بوك مارك

[maysoon]

بنااااااات عندي سؤالين على الطاير

ان شاءالله انا مسافره لدبي شنو تنصحوني اشتري كتب من هناك؟


والسؤال الاهم ... من وين القى بوك مارك يكون شكله حلو غير جرير :eh_s(10):


لاني دورت ما لقيت الا بجرير وما اعجبوني ​

 

[أساور]

بالعكس اللي بجرير حلوين واكثر من شكل

 

[maysoon]

الحين خالصين باقي اشكال مليقه حدها

ابي اشكال غريبه

 

[maysoon]

بنااات شنو تنصحوني اشتري كتب من دبي؟؟؟ الي ما تكون موجوده بالكويت

 

[lailosh]

بدبي مادري شنو فيه

بس في بفيرجن بوك مارك حلويييييين حدهم

 

[maysoon]

عيل يبيلي روحه فيرجن

 

[رفرف]

انا خذيت بوك مارك شحلاااااااااته من المجرودي اللي بدبي فستيفال مول .. على فراشة وفيها ستراس وحركات
مادري اذا في بجرير جذي ولا لا بس وايد عجبني ..

 

[maysoon]

المجرودي هذي مكتبه ولا شنو بالضبط؟

لاني ولا مره رايحه فستفال بس هالمره ان شاءالله بروح

 

[~q8ia~]

جنه بدبي مول بفيرجن

 

[maysoon]

وشنو احسن المكتبات الي بدبي؟

 

[رفرف]

المجرودي مكتبة كبيرة تبرد قلوبكم بالفستيفال مول يعني من طقة جرير او شوي اصغر ..

 

[maysoon]

عيل بكتبها باللسته وبروح لها ان شاءالله

 

[رفرف]

عيل شوفي البوك ماركس يصيرون جبال الكاشير حلوين انا صج تحسفت ليش ماخذيت اكثر من واحد لأن مرات اقرا كتاب ورواية وكذا شغلة بنفس الوقت شي بالدوام شي بالبيت شي بالسيارة فيبيلي اكثر من واحد بس ريلي حبطني وماشريت والحين تحسفت