بنوتات... ودي اروح استراليا!

[ايمان80]

قوة حلوات ..شلونكم
هذي اول مرة اشارك بهالقسم واتمنى انكم تساعدوني..:tomato2:
انا ناوية اسافر هالصيف استراليا ..وابيكم تفيدوني بأحسن المناطق..الفنادق4 او 5 نجوم وتكون راقية ..الرحلات الحلوة..جوها شلون راح يكون بالصيف بارد:ada: والا حار:eh_s(14):؟

احسن السفريات اللي حجزتوا عندها..وعلى اي طيران؟

وهل نزلتو كم يوم في تايلند؟شلونها؟ تنصحوني فيها؟

ياريت تردون علي !!

مشكووراااات:eh_s(6):

 

[بنت عبدالغني شربت]

هلا والله انا عندي تقريري عن استراليا ان شاء الله يفيدج


http://www.q8yat.net/showthread.php?t=70694

 

[aa7zan]

هلا والله حبوبه بصراحه استراليا هذي احلا ديره رحتلها بحياتي لان صج صج صج حدها روحه و اذا رحتيلها بالصيف راح تكون بارده و احلى المناطق فيها اللي لازم تزورينهم اول شي لازم تروحين منطقة مالبورن عشان اتزلجون على الثلج وهل منطقه ماتقعدون فيها وايد وثاني منطقه اتروحيلها سيدني عشان تشوفين الاوبرا ولاااااااازم تروحين حديقة الحيوان اللي عندهم تكون بجزيره بروحها حدها عجيييييبه وترا في ناس وايد مايدرون عنها وطوفهم وانا انصحج انج ماطوفينها واخر منطقه اطبينها اهيا جولدكوست طبعا هذي احلى مكان في استراليا كل المغامرات والوناسه فيها لاطوفين عرض اسمه ميدنايت هذا يكون مثل شو على مسرح وحده حده عجيب جنه حلم ولاطوفين مطعم دراكولا هل مطعم في عرض شو و وطريقة الاكل تخيلي ايبولج الكيكه بتابوت والاكل بجمجمه يعني شي عجييب وطبعا لاتنسين تروحين الريف الاسترالي حده وناسه ......

و على طاري تايلند نصيييييييحه لاتروحيلها حدها ويييع ماتسوى ولابيزه وديره وصخخخخخخخخخخخخخخه كلها زهيويه وريحتها خايسه وراح تتعبين بالاكل وصايره حيل حيل غاليه والله ماتسوى فا نصيحه اذا بطبين ترانزيت قبل او بعد استراليا روحي سنغافوره او ماليزيا عشان تسوقين
وبس اتمنى انج تستفيدين من تجربتي

 

[aa7zan]

واي صح نسيت لا اقولج ان احسن سفريات يودون رحلات حق استراليا اهما سفريات السيد

 

[الزين الفاخر]

واااااااااااااااااااااااااااااااي أستراليا أحلى سفره بحياتي صج لقالوا عنها قارة الأحلام
جولدكوست يبيلها أسبوعين ومالبورن وايد عليها 4أيام وأحلى شي فيها رحلة الثلج وإذا إنتي شايفه ثلج من قبل ماله داعي تروحيلها وخلي سيدني آخر محطه علشان التسوق وقعدي فيها على الأقل أسبوع
وإذا تبين معلومات أكثر من ناس مختصين وبينصحونج بأدق التفاصيل شوفي مواضيع أستراليا بمنتدى العرب المسافرون--وبالتوفيق حبيتي--:eh_s(6):

 

[الفاتنة]

انا بعد ودي اروح معاج

زرت استراليا الستة الي طافت ولي عودة معاج عشام اقولج كل شيء بالتفصيل

 

[الفاتنة]

شوفي حبيبتي لا تفكرين تطبين تايلند المقطنة لان الي يروح استراليا -ام الدنيا - ينسى كل دولة زارها من قبل ديرة صج تسوى العنوة دربها بعيد بس ونيسة تصلح للعائلات ولشهر العسل وللاطفال وللتمشى بس سوقهم لج علية شوي يعني عادي بس الي لاحظته هناك ان الماركات وااايد ارخص من الكزيت والمقطنة تايلند

شوفي سدني حلوة وراقية واايد ومتحضرة وسوقها حلو

جولد كوست - برسبن - عسل هالجزيرة كلها رحلات مثل - الموفي وورلد \سي وورلد \ دريم وورلد \ التول شيب \ الانفنتي \ المطعم الي مع الانفنتي وحلال اكلة وجنج قاعدة في الفضاء لان الجاذبية منعدمة فيه -تجربة حلوة \الهليكوبتر \السفن الشراعية \وعلى فكرة مطاعمهم حلال وكل مكان فية مصلى لان عندهم نقابة للمسلمين

- ملبورن حلوة وسوقها حلو وفيها الثلج ومدينة البطاريق بس تخرع اشوي جنها نيويورك
اهل استراليا وايد حبوبين ومتعاونين بس ممنوع تدخلين بالمطار ومعاج حليب بودر او اي شيء سائل مثل الجبن او الحليب

 

[fat]

شنو يعني التول شيب

 

[moonystyle]

شوفي حبيبتي نصيحة اذا عندج احد يعرف بالحجوزات عن طريق النت احسلج و أرخص بوايد... أول شي حجزي عن طريق طيران السنغفورية أعتقد اهيا ماتطب الكويت يعني لازم تروحين دبي و من هناك تطيرين على السنغفورية أحلى طيران بالعالم خدمة روعة طيارة روعة مريحة وايد ... ثاني شي ريحيلج بسنغفورة ليلة أو ليلتيين ترى الديرة روعة روعة و نظيفة وايد أحسن من تايلند الوصخة... ثالث شي أحلى 3 مناطق بأستراليا ملبورن و حدها 3 أيام بس حق التزلج .. بعدين روحي قولد كوست أعيز و آنا أقولج روعة و أنتي بقولد كوست في اهناك مكاتب يسولج رحلات أغلب المكاتب عرب نصيحة روحو حق كذا واحد عشان لايقصون عليكم بالأسعار... أنا رحت 3 رحلات رحت الموفي وورد و الدريم وورد و السي وورد ( dream world- movie world - sea world ) وقولد كوست يصير فيها كل جمعة سوق على طول البحر واااااااااااايد يونس.. آخر شي روحي سدني حلوة سوقها روعة .. وفيها أكواريم وايد حلووو ... بالأخير ان شاء الله تستانسيين ترى الديرة تستاهل وايد روعة و ماشفت أحلى منها و شعبهم حدهم حبوبين وطيبيين ... أن شاء الله أكون فدتج

 

[نوف الحلوة]

انزين جم تكلف مصاريف من غير السوق

 

[al3ajmia]

استراليـــــــــــــــــــــــــــــا

حدج عورتي قلبي يوم قلتيها .... صج صج لا قالوا ديره ان ريحتيلها تعوفين اي ديره ثانيه

احلى 3 مناطق ملبورن وحدا 4 ايام وايد عليها بعد ... جولد كوست 3 اسابيع ماتكفي انتي بس حجزي الفندق اما الرحلات هناك حجزيهم من المكاتب السياحيه الي تصير بالفندق نفسه وابد ماتكلف يعني كل رحله من الصبح لين العصر ما تكلف 15 دينار نقل وتذاكر للمكان ... سيدني امبيه حدها خيال اسبوع زين فيها .. لا تطوفج الاوبرا وحديقه الحيوانات واي ماكس والاكواريوم حدهم روعه والسيدني تور .. ولما تروحين للسيدني تور تلقينه صاير وسط المجمعات...واحنا كنا ساكنين في فندق ستار سيتي وغرفتنا كانت تطل على الاوبرا والهاربر برج وكان الاكواريوم والي ماكس ومجمع مطاعم تحتنا نروحلهم مشي.... كان فندق واايد حلو و5 نجوم

لا تروحين مع غروبات لانه الجروبات اماكن وايد ماتروحلها خصوصا الرحلات الي تصير داخل الغابات في جولد كوست

لايطوفج سوق الليل الي يصير على البحر يوم الاربعا واليمعه في جولد كوست اشياء روعه...

واهم شي لا يطوفج اني تركبين فوق جسر الهاربر الرحله مدتها 3 ساعات بس خياااليه تحسين روحج طايره فوق الجسر ...

وان شاء الله تروحين لها وتستانسين فيها وايد

 

[ظبية الامارات]

استراليا خبال وحلوة انا عايشه فيها هاذي السنة الثانية لي فيها وايد حلوة

 

[أوكسجين]

وااااي
شوقتوني
انشالله هالسنه انا وريلي بنروحلها