بنننات سااعدوني نفسيتي زيرررو زهقااانه بمووت

[متينه وابي اضعف]

السلام عليكم والرحمه


بناتي حبياتي بنات كويتيات


انا وزني 115 بمووت من السمنه


اللي يشوفني يقوول عمري 60



ارجوكم ابيي حل


انا معاي الغده واحاتي استخدم جاي بايوجي



عطوني حل



خلاااااااااااااااااااااااااااااااااااااااااص تعبت ابي اضعف ابي يصير وزني 60





احس انه من المستحيل اضعف






ساعدوني وردوا علي






بانتظارركم

 

[رشيقـة المستقبل]

مافي شي مستحيل

والله انا ماعمري تخيلت اني بضعف وضعفت الحمدلله وان شالله اوصل الوزن اللي ابيه دعواتج

المهم
انتي لا تسوين رجيم دايركت اول شيي خففي اكل ..

مثل صحن الغدا شيلي منه ربعه بعدين بعدين نصه ..

وكثري شرب الجاي الأخضر ..
ولا تاكلين اشيا فيها دهن وايد ..

والسكريات قللي منها بشكل كبييير ..

وبتنزلين اهي صج ماراح تنزلين بسرعه بس احسن لأنه اللي تنزل بسرعه ترد بسرعه ..

والوحده كل ماصار وزنها كبير تنزل اسرع لأنه السوائل تكون اكثر والله يضعفج بصحه وعافيه

والله يهديني مااخربط لأنه صار لي اسبوعين اخربط

 

[Heaven Light]

حبوبة الله سبحانه وتعالى يقدر انه يبني الارض والسما بيوم واحد بس سبحانه بناهم بست ايام علشان يعلمنا الصبر وانه ماكو شي يصير بيوم وليله

انا مثلج متينه واعاني بس مو لدرجة اني ما اقدر الاقي حلول وجاي بيوجي مو حل


حبوبة اول شي ..

استعيني بالله وثقي انه يقدر يساعدج اذا طلبتي منه .. كل يوم بكل صلاة ادعي الله يقوي ارادتج ويشفيج من المتن والغده ..

ثاني شيي ..


روحي راجعي طبيب للغده يعطيج ادوية تكون جرعتهم مناسبة علشان يسوي الايض عندج طبيعي فيساعدج بالضعف ..


ثالث شي ..


تابعي مع اخصائي تغذية ولا تمشين على نظام من راسج ولا من النت لأن الاخصائي كثر ما هو عارف شغله بعد يعطيج دفعات وتشجيع معنوي ..

ولا تروحين للي همهم الربح على حساب الصحة امثال طالب الشمري وعيسى دشتي .. واما عبدالله المطوع اذا ما عنده مواعيد لا توقفين نفسج عليه الله ما كثر الاخصائيين ..


رابع شي حاولي تغيرين عاداتج الغذائية البسيطة .. يعني مو لازم تعشين قبل النوم .. ولا تشربين مشروبات غازية كل يوم او تاكلين كاكاو كل عصرية .. غيري بهالامور البسيطة راح تساعدج ..


خامس شي .. دخلي النشاط الرياضي ضمن حياتج .. كل يوم نص ساعة لما تزيد تدريجيا ساعه ..



والله يساعدج حبوبة وتوصلين للي تبينه ..



​

 

[modern]

الي عندها غدة ما اعتقد ينفع معاها منتجات التخسيس
لازم تابعي مع دكتور ريجيم و غيرك سبقك و نحف

 

[M!ss chocolate]

والله انا بعد ابي اضعف
بس ماكو شي مثل الرجيم احسن واضمن
الواحد هالايام يخاف من منتجات الشاي والقهوه والاعشاب والحبوب ومادري شنو
صح اني ولا مره جربت بس عندي من اهلي جربووو وما نفع معاهم
بس والله احسن شي الرجيم
وابدأي اول شي تخفيف وبالتدريج لما تتعودين انج ما تاكلين وايد
واهم شي المشي
وان شاء الله تضعفين واضعف معاج يااارب

 

[ريمانيا]

حبوبة ترا كل شي بهالدنيا يبيله مجهود و تعب عشان توصلين للنتيجة و الارادة خلي عنج مليت زهقت و ابتدي سوي الريجيم امشي باليوم نص ساعة لغاية الساعة و صدقيني الايام تجري و بتوصلين للنتيجة انشالة اما تروحين دكتور تغذية عندج اللي بمستشفى الصباح او اذا حابة خاص او تشتركين مع شركات الدايت و نصيحة ابتعدي نهائي عن الحبوب التخسيس و الادوية تراها مضرة ع المدى البعيد خلي رجيمج صحي

 

[تيلي توبيس]

هلا اختى لا تقولين زهقانه ومليت هذا اول شي واول خطوه تبدين فيها اذا تبين تضعفين والله تضعفين بقولج عن تجربه انا وزنى كان وااايد يعني تقريبا 90 وسويت رجيم وبعدها صرت ضعفيه بس شسوي الاكل حلو تزوجت وتدرين الزواج بأول ايامه مطاعم وسهر وطلعات وفنادق المهم بعدها بشهرين بعد عرسي حملت ورجعت متنت المهم بعد الولاده صار عندى ثقه بنفسي انى ابي اضعف وانا موناقصنى شي راح اضعف وارجع مثل قبل حق نفسي وصحتى وحق زوجي ليش لا والله لارحت عن دكتور ولا خذيت حبوب قمت كل يوم اروح امشي نص ساعه ومخففه اكل واخلي يوم مفتوح حق الزواره وماكو شي اسمه حلويات وجبات سريعه نشويات معكرونه فطااااير كل شي يمتن ابتعدت عنه والله قمت اشرب شاي اعشاب واخفف واشرب وااايد مااااي اهم شي انج ماتقطعين الوجبات الرئيسيه الغدااا والريوق والعشا ترى اخطر شي تقطعينهم انا سامعه المطوع قال كل ماتلتزمين بالوجبات يكون احسن وصحى وذا يعتى هم شي صحى ماشيه بالشي الصحيح ولازم تاخذين حبوب كالسيوم اذا ماتشربين حليب عشان مايطيح شعرج مثل ماقالوا الاخوات اللي عنده إراده يسويها اذا بتقولين زهقانه ومالي خلق معاناته لا تبلشين رجيم عندى وحده جذى تسوي رجيم وتقطع ودشت نادى وتقطع تاكل وتخربط وزنها صار دبلااااات لانه ماكو إارده خلي عنج زهقانه ومالي خلق لا تحبطين نفسج حرمى نفسج عن الاكل ياما كلينا بس خل نضعف والله نموت قهر لما نشوف اجساااااااام رووووعه ولما ندش المحل نشوف هالبدلات السنعه يعني مادرى علي متينه يعععع مايليق تخيلي جسمج يصير رشيق اصلن حلو حقج لانه يحميج من الامراض ويسهل عليج الحركه الحمدلله الحين متوفر اكلات رجيم شركات تغذيه عندج احلا شركه دااايت كييرر اكلهم روعه اخصاااييين تغذيه والله يعينج علي نفسج انشاءالله تضعفين بصحه وعاااافيه

 

[AooDoo]

مالج الا دكتور تغذية

 

[frketa1]

حبيبتي تبين صج تضعفين وعندج الإرادة؟؟؟؟
أحسن حل صدقيني
روحي حق دكتور وقوليله أبي أصير 60 خلال 6 شهور يعني أنقص 55 كيلو
وشدي حيلج هالست شهور والتزمي معاه واشتركي بنادي وروحي عالأقل 4 مرات بالاسبوع النادي ويسوون لج برنامج
وانشالله عقب الست شهور سوي تثبيت مع الدكتور
وبتكونين منيكان وأحلى ما يكون ضاعفة على صحة ورياضة والله يوفقج