بنوتأإات ممكن تسآإعدوني :)

[آسسؤم]

مرحباا بناااااات

اشلووونكم حبايبي

انا ودي اخذ مشوورتكم واهم اسألكم عن شغله

انا كنت طالبه بالتجاري وبعدين سحبت اوراقي وان شاءالله بقدم عالكورس الجديد مع الدور الثاني
بقدم لمعهد الاتصالات والملاحه

انا نسبتي 73 وخرده << تعتقدون راح يقبلوني ان شاءالله

الكل يقولي اكيد راح يقبلونج ناس اقل نسبه منج ويقبلونهم << عاد انا ابي مشورتكم

واذا تعرفون متى موعد تسجيل الدور الثاني ياليت تبلغوني لاني بجد مادري متى وخايفه يطوف علي :eh_s(2):


ومشكورين قبل كل شي

 

[نــوره]

والله مادري اتوقع يقبلونج لانه نسب القبول عندهم جنه بنهاية الستينات !!

انا اعرف وحده دخلت الاتصالات والملاحه ونسبتها 74% ..~

 

[آسسؤم]

رد : بنوتأإات ممكن تسآإعدوني

نوره؛:

مشكوووؤره حبيبتي

وجزاج الله الف خير

 

[شفايف كرزيه]

هلا اختى
ان شاءالله يقبلونج
بس سؤال انا طالبه بكليه التربيه
وناويه اسحب اوراقي
شلون سحبتيهم من كليتج او رحتى العديليه ؟

 

[آسسؤم]

رد : بنوتأإات ممكن تسآإعدوني

هلا فيج حبيبتي

اي انا سحبتها من كليتي نفسها من الاخصائيه التخصص مالي

واحب اقولج ترى انا رحت للعديليه وافتريت و دوخوو راسي

و قالولي انتي عند مبنى 1 المبنى الرئيسي

ولما رحت قالولي روحي لاخصائيه القسم مالج

ليش تبين تسحبين كل الي بالتجاري يبون ايون عندكم الا انا ههههههههههه

الله يوفقج ونورتي يالغاليه

 

[شفايف كرزيه]

الحمدلله وفرتي علي فراااره عاد كنت ناويه اروح العديليه

انتى لما رحتى العديليه اى مكان رحتى ؟
نفس المكان اللى قدمتى اوراق للتجاري

والاخصائيه شنو طلبت من اوراق وقالت تقدرين تقدمين مره ثانيه على التطبيقي؟


وليش بسحب لان الدراسه متعبه وماتصلح الا للشاطره وانا مو شاطره يعني مستواى مو سين يعنى زين
واللى متعبنى طبيعه الدراسه انا تخصصى عربي صعب والدكاتره عسرين حيييييييييييييييييييييييييل

الله يقدم اللى فيه الخير

 

[آسسؤم]

رد : بنوتأإات ممكن تسآإعدوني

الله يعينج حبيبه وسوري اني تآخرت عليج

انا اقولج اول شي رحت للعديله مكان التسجيل من اول شي

بعدين قالولي شنو شهادتج قلت ثانويه قالو روحي فوق

رحت فوق لقيت مكاتب وايد فقلت ادخل اي مكتب الحين بالعربي توهقت ماعرفت جان ادخل اخر مكتب لانها كانت مره

ويزاها الله الف خير قالتلي روحي المبنى الرئيسي الي على الشارع وقعدت تتكلم معاي عن التجاري و و و و

ورديت ثاني مره انا وابوي الله يخليه لي ندور المبنى الرئيسي

المبنى الرئيسي لما تيين بتدخلين من لفه عماده التسجيل تكملين سيده ويصير يمينج

والاخصائيه ياطويله العمر ما كلمتني قلت لها بسحب اوراقي قالتلي ليش مو شغلها بس فضول الحريم

وبعدين طلعتلي ورقه سحب وعبيت البيانات

وقالتلي روحي هالاماكن اخلاء طرف ومن هالحكي الورشه و القسم العلمي و المكتبه والعميد

واخر شي رحت لمكتب التسجيل عندنا بالكليه

وخذت الورقه وصورتها وعطتني نسخه وقالتلي الحين انتي مو موجوده عندنا

وسلاامتج

بس احب اقولج ان الورشه لما ييتها علشان توقعلي قالتلي ترى مايصير تردين ثاني مره اهني

يعني قصدها الكليه مو قصدها الهيئه كلها

وسامحيني اذا طولت عليج لاني حبيت اقولج السالفه بالتفصيل

والله يوفقج ويوفقنا لما يحبه ويرضاه

واذا تبين اي شي تفضلي عيوني لج

 

[شفايف كرزيه]

مشكوره اسووم ماقصرتى
يعنى كل شي سويتيه بالكليه نفسهاا بس يبيله فره

الحمدلله
بسالج ليش طلعتى من التجاري ؟>>>>> فضول حريم

 

[آسسؤم]

رد : بنوتأإات ممكن تسآإعدوني

هههههههههههههههههه فديتج يالغاليه
كلي لج انا

والله مادري شقولج ابدا بالدكاتره ولا مكتب التسجيل ولا سمعته
ولا بالكتب ولا بالمواد نفسها ولا بالوقت التسجيل
وانا طبعي ما احب شي بالدراسه انا اسوي احس تعودت على جو المدرسه
عطوني الجدول وانا امشي عليه وانا ابي مكان جذي
ولا الدكاتره ياتضحكين ولا تتبسمين ولا تلبسين قصير
والله بدون مبالغه واحد من الدكاتره يقول لنا بالمحاضره الي تبي
a < تعطيني بوسه اول << شنو تسوين
ربج كريم يابنت الحلال
ولا مكتب التسجيل يحذفون اوراقج حذف
ولا يراعون شي الا امج لا ابوج لا وقفتج وانتي حامل
انتي يمكن تقولين لا عادي اهم شي دراستج
التجاري يقولون دراسه اهناك سنتين ولما ادشين تكتشفين ان سنتين ماتكفيج
ثلاث اربع خمس سنين وانا تعرفت على وحده ست سنين تقول ما اقدر اخلص من ماده
ادخل بماده ثانيه
بس ما اقدر اتآقلم بصراحه
الله يعينا ويوفقني بالمكان اليديد ويكون احسن لاني تآخر سنه عن زميلاتي
ادعيلي بالتوفيج انتي

 

[! هُوْ وِينِه !]

مآ ألومج إنج سحبتي من آلتجآري
محد ينجح إلآ بوآسطآت أو إنج تقطين وجهج على آلدكآترة
أنآ كذآ حدة من رفيجآتي كآنوآ بتجآري وحولوآ عندنآ بدورآت آلخآصة بآلشويخ

 

[آسسؤم]

رد : بنوتأإات ممكن تسآإعدوني

هو وينه

من صجج انتي

تدرين انا متى انسدت نفسي وقلت خلاص ستوب الكورس الي طاف

لما يبت المعدل المطلوب وماخلوني احول

والله والله ان وحده اعرفها مع بكلاس تقول انا ساقطه بمادتين

بس قبلوني انا انينيييييت وحسيت صج عندهم مايتقدر التعب يعني تداومين
ما اداومين عااااادي

يامعوده انا ابي اي مكان اهم شي مو التجاري استغفرالله خلوني اكلم الطوف

يالله الله يسامحهم ويوفقني بغيرهم

وماآلوم رفيجاتج كلش كلش كلش

وقوليلهم اسوم تقولكم زين ماسويتو

 

[! هُوْ وِينِه !]

أبشري أسوم
وين تبين تحولين

 

[شفايف كرزيه]

اسوم الله يعينج من صجج الدكتور يقول جذي قدام البنات !!!!!!!!!!!!
مووووصج
مو لهدرجه


وبالنسبه للتسجيل والمواد عندنا وعندكم خيررر الموظفاااااااااااات اى شي ويزفوووووون زف والله كانج تشتغلين عندهم
خليها على الله انا اللى خلنى افكر اطلع لان دراسه التربيه صعبه ومتعبه وحتى الوظيفه متعبببببببببببببببببببببببببببه ومحد يحس مدرى شنو يبون بالضبط
وبينى وبينج مو مرتاحه الا اللي عندها وووووووووووووووووووواسطه
واللى مثل حظى تستريح

 

[آسسؤم]

رد : بنوتأإات ممكن تسآإعدوني

انا مفكره احول اتصالات وملاحه

كرزيه : اي والله اني ما اجذب جداااامي اقولج

اهو اصلا انسان الكل يشكتي منه

انا معطيني دي مع اني بدون مبالغه اشطر وحده عنده
وصج صج اهتم

بس الحمدالله على كل حال