بنووته سعوديه محتاجه مساعدتكم

[Ana ^_^وبس]

مرحبتين بنوتااااات:q8: الكويت

انا انشااء الله نازله الكووويت بعد يومين جايه من الرياض
ابي اسمااء الاسواق اللي احصل فيها الماركات مثل بولو وكوتش ...ألى ألخ
وابي بازارات القي فيها لبس كوووشخه عندي ديجي وماادري وش البس:0bee2e8d89::s141:
واحسن ملاهي واذا فيه منتجع الاقي فيها مسبح نسائي...
والللي يسلمــــــــــــكم ردوي على موضوعي لاتطنشوون

 

[مدرسة طفشانة]

حياج الله حبيبتي في الكويت تنورينا في بلدج الثاني
بالنسبة للأسواق عندج مارينا مول والأفنيوز هذي أجدد مولات تلقين فيها كل الماركات تقريبا
وعندنا قرية المسيلة المائية للنساء في أيام السبت والاثنين والخميس
وعندج الأكوا بارك للنساء يوم الثلاثاء
ان شاء الله توصلين بالسلامة وتستانسين

 

[اميرة الغيد]

ياهلا وغلا باهلنا الحوين
الكويت ان شاء الله ماراح تحتارين وتدورين اسواق لان كل مكان عندنا فيه سوق
اهم الاسواق مثل ماقالوا البنات الافنيو والمارينا والفروانيه فيها مجمعات كبيره جنب بعض وتخصصهم الدراريع والعبي باسعار مناسبه وفي بالحمرا مول بالفروانيه محلات بدلات سهره واذا تبين بدلات سهره تلاقين بحولي بمجمع المهلب ومجمع النقره الشمالي وفي بعد بكويت مجك
اذا تبين الاسواق الشعبيه عندج سوق المباركيه والسالميه القديمه او السالميه الشماليه
بالسالميه تلاقين اكبر شارع بالكويت واهو شارع فهد السالم هذا الشارع تلاقين فيه مجمعات كثيره جنب بعض اهم المجمعات هناك مجمع الفنار وزهره والبستان وليلى جاليري وبلازا والمارينا وبشارع قريب منهم اهوه شارع حمد المبارك تلاقين مجمع منيره ومجمع دانا سنتر ووراهم سيتي سنتر اذا بغيتي شي دزي لي على الخاص انتي تامرين ولا يهمك
عاد انا ناويه اروح الرياض ياريت تقولين لي المجمعات الحلوه اللي عندكم وصحيح ان الفيصليه فيه دور بس للحريم يقدرون يروحون بدون حجاب ؟ ياريت تردين علي بالخاص اذا ممكن عشان ممكن ما ارجع لهالموضوع

 

[فارسه الخيل]

توصلين بالسلااامــه وتنوور الكويت ..

مثل ما قالوا عندج الافنيووز التوسعه يعني عندنا توسعه للافنيوز اليديد .. في الماركااات وجي .. وكل شي تبين محلات .. H&M - GAp -pull&bear - bershka - وايد وايد وايد .. بتحووسين منااكـ .. وبتلقين ان شاء الله اللي تبيــن ..

منتجع سليل في الجهرا الصراحه ما رحت له .. بس ان شاء الله في العيد بنحجز ..
الليله في 60 ..وحلوو وراقي .. ويعني مافي وايد زحمه عليه .. ما ادري اذا فيه ولا لا لانه احنا رحنا شفناه ايام امتحانات وجي .. ما كان فيه احد .. بس جم سياره من السعوديه .. وفي همن جم سياره من الكويت

وبعد تبين تشترين ملاابس .. ما فهمت دي جي ..

اذا حق عرس تقصدين روحي الفروانيه .. صوب المجمعات العربيد وحمرا مول دشي وبتلقين ملابس عرس جاهزين وراقين في نفس الوقت
اسعارهم من بين 25 لي 60 جي يعني اذا تبينه جاهز لانه تفصال اخاف ما يمديج

اذا تبين تفصال عندج في حولي مشااغل .. اول ما ادشين صوب النقره الشمالي سيده تلفين مشااغل وايد حلووه ..

وعندج همن في الفروانيه صوب مطعم المطيري فوق حرايير حلو خيااطه ..

وان شاء الله استفدتي منيي ..

 

[Ana ^_^وبس]

كعبة الاحزان .. مشكووووره ياحياتوو "فديتك"

اميرة الغد تسلمين ياعمري والله انا مااعرف للخاص بس يكفي ردك على موضوووعي ..عطيتوني خيارات وايد حلوه


فارسه الخيل.. مشكوووره ياقلبوو
ديجي.>>>>حفلة بنااات يعني مو زواج كبير .. ابي شي ناعم

يعطيكم ألف عااافيه ...

 

[Ana ^_^وبس]

اميرة الغد ........ بتنووور الرياض
شوفي ياقلبي الفيصيليه مافيها دور نسائي فيها المجمع والبرج فيه المطاعم مرره جوه حلو..
المملكه اهي الي فيها دور نسائي الدور الثالث"مملكة المرأه" .. تاخذين راحتك فيها على الاخر..
وفيه عندك سنتريا مجمع كله ماركات عالميه بشارع العليا تقاطع التحليه
ولوكلايزر مجمع بالتحليه .. مرره حلوو ..تلاقين تيشرتات عليها شوارفسكي ومنها اشكال كثيره وبعضها مرسوم عليها مرره نايس
انشااء الله يعجبك
وعندك كمان حياة موول .. حلوو وبالاضافه لصحارى بجنبه

توصلين بالسلامه واجازه سعيــــــــــــده

 

[Ana ^_^وبس]

بنااااااااااات مارديتو علي بالنسبه للبازارات .. وابي محلات جلابيااات .. فديتكم

 

[al_sadeem]

الجلابيات او الدراريع بمجمع العربيد الفروانية

 

[purple80]

عندج ,الأفنيوز فيه تقريبا كل الماركات و المحلات العادية, مارينا مول , الفنار,البستان, مجمع جديد اسمة 360 بس ما فتحو كل المحلات , فيلا مودا في المنطقة الحرة فيها الماركات. المنشر , الكوت , المهلب ,مجمع زهرة فيه بدل سهرة و ماركات , مجمع الصالحية كله ماركات , مجمع الراية كله ماركات و فيه فندق , و اذا تبين اسواق شعبية عندج سوق السالمية , محلات المعملم و محلات المحاميد و كرز و مستورة تلقينهم في كل مكان .