بودي عيالي فلم افاتار تهقون يصلح لهم ؟

[brettey]

اشلونكم يا حلوات وشخباركم
انا ناويه باذن واحد احد اودي عيالي فيلم افاتار وعيالي واحد بثالثه ابتدائي وواحد باولى ابتدائي تهقون يصلح لهم ؟انا شاريته واهم شافوا الصوره تشوقوا له بس رفيجاتي قالوا لي اشوفه بالسينما احسن مادري شرايكم ؟
الي راحوا له تهقون يصلح لهم ؟

 

[حجيه هيونه]

والله مادري عن عيالج بس اتوقع عادي نفس العاب البلي ستيشن

بنتي بثالثه ابتدائي شافته على اللابتوب وعجبها وايد

 

[brettey]

والله مادري عن عيالج بس اتوقع عادي نفس العاب البلي ستيشن

بنتي بثالثه ابتدائي شافته على اللابتوب وعجبها وايد

بعد عمري الله يخلي لج بنتج وتفرحين فيها بس هذه اول مره اودي عيالي السينما وتدرين الشاشه شكبرها بس اتوقع بيستانسون

 

[ريماا]

انا مرة خذيت عيالى سينما الافنيوو واستانسووو حييل بس ولدى الصغير مل الان عمرة قريب من 4 سنوات فمو قاادر يقعد على بعضة يبى يتحرك ويتمشى تعرفين طفل بسرعة يمل
عيالج اكبار يعنى ان شالله يستانسوون والفيلم انا ماشفتة بس دام على شخصيات كرتونية اكيد بيصلح لهم

 

[[]Do0oDe .!]

روحي اليس ان ذ ووندرلاند

ان شاء الله هالويكند ناويين عليه

رووعه رووعه روووعه

 

[~ ام توته ~]

مثل ما قالت دوودي وديهم الكس ان وندرلاند راح يستانسون

 

[عرق الطيب]

ما أدري أحس بعدهم صغار على هالفيلم لا القصه تصلح لهم ولا راح يفهمونها دخليهم فيلم كرتون أفضل لهم ويناسب سنهم وراح يستانسون أكثر

 

[De3La^85]

اهوا حلو اذا دشيتيه ثري دي

بس انا ما عجبني مليت وايد طويل 3 ساعات والقصه احس كبيره على عمرهم بس التصوير اينن راح يستانسون اذا دشوا ثري دي

واليس انا ما شفته بس اتوقع حلو دعايته تونس

وانصحج اذا اهمه اول مره يدشون سينما وديهم فلم ثري دي

 

[Le-Touch]

الفلم صحيح حلو و وايد قوي بس مو للاطفال

وديهم الس ان وندر لاند اي ماكس راح يستانسون وايد واصلح لهم

 

[بدوره 22]

لا حبيبتي ما يصلح لهم القصه كبيره على سنهم ويبين ان يصير بين البطل والبطله شي مع ان مقصص بس في لقطات مادري شلون

ماني عارفه اعبر بس باختصار لأ ما انصحج

 

[غـــ روحــsaraــي ــلآآ]

انا رحت له قصته ماتنفهم بسرعه يعني صعبه عليهم اهو الحلو فيه ان الشخصيات كأنها كرتونيه وبالاي ماكس عجيب

 

[آبـلـہ نـونـو]

حلو آلفليم ، بس طويل و رآح يملون منہ آلصغآر و بروحہ آلقصہ أكبر من سنهم ..

بس إذآ بـ خآطرهم عآدي وديهم ،

..

 

[قمر الكويت]

شفي اختي
انا رحتله بعطلت الربيع بدبي حلو وشوي طويل
بس علي حسب اذا اعيالج يحبون افلام الكبار ولا لا
وريهم لقطاته بنت اذا عجبهم اوكي

 

[ديمـ77ــا]

صراحة ما انصحج...

يكفي الابطال كانهم مفاصيخ...استغفر الله...

شوفي شي مناسب لعمرهم...