاجين احد يشفع لنا محتاجين احد ينصرنا واهوه من غير شي بيدافع عنج ويتسوط لج
وهذولا قاعدين يهزئونه واحنا ماعندنا غير التحلطم
اللي نبي نسويه شي سهل وبسيط


الدعاء والاستغفار
هذولا الشركات اللي تمول وتسوي هالبلاوي نقاطعها لانها ماصارت والا كبرت الا منا لو بنحسب مدخولها من الكويت بس او الامارات بس او أي دوله عربيه
ماني حالفه بس بيطلع حددد 70% من دخل الشركات هذي

واللي بتقول شكوو
((احنا قاعدين نعطيهم فلوس عشان يسبون رسولنا ))
قاعدين نشتري منهم واهمه بهالفلوس قاعدين يطغون ويستهزئون برسولنا عليه افضل الصلاة والتسليم اهمه اهم شي عندهم الفلوس مافي شي يردهم الاالخساره الماديه عن سوالفهم الوصخه حسبي الله عليهم والله يسامحنا على سكوتنا

شرفني تواجدكم
واسعدني واثلج صدري
الله يسعدكم دنيا واخره يارب​

 

[sara bent elkuwait]

يسلم لسانك 00بس منو يتعظ اذا الحكومة راضية وتستقبل بضايع الحيوانات هذولى 0البداية من الحكومة يجب منع السلع واتخاذ موقف صلب هذا غير النائب الهولندى الخنزير الى ناوى ينتج فيلم عن القران الكريم ويشبة بكتاب كفاحى لهتلر 0 بابى انت وامى يا رسول اللة

 

[miss_avocado]

جزاج الله الف الف خير و الحمدلله انا مقاطعه من اول مابدو رسوماتهم البذيئه حسبي الله و نعم الوكيل فيهم

 

[Anwaar]

يعطيج العافية نونو جين على الموضوع صارحة كلامج عين العقل وانا أن شاء الله راح أمشي على هالشي ألا رسول الله صلى الله عليه و سلم

تشكرات

 

[فررررح]

تسلم ايدج والله الى اكتبت هالموضوع

واحناااااااااا مقصرررررررررررين وايد حتى المقاطعة ماتسوى شى جداااام مهانة الرسووول

الا رســــــــــــول الله

بس للاسف العرب والمسلمين لازالو فى ضعفهم وخوفهم من الهيمنة الاوربية

 

[MissChoco]

عليه الصلاة والسلام

يزاج الله خير

وجعله الله في ميزان حسناتج

اي والله صاجه ..

 

[ღ•»الًـجٌـوِرٌيّ«•ღ]

جزاج الله خير

وحسبي الله عليهم

 

[sereen]

عمرى انتى ورسووول الله وال بيته الكرام , بصراحه زين سويتى ذكرتى الناس وياريت بين فترة والثانيه يصير تذكير انا من ناحيتى مقااااطعه :
ستار بوكس والمنتجات الدانماركيه .

لو اهم جان شفتى المظاهرات اللى تصير بين فترة وثانيه ولا يسوووون منظمات معاديه كله من الناس عندنا ليه قالوا مانستغنى عن المنتج لا ن الطعم يطلع غير , اشدعوا يبا البديل متوفر .

على فكرة سالفة الحكومات اجمالا موبس الكويت كلها سياسيه, وتبادل مصالح بينهم اذا ماشاروا منهم راح اتيييييهم دوله عظمى اتكسرهم , عاد من متى دولنا رفعت راسها بووووويهم , السمع والطاعه لهم والمذله للحكوماتنا

بس احنا الشعوووووب لازم نتحد . وجود ستار بكس ولا المنتجات الدانمركيه فى دولنا مومعناته ان الحكومه " ولى الامر" مسؤل عن اللى يصير ويكون شماعه وعذر لنا , لا بالعكس الله انعرف بالعقل مانشاااااااف !!!!

الف الف شكر لج عمرى وعساج على القوة

 

[عنايد]

حسبي الله عليهم ونعم الوكيل اللهم دمرهم وزلزل الأرض من تحت أقدامهم

مشكوره اختي

بأبي وامي أنت يارسول الله

 

[عنايد]

حسبي الله عليهم ونعم الوكيل اللهم دمرهم وزلزل الأرض من تحت أقدامهم

مشكوره اختي

بأبي وامي أنت يارسول الله

 

[أمونه الأموره 2007]

جزاج الله خير
جعله الله في ميزان حسناتج

 

[نونو جين]

ابشاره
وصلني انه
سفير الدنمارك ورئيس الوزراء وقناة دنماركيه
تسعى لايقاف المقاطعه
لانه خسايرهم 2 مليااااااااااار
وبعد 7 اشهر في حال استمرت المقاطعه راح يخسرون
تدرون جم ؟؟؟


............؟؟؟؟؟؟؟؟؟؟؟؟؟؟؟
40 مليااااااااااااااااار
هذا اكبر راااااااااااادع والله فرحة من كل قلبي​

 

[الاسطورية]

الصوره هذي لازم يكون لها مصدر موثوق كي دي دي مافيها شي؟؟؟؟؟؟؟؟؟

مشكوره نونو

واللهم صلي وسلم على محمد

 

[كريستال ليدي]

مشكورة وايد وايد عالموضوع بس عندي معلومة للتنويه فقط ان بالنسبة حق شعارات البضائع الموجودة ترى كي دي دي مو دنماركية كي دي دي كويتية 100% بس اسمها الشركة الكويتية الدنماركية ... و بهذا اقتضى التنويه !

 

[نونو جين]

ساره بنت الكويت
حبيبتي هذي سياسه اكبر منا ومن دولتنا بكبرهاا مايقدرون
بس محد يجبر الناس ويجبرنا انه اشتري الشي الفلاني
والحمدلله منتجاتهم في 100 الف بديل لها مو ضرورات يالله لك الحمد






ميس افووكااادوو

جزاج الله سعادة الدنيا والاخره






انوااار

ان شاء الله كلنا يارب






فرررررح
محد ضعيف لما تدمرين اقتصاد دوله هذا شي مو شويه







مس كيكااا
وياج اجمعين






بنت القبايل






سيرين
لاخلا ولاعدم رايتج بيضه
وصح كلامج طلعتي كل اللي بقلبي
بس اذا هالمحلات مالقت احد يشتري منهم بتلعن ساعة عمرها
وخل تقعد وتقاوم واهياا تصفررر من الزباين
الحل بيدنا وشورنااا بيدناا محد يغصب احد







عنايد




امونه الاموره





شرفني تواجدكم واسعدني مروركم والله
والله يسعدكم دنيا واخره ويوفقكم يارب
والله يفرح رسولنا الحبيب صلى الله عليه افضل الصلاة والسلام فيناا​

 

[نونو جين]

اذا كويتيه شكو حاطين اسم الكويتيه الدنيماركيه
عن العين والحسد
والا فخر واعتزاز

هذي مو سالفه بعد

حياكم الله​

 

[صبره بنت حلتيته]

افا عليج اقااااااااااااااااطع الدنمارك واهل الدنيمارك وبقرة الدنمارك
وعلى فكره منذ مبطي مقاطعينهم؟
الا وينج وين ارضج من سماج ؟؟؟ ليش قاطعه فينا احنا مانقول امواااااااااااااااااه احنا مش بقر الدنمارك؟؟
دحنا ولاد حتتك ؟؟؟افا ياذا العلم تونا نشوفج ؟؟؟؟>>>>مصري على اللي تبين لهجة عجيبه

يسلمو عالموضوع ياحلو

 

[نونو جين]

ياهلا ياهلا
اسفرت وانورت واستهلت وامطرت
من وين طالع القمر
واحشتني يااااااااابت

شرفني تواجدج ياقميل​

 

[الكادي 1981]

الا رسوولنا الحبيب ,,,,, واحنا معاج قلبا وقالبا

 

[أمواج البحر]

عن نفسي من اووووول ما بدت السالفه لي يومج وانا مقاطعتهم

والله يعوضنا و يعينا

جزاج الله خير حبوبه